انا اشتريت السبيس باك من 10 ايام
ومبسوط بيها جدا جدا الحمد لله
مستني اكمل 3000 او 4000 كيلو واكون تقييم كامل عنها ان شاء الله
بس هي لحد دلوقتي عربية لطيفة اوي
عفشتها حلوة وثباتها رائع وسحبها كويس وصاجها نضيف
تكييفها تلاجة في عز الايام السودة اللي شايفنها دلوقتي
يعيبها بس انها فقيرة اوي
مفضينها بمعنى الكلمة
تفكيري كان: اتنازل عن كل الكماليات دي اعتقادا مني انها عربية جودتها اعلى
نصيحة بس اللي عايز يتشري، يلحق اليومين دول
اول دفعة من 2014 و 2015 نزلت البيز بتاعها فيه فوجات ومخدع وحاجتين كمان مش فاكرهم في اول فئة
شالوهم وفضوها اكتر ما هي فاضية
التجار بيطلعوها بالقطارة ..

التوليدو برضه عجبتني اوي وكماليتها اعلى .. بس مافيش منها هاتشباك زي السبيس باك وانا كنت عايزها