مشكلة في فتيس التيبترونيك ٦ سرعات للتوليدو ٢٠١٤

السلام عليكم
أعضاء سكودا الكرام .. انا عندي توليدو ٢٠١٤ اوتوماتيك اللي هيا و الرابيد .. و حسب ما اعرف فتيسها هو هو نفس التكنولوجي المستخدمة في الاوكتافيات و الفولكس.
حصل معايا مشكلة في الفتيس قبل ما العربية تعمل ٢٠٠٠ كم و وصف المشكلة في الموضوع التالي
http://www.nilemotors.net/Nile/425023-a.html
و بناءا عليه قالولي دي مشكلة Valve Body و تم تغييره
منسق صفحة سيات في المنتدى المهندس محمد سيد نصحني آخد رأيكم في المشكلة و أسبابها و هل يمكن تكرارها و كيف يمكن تلافيها لأن الفتيس دا نازل في الاوكتافيا تقريبا من ٢٠٠٦ و الناس هنا هرسته و عارفه مشاكله

عشان الأعضاء الكرام ما يتوهوش وسط الصفحات الكتيرة في المشاركة هحكي هنا اللي تم في العربية و اللينك اللي فوق لمزيد من الاطلاع

وصف المشكلة
اللي حصل ان العربية و هي راكنة و اول ما نقلت عال d نقلت عالخامس مباشرة و مش راضية تغير لا تنزل و لا تطلع المهم نقلت عال N و ارجع تاني مفيش فايدة .. اطفي العربية و اشغلها ساعات تتحل المشكلة و ساعات لأ و حتى لو زبطت ما فيش دقايق و ترجع تاني .. مرة تانية و انا ماشي و العربية واخدة غيار سادس أوتوماتيك سمعت صوت زي خبطة من تحت الفتيس و من بعدها النقلة علقت عالسادس وقفت معلقة نقلت عال N و رجعت لل D رجع عالخامس و في المرة دي لمبة الموتور نورت

الذهاب للتوكيل
رحت التوكيل يوم الجمعة الصبح دخلو العربية عالكومبيوتر و قالو الكمبيوتر مش قاري اي مشكلة و لا حتى لمبة الموتور .. طلعو جربو العربية محصلتش معاهم .. فقلتلهم حد يطلع معايا و انا اللي هسوق لحد ما تطلع و قد كان ظهرت المشكلة بعد حوال ٢٠ دقيقة سواقة و التكييف شغال و اجري و اقف و امشي اول تاني تالت و اقف و هكذا (كنت عاوز احمل عالعربية لأني اعتقد المشكلة ما كانتش بتظهر و العربية باردة)
المهم دخلو العربية عالجهاز و المشكلة موجودة و لقوةالمشكلة متسجلة على ذاكرة الفتيس على حساس السلونويد لكل المرات اللي حصلت فيها (٣ مرات)
طلعو التقرير و قارنوه بالبراءات اللي عندهم قالو دي غالبا مشكلة ويرينج .. شيكو على مستوى الزيت و الفيش الخاجية للفتيس لقوها سليمة .. قالو احتمال تكون الضفيرة الداخلية للفتيس و بعتو التقرير لاسبانيا حسب كلامهم فقالولهم دا ال Valve Body هو اللي فيه المشكلة و هو اللي المفروض يتغير
المهم امبارح وصلهم الفالف بودي و النهاردة ركبوه و قالو هيحطو الزيت بس لازم في درجة حرارة معينة فهياخد وقت و لسه هيجربوا فالمفروض استلم العربية بكرة الجمعة ان شاء الله

دا كدا سريعا اللي حصل .. و انا عاوز استفيد من خبرتكم في الفتيس ده و مشاكله و عاوز اعرف التالي
١- الكلام اللي انا بحكيه و اللي هما عملوه دا منطقي و لا لأ
٢- ايه اهم الحاجات اللي ممكن تسبب مشكلة زي دي عموما و في عربيتي تحديدا و خصوصا ان العربية ما كملتش ٢٠٠٠ كم
٣- هل يمكن تكرار المشكلة دي نتيجة ان في مشكلة اكبر هي السبب و لا دا مجرد عيب صناعة و انتهى
٤- و لو في مشكلة اكبر ممكن تكون في ايه
٥- زي ما ذكرت المشكلة بتبان مع المشيان الكتير او الحر و الزحمة و التكييف حسب رؤيتي و ممكن اكون غلطان .. هل الموضوع ليه علاقة بالسخونة و لا لأ و لو بيسخن ممكن تكون المشكلة فين

فعلا body valve
بس المشكله ظهرت عندك بدري اوي كده ازاي !!

