اكبر مقاس جنوط اسبور ممكن اركبوا للانوس ايه؟
ولو ماركه نظيفه يعمل متوسط كام الطقم؟
عرض للطباعة
اكبر مقاس جنوط اسبور ممكن اركبوا للانوس ايه؟
ولو ماركه نظيفه يعمل متوسط كام الطقم؟
195/50/15
ماركة نضيفة مومو مثلا
استيراد ممكن طقم يعمل 2000
على حسب مفيش مقاس محدد..اعرف واحد مركب 18 في اللانوس :)
بس لو عايز رايي خليك في ال 15.
مقاسها الطبيعي حلو يا عم رامي انت لية عايز تزوده ؟ تحياتي ليك اصل انت وحشني والله كل سنة وانت طيب :)
انا ركبت 14 عشان ميحصلش مشاكل وركبت كاوتش بروفايل اعرض اكبر من الاصلي وبرده وقعت في نقرة عملت بلونة في الكاوتش والجنط كمان اتني والمقص ساب وكويس انه متناش
ركب 14 كفاية الشوارع بايظة
الله يكرمك والله انت اكتر والله ربنا يديم الود بينا دايما
عايز ازود مقاسها عشان:
1- ازود ثباتها
2- احسن فراملها (مش عجباني خالص)
3- لما بشوف الصور دي باتعقد (على فكره العربيه دي واحده وبيغيرلها جنوط وهيا من عندنا من المنصوره)
http://nileup.com/up/uploads/nilemotors_14025174961.jpg
http://nileup.com/up/uploads/nilemotors_14025174962.jpg
رامى قابلنى النهارده بالعربيه وحاول تتصل بيا من الصبح انا نازل دلواقتى المحكمه ممكن اقابلك عند محكمه مجلس الدوله فى مساكن الشناوى وبعدها هاروح على محكمه الاستاد وبعدها على محكمه البحر
لو كدا قابلنى هافرجك على طقم 13 راكب عندى واشيك من الكبير وبالمره تشوف العربيه بتاعتى اللى كنت عايز تشوفها
النمره اهى 01000251579
ماشي يا عم رامي ربنا يوقفك فعلا العربية شكلها جميل وتستاهل بس اعتقد الفرامل مش هنقرف في حاجة كده كده فرامل اللانوس ضعيفة شوية
بالنسبة للعربية هى تاخد جنط لحد 18... بس الطرق عندنا اخرها تركب 15
MMamdouh
جزاك الله خيرا
بس استفسار هل فيه فرق كبير ومؤثر بالسلب بين 15 & 16 في الطرق بتاعتنا؟
وهل 15 شكله على العربيه حلو كده وشاغل جزء كبير في تجويف الرفرف؟
الف شكر لسعادتك وياريت اكبر قدر من المعلومات والنصايح انتوا مرجعي :_Alshmokh22[1]:
واسعار BBS & LENSO ايه وشوفت BBS في الحرفيين جديد بس copy ب3000ج حلو ولا الاصلي اغلى كتير ولا ولا ولا مش بقول لحضرتك اكبر قدر من المعلومات
حد عنده فكره عن الجنوط دي واسعارها وهل هيبقوا لايئيين على اللانوس ولا فيه اشكال احلى؟
http://nileup.com/up/uploads/nilemotors_14025897091.jpg
http://nileup.com/up/uploads/nilemotors_14025897092.jpg
http://nileup.com/up/uploads/nilemotors_14025897093.jpg
فيه اللينك ده معرض في القاهره مشهور لو حد يرشحلي شكل حلو يمشي مع اللانوس
https://www.facebook.com/photo.php?f...eam?fref=photo
بص يا باشا, من الآخر كده متزودش عن ال14 بوصة خالص ده لو قفلت معاك ولازم تغير , و أفضل مقاس في ال14 هو 185/60/14 ده طبعاً للكاوتش, و على فكرة ده المقاس الأصلي اللي الانوس كانت بتنزل بيه بره, أكبر من كده حتخش في مشكلة لوبروفايل و الكاوتش اللي جوانبه واطية و أعتقد لو بصيت بصة في قسم الإطارات في المنتدى حتعرف أد إيه الناس بتشتكي من الكاوتش اللو بروفايل ده, مشاكله كتير أوي بداية من البلالين ولحد الهبد في النقر و المطبات و عدم الراحة تماماً, بالإضافة لأنك حتخش كمان في قصة الحك في الكارتيرة و تغيير العفشة و حوارات فاشلة كتير.
