رادرات المحور الجديدة بتحسبلك بالوقت مش السرعه

**amrelsaqqa** · 10-06-2014 02:33 PM

والله حلوة ولمصلحة المخالفين واصحاب السرعات العالية على فكرة
ليه بقى انت مثلا هتمشى على 140 من غير ماحد يقوللك حاجة ، وتيجى في حتت زحمة تبقى سرعتك 60 وحتت تانية سرعتك 20 وفترات توقف تماما

في الاخر يطلع متوسط سرعتك 73 مثلا ! او 85 بالكتير !
وفي الاوقات الرايقة امشى بسرعة زي ما نا عايز ولو جيت في اخر الطريق ولقيت ان مكنش فيه زحمة توقفنى ههدى وهمشى على 60 عشان المعدل النهائى بتاعى ما يعديش المسموح بيه هههههههههه

**darkangel007** · 10-06-2014 02:45 PM

المشاركة الأصلية كتبت بواسطة amrelsaqqa

والله حلوة ولمصلحة المخالفين واصحاب السرعات العالية على فكرة
ليه بقى انت مثلا هتمشى على 140 من غير ماحد يقوللك حاجة ، وتيجى في حتت زحمة تبقى سرعتك 60 وحتت تانية سرعتك 20 وفترات توقف تماما

في الاخر يطلع متوسط سرعتك 73 مثلا ! او 85 بالكتير !
وفي الاوقات الرايقة امشى بسرعة زي ما نا عايز ولو جيت في اخر الطريق ولقيت ان مكنش فيه زحمة توقفنى ههدى وهمشى على 60 عشان المعدل النهائى بتاعى ما يعديش المسموح بيه هههههههههه

الراجل ده بيقول كلام زى الفل والله
بس المشكله بقى,

الحوادث هتزيد كده

يعنى هركز فى حساب سرعتى و النسبه و لا اركز فى الطريق الغير ادمى؟

**mohabelnegm** · 10-06-2014 03:03 PM

طيب قبل المصاريف ديه على كاميرات و خلافه يصلحوا النظام ألأدارى فى وحدات المرور , يشتروا اجهزة كومبيوتر حديثة بمنظومة تربط وحدات المرور فى الجمهورية كلها ,يزودوا شبابيك, يزودوا موظفين,يعملوا رقابة على الموظفين المرتشين......ببساطة ينهوا المهازل اللى بتحصل لأى مواطن رايح يجدد رخصة أو ينقل عربية من مرور لمرور أو يتظلم من مخالفة و المر اللى الناس بتشوفة فى وحدات المرور.

**a_aseda** · 10-06-2014 05:24 PM

يعني كده النقل مش هيتمسك علي المحور
مع انه ممنوع من السير علي المحور والغرامة 700 ج
والمحور بقي طالع نازل والاسفلت اتخرب بسبب النقل
ويوم يعملوا لجنة وشهرين مفيش
...
انا شايف ان فكرة الرادار ده عمليا مش مقبولة هيعرف منين انك دخلت الساعة كام ويحسب الوقت ازاي
لازم يراقب سيارة سيارة وده مش ممكن
هل في تكنولوجيا بالشكل ده ...
انا مسمعتش عنها
ولو في رابط عنها ياريت حد يقلنا عليه ... لمزيد من المعرفة

**fredyguindi** · 11-06-2014 09:14 AM

حبيت بس اوضح ازاي الكاميرات هتراقب كل السيارات ردا على أحمد جودة. هناك نوع جديد من الكاميرات يعمل بتقنية التعرف الأوتوماتيكي للوح السيارات ( License Plate Recognition ) زي بالضبط الكاميرات اللي فيها ( Face Recognition ) . شكرا