بنسبة كبيرة دا عيب صناعة و غلطة فريدة حصلت مع حضرتك........بس حكاية زيت الفتيس لازم يتحط فى درجة حرارة معينة دى انا شاكك فيها بس مش عارف يمكن عموما جرب العربية كويس بعد ما تستلمها

١- الكلام اللي انا بحكيه و اللي هما عملوه دا منطقي و لا لأ
منطقى وكمان حسب الارور اللى اتسجل ...طبعا زى ما حضرتك قولت فى السلونويد فالف يبقى العيب فى سلونويد من اللى موجود فى الفالف بودى او الروزتة اللى موصلة للكنترول الفتيس


٢- ايه اهم الحاجات اللي ممكن تسبب مشكلة زي دي عموما و في عربيتي تحديدا و خصوصا ان العربية ما كملتش ٢٠٠٠ كم
عيب تصنيع فى حساس من حساسات الفتيس
٣- هل يمكن تكرار المشكلة دي نتيجة ان في مشكلة اكبر هي السبب و لا دا مجرد عيب صناعة و انتهى
لو المشكلة لم تشخص صح يبقى العيب هيبقى موجود!!!
٤- و لو في مشكلة اكبر ممكن تكون في ايه
ممكن يكون فى حساس من حساسات السرعة اللى على الفتيس
٥- زي ما ذكرت المشكلة بتبان مع المشيان الكتير او الحر و الزحمة و التكييف حسب رؤيتي و ممكن اكون غلطان .. هل الموضوع ليه علاقة بالسخونة و لا لأ و لو بيسخن ممكن تكون المشكلة فين
حسب طريقة حلهم للمشكلة ممكن يكونوا غيروا روزتة بس وممكن يكونوا غيروا فالف بودى بس وممكن يكونوا السلونويد اللى على الفالف بودى ....الايام القادمة هتقدر تعرف هما عملوا اية
بس انا اعتقد انهم ما قالولك غيروا الفالف بودى يبقى غيروة ويبقوا ناس محترمين لو غيروا الروزتة كمان....
ياريت تطلب الاجزاء المستبدلة
وانشاء اللة يكون خير

اولا اقول لحضرتك ان المشكله التي حدثت لحضرتك كانت تحدث عند عدم تغيير زيت الفتيس علي ٦٠٠٠٠ ك ووجود رايش في الزيت مما يؤدي الي انسداد بالفالف ولكن ما حدث معك ليس من أسبابه عدم تغيير الزيت ولكن لوجود عيل تصنيع بأحد مكونات الفتيس والسلونيد وان شاء الله مش متكرره
تحياتي

يجماعه ده فتيس عادي ولي dsg مش فاهم ؟؟

اقتباس:

---

المشاركة الأصلية كتبت بواسطة joe_2004

١- الكلام اللي انا بحكيه و اللي هما عملوه دا منطقي و لا لأ
منطقى وكمان حسب الارور اللى اتسجل ...طبعا زى ما حضرتك قولت فى السلونويد فالف يبقى العيب فى سلونويد من اللى موجود فى الفالف بودى او الروزتة اللى موصلة للكنترول الفتيس


٢- ايه اهم الحاجات اللي ممكن تسبب مشكلة زي دي عموما و في عربيتي تحديدا و خصوصا ان العربية ما كملتش ٢٠٠٠ كم
عيب تصنيع فى حساس من حساسات الفتيس
٣- هل يمكن تكرار المشكلة دي نتيجة ان في مشكلة اكبر هي السبب و لا دا مجرد عيب صناعة و انتهى
لو المشكلة لم تشخص صح يبقى العيب هيبقى موجود!!!
٤- و لو في مشكلة اكبر ممكن تكون في ايه
ممكن يكون فى حساس من حساسات السرعة اللى على الفتيس
٥- زي ما ذكرت المشكلة بتبان مع المشيان الكتير او الحر و الزحمة و التكييف حسب رؤيتي و ممكن اكون غلطان .. هل الموضوع ليه علاقة بالسخونة و لا لأ و لو بيسخن ممكن تكون المشكلة فين
حسب طريقة حلهم للمشكلة ممكن يكونوا غيروا روزتة بس وممكن يكونوا غيروا فالف بودى بس وممكن يكونوا السلونويد اللى على الفالف بودى ....الايام القادمة هتقدر تعرف هما عملوا اية
بس انا اعتقد انهم ما قالولك غيروا الفالف بودى يبقى غيروة ويبقوا ناس محترمين لو غيروا الروزتة كمان....
ياريت تطلب الاجزاء المستبدلة
وانشاء اللة يكون خير