متفتكرش إني قفلتها في وشك, أنا إن شاء الله ناوي أركب أنا كمان, بس الحقيقة ناوي أركب ال14 المقاس اللي قولتلك عليه, بس مستني ميعاد تغيير الكاوتش اللي راكب دلوقتي.
وغالباً حيكون التركيب في أشرفكو مدينة نصر, الحقيقة أنا ركبت لواحد صاحبي من هناك نفس المقاس اللي أنا عايزه ده و كان رائع, و مش غالي.
لو عرفت تقع على جنط بتاع اللانسر الاصلى اللى هو بيقولوا عليه عش النمل .. ومقاسه وشكله شيك
اللى هو فى الصوره دى بيعمل 1800 جنيه مستعمل ونضيف جدا او 2000
http://www12.0zz0.com/2012/08/13/15/757735272.jpg
ولو معجبكش فيه الجنط دا نضيف جدا جدا وشكله رايق جدا على العربيه دى
http://www.mstuning.nazwa.pl/allegro/lanos%20bok11.jpg
او البى بى اس اللى هو لونه اصفر اعتقد لون عربيتك شامبين هيبقى لايق عليها وبيعمل من 3500 لـ 4000 جنيه بس حاجه نضيفه
http://www2.0zz0.com/2013/04/09/20/273796488.jpg
واعتقد ان التلات انواع بى بى اس
لا مفيش فرق كبير بينهم... هو دايما الفرق نسبى بين المقاسات يعنى فرق الخطورة بين 15 و 16 زى فرق الخطورة بين 16 و 17... بس لما تحسبها تلاقى الفرق كبير جدا بين 15 و 17
ال15 شكلة شيك جدا على العربية و دة المقاس اللى بيمسك العصاية من النص... جنط كبير بما يكفى انه يدى مظهر سبور للعربية و يرسمها و فى نفس الوقت اصغر من انه يسبب مشاكل كتير مع المطبات و النقر و خلافة
انا مش دايس اوى فى اسعار الجنوط... لما انا كنت بشترى كان الجنوط الSSW ب 2000 (اندونيسى تقريبا) و كان الصينى ب 1600 او حاجة كدة
و كان فيه ماركة اسمها HRS كانت ب 2750 تقريبا و دى نضيفة جدا بس مش فاكر صناعة ايه
MMamdouh
الف الف شكر لحضرتك :_Alshmokh22[1]:
طب آخر حاجه آخر حاجه لو انا مشيي محافظ وهادي جدا يعني المطبات والنقر الى حد ما ببأى حريص اوي فيها ومش بجري واشد وكده غير نادر(انا عارف ان الحاجات دي ماليه الطرق وغصب عني بالبس فيها) بس قصدي حتى لو لبست فيها مشيي اصلا هادي الجنوط 16 فيها مشكله :cheekkiss5::0002014A:
الهدوء فى السواقة عامل مؤثر فى موضوع الجنوط بكل تاكيد و كل ما كنت حريص فى سواقتك كل ما حافظت على جنوطك و كاوتشك
MMamdouh
بالنسبة للانوس أعتقد إن الجنط ال15 مش حيكون مناسب أوي ليها, و ده طبقاً للكلام الموجود في الموقع ده: Tire Size Calculator - Compare Two Sizes
المشكلة إنك لازم تركب كاوتش بقطر خارجي لا يزيد أو يقل عن القطر الأساسي للعربية بأكثر من 3% و إلا حيصل مشاكل كبيرة فيما يخص الفرامل أو الإتزان خصوصاً في الملفات, و بالنسبة للمقاس ال15 بوصة فده ممكن تلاقي الكاوتش المناسب فعلاً بس حيكون لو بروفايل و ده حيتسبب في مشاكل أكثر للكاوتش , بلالين و عالي وواطي وده سببه الشوارع الجميلة بتاعتنا.
صحيح ممكن حد يرد و يقول إن المقاس الأصلي بتاع العربية اللي بينزل بره هو 185/60/14 و بكده أقدر أحسب على أساس إنه ده الأساسي مش الل 175/70/13 اللي راكب , بس الحقيقة أنا لا أثق في في السيارات المجمعة في مصر هل هي بنفس المواصفات العالمية أم لا , و إذا كان الجواب بنعم فليه بيركب فيها ال 175/70/13 و مش المقاس الأصلي.
أرجو التأكيد أو الرد على هذا الكلام حتى تعم الإفادة.
الصورة دى هتعرفك كل حاجة فى الكاوتش
http://www.ardmasr.com/Images/News/image/reham/4.jpg