الموضوع: بالنسبة لتليين السيارة

لأ طبعا حضرتك مش غلطان ولا حاجة اللي إنت عملته صح 100% أنا عن نفسي سبت عربيتي دايره حوالي 48 ساعة متقطعة وده صح جدا ده غير التليين على الماشي اللي مبتعديش فيه ال 70 - 80 والأر بي إم ما يعلاش عن 3 لمدة ألف كيلو ( أنا عن نفسي هاكمل تليين لغاية 5 آلاف ) والموضوع ده عن سؤال لواحد صاحبي كان معاه بولو كان شاريها زيرو وعمل الموضوع ده وعربيته بسم الله ما شاء الله عامله 350 ألف كيلو وموتورها كشفنا عليه في التوكيل ( كان بيبعها ) طلع 88% !!!!!!!!!!!!!!!!!! تخيل والناس في التوكيل نفسه كانوا مستغربين ، وهو اللي نصحني بموضوع التليين ده .
ربنا يباركلك فيها وتقبل تحياتي .

حبيب قلبي المهاتما إنت اللي واحشني والله يا صاحبي ، بص يا حبيبي موتور 88% يعني قوته بنسبة 88 % وده بيبقى كشف بالكمبيوتر وموجود في محطات بنزين كثير بيقيسلك قوة الموتور كام في الميه ، وطبعا يتعمل في أي وقت ، وما اعتقدش إنك هاتكشف على موتور زيرو على الأقل العربية يعدي عليها 3 ، 4 سنسن يعني ده إنت راكب زيرو .
أشكرك طبعا على موضوع الرف لأني بصراحه فعلا مش قادر أمد إيدي وأحفر في رف الفابريقة .
على فكرة يا حبي أنا طالع مرسى مطروح 1/8 ومنها على إسكندرية بإذن الله جهز السمك وأهم حاجه عايز أحلي بالشكولاته .

التليين علي الواقف دا بيتعمل في حاله ان العربيه تكون عامله عمره مش زيرو و بتلين علي الواقف قيمه تانك بنزين العربيه علشان التانك دا معمول علي حسب قوه العربيه و المطلوب منها .
انما في حالتك ك زيرو مش شرط تلين علي الواقف تلين و انت ماشي احسن