مشكلة ضروري في البيجو 504

**mfs3570** · 10-06-2014 07:10 PM

كان عندي نفس المشكله بالضبظ عملت العمره والعربيه من ساعتها بتغلي الحل بسيظ للغايه واكتشفته بالصدفه ........................الشكمان كان مسدود تماما ....بعد ماصرفت وركبت مروحه كهربا وغيرت رادياتير وفي الاخر الشكمان ظلع مسدود لان لما الموتور كان بايظ كان كل الزيت بيروح مع العادم في العلب بتسد وكمان انا مغيرتش الشكمان انا كنت بجري وظلعت علي حجر فالشكمان اتخرم ولقيت الحراره لا تذكر نهائي ............ اكشف علي الشكمان وان شاء الله ده الحل

**m.z.kewan** · 11-06-2014 10:27 AM

المشاركة الأصلية كتبت بواسطة amrelsaqqa

لا والله ياباشا ما قدرش افيدك في ميكانيكى في القاهرة ، حتى اصلا عمرى ما اتعاملت مع ميكانيكى واقتنعت بيه 100% ، الواحد بيروح للصنايعى مش عشان يقول له شوف العربية فيها ايه ، لا عشان يقول له انا عندى مشكلة في كذا و اعمل دى كدة ودى كدة ، وما تعملش كدة ... !

وبرضه موضوع التكييف ما جربتوش شخصيا في الـ 504 فما اقدرش افتى فيه

تسلم ياباشا

معلش تعبتك

هجرب كده واقولك بإذن الله

**NightmarE84** · 11-06-2014 10:41 AM

فى ميكانيكى استاذ 504 و موديلات قديمة فى البيجو

فى باسوس قليوبية قرب الدائرى

اسمه محمد الفلاح

وبقاله اكتر من 15 سنة شغال فى ال504 من ايام ماكانت واكلة سوق التاكسى

**م أحمد** · 15-06-2014 10:53 AM

المشاركة الأصلية كتبت بواسطة amrelsaqqa

ياباشا الجوان بيريح ولازم يتقرط على الوش تانى بعد العمرة بـ 500 كيلو او 1000 بالكتير
والتاكيهات بعد العمرة المفروض يكون مخليها مريحة عشان العربية ما تسخنش في التليين وبعد كدة بعد التقريط على الوش تتظبط بالفيلر (والعربية باردة تماماااااا كأنها مبيتة) البنزين على 10 والعادم على 25

ازاى الميكانيكى ماعملش الحاجات دى كلها !
اعمل الحاجات دى الاول وشوف كدة
وربنا يستر من العمرة اللى عملهالك ده شكله في البلالالا خالص

ظبط التاكيهات فى البيجو 504 يفضل لما تكون راجع من مشوار سفر (علقة للعربية) و هى سخنة

أما الضبط على البارد دا للفيات

**amrelsaqqa** · 15-06-2014 11:03 AM

المشاركة الأصلية كتبت بواسطة م أحمد

ظبط التاكيهات فى البيجو 504 يفضل لما تكون راجع من مشوار سفر (علقة للعربية) و هى سخنة

أما الضبط على البارد دا للفيات

بصراحة معلومة غريبة عليا
وانا رجعت لكتالوج الاصلاح ولقيت مكتوب ان الظبط يتم على البارد زي اي عربية

ممكن دى حاجة بالخبرة وثبت انها احسن ! ، الله اعلم ، طيب هل الظبط ع السخن ده بيتم بنفس الـ Gaps برضه ولا مقاسات مختلفة ؟

**م أحمد** · 15-06-2014 02:25 PM

المشاركة الأصلية كتبت بواسطة amrelsaqqa

بصراحة معلومة غريبة عليا
وانا رجعت لكتالوج الاصلاح ولقيت مكتوب ان الظبط يتم على البارد زي اي عربية

ممكن دى حاجة بالخبرة وثبت انها احسن ! ، الله اعلم ، طيب هل الظبط ع السخن ده بيتم بنفس الـ gaps برضه ولا مقاسات مختلفة ؟

مقاسات بالظبط معرفش ، بس الموضوع دا كان موضع سخرية ميكانيكى بيجو لما واحد اعرفه كان رايح يبيت العربية عنده علشان يظبط له تاكيهات ، سأله انت رحت لميكانيكى فيات ؟

بالنسبة لميكانيكى بيجو فى منطقة الظاهر ، عند آخر كوبرى غمرة فى اتجاه العتبة تانى شارع يمين على الناصية ميكانيكى بيجو مشهور بس مش فاكر اسمه

**amrelsaqqa** · 15-06-2014 02:28 PM

الميكانيكية دول ليهم نوادر وغرائب اساسا
انا مرة روحت اظبط تاكيهات
الراجل مش معترف ان كل عربية ليها مقاساتها ع الفيلر حسب توصية المصنع

مقتنع ان كل العربيات بتتظبط على 25 للعادم والبنزين :d

**Ahmed_aboarab** · 15-06-2014 10:23 PM

الميكانيكي اسمه عبد الصبور ( الموجود في الظاهر )

**Akram.Gamal** · 16-06-2014 07:08 AM

بص ياباشا جرب حظك ف القاهره ولو موصلتش لحاجه
انزل دمياط اسأل ع اشرف الميكانيكي جنب بنزينة كالتكس ف العادليه ع ترعة السلام
و ان شاء الله هيحللك مشاكلك كلها بالنسبه للموتور و التكيف
اما العفشه و الكهربا هيوديك لناس ف بلقاس بالاسم و ع ضمانتي

**Akram.Gamal** · 16-06-2014 07:13 AM

بص ياباشا جرب حظك ف القاهره ولو موصلتش لحاجه
انزل دمياط اسأل ع اشرف الميكانيكي جنب بنزينة كالتكس ف العادليه ع ترعة السلام
و ان شاء الله هيحللك مشاكلك كلها بالنسبه للموتور و التكيف
اما العفشه و الكهربا هيوديك لناس ف بلقاس بالاسم و ع ضمانتي