بعد التحية
سيارتي كيا برايد العصفورة مو ٩٩
طبعاً بالليل مكنتش بشوف حاجة بسبب سوء الاضاءة
و دخلت قريت و عرفت ان فيليبس افضل هالوجين
كنت نزلت أدريان اللي في جامعة الدول يوم ٧/٦/٢٠١٤
و لقيت عنده نوع اوسرام جديد لسة مش عند حد
اسمه: أوسرام نايت بريكر أنليميتيد
بيدي ١١٠٪ اضاءة زيادة و ٢٠٪ لون أفتح
ب ٢١٥ جنيه الطقم (لمبتين)
المهم استغليتهم ، و نزلت التوفيقية يوم ٩/٦/٢٠١٤
عند الابياري
و سألت على فيليبس رالي، قال لي عندي أوسرام نايت بريكر بلس
ده بيدي ٩٠٪ اضاءة اقوى ، و ١٠٪ أفتح
ب ١٥٠ جنيه
اشتريتهم و ركبتهم ،
بصراحة الفرق مش كبير قوي عن العادي
و يا خسارة ال ١٥٠ جنيه
نشتغل بيهم سنة و نبقى نغيرهم بقى
اسف على الاطالة
شكراً