-
بالنسبة لتليين السيارة
السلام عليكم ورحمة الله وبركاته
هل ترك السيارة شغالة وهي واقفة في الصباح بتلين الموتور والا لازم المشي بيها لمسافات طويلة؟ وانا بصراحة سيبتها شغالة لمدة ساعتين وهي واقفة الصبح مرة واحدة وبعدين ندمت اني ماسالتش المنتدى الاول قبل ما اعمل كده وخايف ان ده يكون اثر على حاجة في العربية؟
اتمنى الاجابة من الاخوة الافاضل
ودمتم
-
اعتقد ان اللي انت عملته لا يفرق كتير عن اللي بيكون في المصنع
و هوه تليين الموتور علي الواقف
و دي بتتقاس بالساعه
فتره التليين الفعليه هي فتره عمل جميع اجزاء السياره علي الطريق
و دي بتتقاس بالكيلومتر
-
لأ طبعا حضرتك مش غلطان ولا حاجة اللي إنت عملته صح 100% أنا عن نفسي سبت عربيتي دايره حوالي 48 ساعة متقطعة وده صح جدا ده غير التليين على الماشي اللي مبتعديش فيه ال 70 - 80 والأر بي إم ما يعلاش عن 3 لمدة ألف كيلو ( أنا عن نفسي هاكمل تليين لغاية 5 آلاف ) والموضوع ده عن سؤال لواحد صاحبي كان معاه بولو كان شاريها زيرو وعمل الموضوع ده وعربيته بسم الله ما شاء الله عامله 350 ألف كيلو وموتورها كشفنا عليه في التوكيل ( كان بيبعها ) طلع 88% !!!!!!!!!!!!!!!!!! تخيل والناس في التوكيل نفسه كانوا مستغربين ، وهو اللي نصحني بموضوع التليين ده .
ربنا يباركلك فيها وتقبل تحياتي .
-
اسلام يعني ايه الموتور 88 في الميه ؟
و الكشف ده ممكن تعمله في اي وقت ولا بعد عدد معين من الكيلومترات
انا سالت لك عن موضوع الرف
و الكل قالي يشيل الفابريكه و يجيب واحد استعمال احسن حاجه
و شكرا علي حسن تعاونكم واحشني يا صاحبي
-
حبيب قلبي المهاتما إنت اللي واحشني والله يا صاحبي ، بص يا حبيبي موتور 88% يعني قوته بنسبة 88 % وده بيبقى كشف بالكمبيوتر وموجود في محطات بنزين كثير بيقيسلك قوة الموتور كام في الميه ، وطبعا يتعمل في أي وقت ، وما اعتقدش إنك هاتكشف على موتور زيرو على الأقل العربية يعدي عليها 3 ، 4 سنسن يعني ده إنت راكب زيرو .
أشكرك طبعا على موضوع الرف لأني بصراحه فعلا مش قادر أمد إيدي وأحفر في رف الفابريقة .
على فكرة يا حبي أنا طالع مرسى مطروح 1/8 ومنها على إسكندرية بإذن الله جهز السمك وأهم حاجه عايز أحلي بالشكولاته .
-
دي اسكندريه حتنور يا اسلام
ان شاء الله نتقابل في مطروح و في اسكندريه كمان
انا طالع انا و الحاجه و اخويا مطروح علي اول الشهر
حكلمك لما ناكد الميعاد و نتقابل ان شاء الله
و بيب بيب كشري
الشيكولاته جاهزه
جاتلي شويه عينات من ايرلندا انما ايه بقي حاجات جامده قوي
نفسي يصنعوها هنا بس ما ينفعش التكنولوجيا الموجوده عندنا فقيره قوي
ان شاء الله احلي ليك بقك يا صاحبي
-
التليين علي الواقف دا بيتعمل في حاله ان العربيه تكون عامله عمره مش زيرو و بتلين علي الواقف قيمه تانك بنزين العربيه علشان التانك دا معمول علي حسب قوه العربيه و المطلوب منها .
انما في حالتك ك زيرو مش شرط تلين علي الواقف تلين و انت ماشي احسن
-
موضوع مهم جدا
و جميل اوى خاصة نكهة الشيكولاتة اللى جرررت ريقى وانا أقرأ الموضوع
عموما بالهنا و الشفا :D :D :D
-
احلى ما فى الموضوع الشيكولاته دى عشان خاطرى متنسونيش بس اهم حاجه بلاش {{{{{{{{{{مغربى}}}}}}}}}}}}}
Content Relevant URLs by
vBSEO 3.6.0 PL2