انت جبت فلونس ساعدونى

**mohfakhry** · 11-06-2014 02:57 AM

ياجماعه انا الحمد الله جبت فلونس e3sr بصراح انا شايف العربيه تحف بجد العربيه عجبانى انا كا معايا تيوتا كورلا هالين ال فرق كبير بصراحه فرق رهيب فعلا الواحد حس انه اتنقل نقله تانيه خالص اوبشن مختلفه عزل صوت مسنوى تانى حتى الفرامل مختلفه شئ مختلف بجد بس انا محتاج حد يساعدنى الى اعرفه ان العربيه فيها بلوتوث keless entrery المفروض انى افتح اللوك للعربيه والمفتاح فى جيبى بس كل لما ادوس على الزرار اللوك ميفتحش وده دايقنى حد عنده حل لو سمحتوا سعدونى ارجوكو

**Batman372** · 11-06-2014 03:25 AM

١٠٠٠ مبروك و ربنا يباركلك فيها :)

استفسارك مش واضح ...
يعنى ال keyless شغال كويس ؟؟؟ لما بتكون جنب العربيه بتفتح من غير الريموت ؟؟
و لكن لو حاولت فتحها بالريموت مش شغال ؟؟؟ ده قصدك ؟؟؟
و لا قصدك زر اللوك الصغير المطاط الى فى الاكره نفسها ؟؟؟ ده يقفل فقط و لا يفتح ...
تحياتى ...

**Hany Saad** · 11-06-2014 07:12 AM

الف مبروك العربية الجديدة و ربنا يباركلك فيها
اكيد حضرتك قفلت العربية باستخدام الكارت فعلشان كده نظام ال keyless مش شغال
علشان تشغله تانى دور العربية و اطفيها و اقفل العربية من الزرار المطاطى اللى فى الأكرة

بعد كده لما تقرب من العربية دوس على الزرار المطاطى للفتح
و بعد ما تنزل من العربية و تبعد عنها هتلاقيها قفلت لوحدها
او ممكن تقفل بدوسة واحدة على الزرار المطاطى لغلق السنتر
او دوستين ورا بعض بسرعة لغلق السنتر و الشبابيك و فتحة السقف

تحياتى

**yasser100** · 11-06-2014 10:55 AM

المشاركة الأصلية كتبت بواسطة ramymechanics

سيدى الفاضل مبروك أولا عالعربية
ثانيا
لو انت مش سايب العربية تقفل لوحدها مش هتفتح لوحدها بمعنى أصح لو قفلت العربية من الريموت او بدوستين عالزرار مش هتفتح الا من الريموت انا معرفش حضرتك تعرف الموضوع دة ولا لأ

يعنى بطل العربية اقفل الباب وابعد عنها هتقفل لوحدها تقرب منها تفتح هتفتح لوحدها

لو بيحصل غير كدة يبقى فى عندك مشكلة بس يا ريت توضح استفسارك اكتر شوية يمكن نقدر نساعدك

بس لما تبعد بالريموت و العربيه تقفل لوحدها لما ترجع لها تانى ما بتفتحش لوحدها لازم تدوس على الزرار الاسود

**mohfakhry** · 11-06-2014 11:27 AM

اشكركم جدا على اهتمامكم انا بصراحه معرفش انى لما ابعد عن العربيه حتقفل لوحدها كنت بحاول اقفلهل بالزرار المطاط الى على الاوكره مكنتش بقفل فكنت بقفلتها من الرموت حجرب اعمل كده وحبلغكو بس بجد اشكركم على الاهتمام

**mohfakhry** · 11-06-2014 11:43 AM

لا انا لما بحاول اقفلها بالزرار الى فى الاوكره مبقفلش فقفلتها بالرموت وحاولت الفتحها تانى من الزرار الى فى الوكره مكنتش بتفتح

**yasser100** · 11-06-2014 12:01 PM

المشاركة الأصلية كتبت بواسطة mohfakhry

لا انا لما بحاول اقفلها بالزرار الى فى الاوكره مبقفلش فقفلتها بالرموت وحاولت الفتحها تانى من الزرار الى فى الوكره مكنتش بتفتح

اولا الف مبروك . العربيه فيها 3 انظمه للقفل :
1 - من الزرار الاسود : تشغل العربيه و بعد ما تبطلها و تقفل الباب اضغط على الزرار الاسود يا ضغطه واحده علشان يقفل العربيه لو كان كل حاجه مقفوله الزجاج و فتحة السقف و ضغطتين لو كانوا مفتوحين علشان تقفلهم و هنا لما تيجى تدخل العربيه لك خيارين يا تفتح بالضغط على الزرار الاسود او من الريموت
2- بعد ما تبطل العربيه ما تعملش حاجه خالص و انزل معاك الريموت و ابعد عن العربيه هاتقفل لوحدها بس تكون قافل الزجاج و فتحة السقف و لما تيجى تدخل تانى تدوس على الزرار الاسود او من الريموت
3- القفل بالريموت : لما تنزل و تبطل العربيه تدوس دوسه واحده على زرار الريموت علشان تقفل العربيه و دوستين علشان تقفل العربيه و الزجاج و فتحة السقف لو كانوا مفتوحين و فى الحاله دى لما تيجى تدخل العربيه تانى لازم من الريموت فقط

تحياتى

**Hany Saad** · 11-06-2014 12:02 PM

المشاركة الأصلية كتبت بواسطة mohfakhry

لا انا لما بحاول اقفلها بالزرار الى فى الاوكره مبقفلش فقفلتها بالرموت وحاولت الفتحها تانى من الزرار الى فى الوكره مكنتش بتفتح

يوجد طريقتين لفتح و غلق الفلوانس و لا يمكن المزج ما بينهم و لكن الكارت هو الذى يسود دائماً
الفصل بين الطريقتين عن طريق تشغيل المحرك و غلقه

* الطريقة الأولى من أكر السيارة (الزر الأسود الصغير):
- شغل المحرك و أطفية
- أنزل من السيارة
- دوس الزر الأسود اللى فى الأكرة....العربية هتقفل
- أو أبعد عن العربية و الكارت فى جيبك.....العربية هتقفل
- أو دوس دوستين على الزر الأسود اللى فى الأكرة ورا بعض بسرعة...السنتر و الشبابيك و فتحة السقف هيقفلوا

+ للفتح:
دوس على الزر الأسود اللى فى الأكرة

* الطريقة الثانية بأستخدام الكارت:
- شغل المحرك و أطفى العربية
- أغلق من الكارت
- دوسه واحدة على الكارت = غلق السنتر
- دوستين ورا بعض بسرعة = غلق سنتر+ رفع زجاج العربية كله + غلق فتحة سقف

+ للفتح:
- أفتح من الكارت

الطريقة التانية لها الأولوية على الطريقة الأولى فى بروجرام العربية.....يعنى دوسك على الكارت يلغى على طول طريقة الفتح و الغلق من الأكرة عن بعد (الطريقة الأولى) و العكس غير صحيح
للرجوع للطريقة الأولى مرة أخرى....أتبع الخطوات أعلاه

تحياتى

الموضوع: انت جبت فلونس ساعدونى

LinkBack

أدوات الموضوع

عرض

-

-

-

-

-

المواضيع المتشابهه

سيراتو ولا فلونس

سيراتو ولا فلونس

فلونس او بولو

اعلان لانيقه رينوا فلونس - فى دقيقه يلخص يعنى ايه فلونس

فلونس ام؟

الكلمات الدلالية لهذا الموضوع

المفضلات

المفضلات

ضوابط المشاركة