خبطة في حوض شنطة السيارة 2014 - حوض تخزين الكاوتش

**a_aseda** · 10-06-2014 05:00 PM

الحمد لله
علي المحور العربية اتاكلت ساندوتش
سواق خد غرزة من عربية ملاكي فرمل فجاة ..... اربع عربيات لبست في بعض (والمحترم-المحترمة) مشي بسرعة وكان مفيش حاجة
حض منت ثالث عربية وخلفي كارنز مدرعة وكنت لحقت وفرملت قبل ما المس السيارة التي امامي ولكن سرعة الكارينز لبست فيا من الخلف مرتين بسبب الارتداد وخبطة السيارة التي خلفها ايضا!!!!
الاكصدام الخلفي كان شكله منتهي وغطاء الشنطة مكبوس وعندي تامين قلت الحمد لله
..
المهم رحت الوكيل العربية 2014 صني
قال هنغير الاكصدام وفوانيس الاشارة وعند فتح شنطة السيارة لقينا كبس لمنطقة تبييت الكاوتش في حوض الشنطة .....
قال المهندس منطقة تبييت الكاوتش بحوض الشنطة بتكون لحام .... بنفكها ونغيرها بواحدة جديدة ونلحمها ونرش الحوض الخلفي مرة ثانية
ايه رايكم في الكلام ده
وهل هذا يؤثر علي مستوي العربية ولا التوكيل (اتو ايجيبت زيه زي المصنع)

برجاء سرعةالرد والتوضيح

**eng.m7md.ali** · 10-06-2014 06:35 PM

لا طبعاً ياباشا اوعي تعمل كدة

ياريت ترفع صورة للمكان ده عشان نشوف ايه اللي حصل بالظبط وهنقولك العمل ايه لكن انك ترش ارضية شنطة والعربية لسة 2014 حرام

**kar!m** · 10-06-2014 08:29 PM

ما دامت فك و تركيب .. أعتقد متعيبش العربية أوي .. خصوصا انها في التوكيل.

بس ال القصعه بسيطة .. و ممكن تتعمل على البارد بدون ما تبان يبقى أفضل طبعا.

**Land_Cruiser** · 10-06-2014 09:11 PM

قدر الله و ما شاء فعل. بلاش موضوع اللحام و الرش ده لانه هيقلل من قيمه العربيه و نظرا لان التوكيلات بتفضل عاده تغيير قطعه الغيار فالأفضل حضرتك توريها لسمكري شاطر يحاول يظبطها بحيث ان الكاوتش يقدر يدخل فيها بدون لحام او رش و لو قال لحضرتك انه ما ينفعش لاقدر الله يبقي تحط الاستبن في اي مكان تاني في الشنطه ارحم بكتير من اللحام و الرش

**amrelsaqqa** · 10-06-2014 10:03 PM

ياباشا السمكرة اصلا ما تتعملش في التوكيلات
خلى سمكري محترم يعمللك الشغل اللى في الدواخل الموضوع طالما كبس يبقى شوية زراجين عند السمكري وترجع فبريقة

وباب الشنطة والاكصدامات والشغل اللى برة اعمله في التوكيل لو عاوز ، بس خلى السمكري يظبطلك الدنيا من جوة الاول بدون رش ولا لحام ، واتأكد ان الخبطة ما وصلتش لكمرة الشاسيه

اما الفك واللحام والرش يأثر على العربية طبعا في اعادة البيع وتعتبر كدة راشة جزء من الدواخل في الربع الخلفى