---

اولا شكرا جزيلا لاهتمامك و ردك
ثانيا زي ما ذكرت هما غيروا الفالف بودي بس ما جابش سيرة الروزته
انت قصدك تغيير الروزته من باب الاحتياط .. و معلش اعذر جهلي ايه فايدة الروزته و الفالف بودي

اقتباس:

---

المشاركة الأصلية كتبت بواسطة mido102

يجماعه ده فتيس عادي ولي dsg مش فاهم ؟؟

---

فتيس عادي ..

ممكن الأعضاء الكرام حد يقول لنا بالنسبة للفتيس الموجود عندي اي هيا المكونات الرئيسية و وظيفتها و ما اذا كان مكون الكتروني او ميكانيكي .. و لكم جزيل الشكر

طمنا عملت ايه مع الوكيل؟
واسمحلى اقولك انك هادى قوى فى التعامل معاهم
انا مش عارف انت ساكت كل دا ليه
الواحد بيدفع دم قلبه فى العربية اللى بيجبها و هم بيتعامله بمنتهى البرود
اعمل شكوى فى حماية المستهلك و اضمن حقك
و روح زعق و طلع عين اللى جابوهم
هو انا جايب عربية جديدة علشان انكد على نفسى و البهوات ايديهم فى المية الباردة؟
دانا عملت شكوى مرة عشان زرار كاسيت http://www.nilemotors.net/Nile/377800-a.html
اما لو فتيس دانا كنت قلعتلهم ملط ( اسف فى التعبير ) بس اصلها حاجة تنرفز
معلش اعزرنى اذا كلامى ضايقك بس انا مطغاز قوى

تم الرد فى الموضوع الاصلى
ربك المستعان

اقتباس:

---

المشاركة الأصلية كتبت بواسطة nagy wassef

طمنا عملت ايه مع الوكيل؟
واسمحلى اقولك انك هادى قوى فى التعامل معاهم
انا مش عارف انت ساكت كل دا ليه
الواحد بيدفع دم قلبه فى العربية اللى بيجبها و هم بيتعامله بمنتهى البرود
اعمل شكوى فى حماية المستهلك و اضمن حقك
و روح زعق و طلع عين اللى جابوهم
هو انا جايب عربية جديدة علشان انكد على نفسى و البهوات ايديهم فى المية الباردة؟
دانا عملت شكوى مرة عشان زرار كاسيت http://www.nilemotors.net/nile/377800-a.html
اما لو فتيس دانا كنت قلعتلهم ملط ( اسف فى التعبير ) بس اصلها حاجة تنرفز
معلش اعزرنى اذا كلامى ضايقك بس انا مطغاز قوى

---

انا كلامي دلوقتي مع سيات اسبانيا لان هنا لا حياة لمن تنادي
بخصوص حماية المستهلك لو في تجربة او نصيحة يا ريت و ايه المطلوب و الاجراءات
و شكرا ليك طبعا

شكوى حماية المستهلك مش هتكلفك غير مكالمة تليفون و ارسال فاكس
اعمل الشكوى و هما هيكملوا الباقى
انا جربتهم كتير و الحمد لله عرفت اخد حقى

السلام عليكم ورحمة الله وبركاته

حضرتك اللي انت اشتكيت منه ده مشكلة معرفة لوحدة الميكاترونكس
دي عبارة عن المخ اللي بيتحكم في الفتيس
وكلمة معرفة دي مش معناها انها بتتكرر كتير لكن في سوابق ليها

وهم غيروا الفالف بادي كله علي سبيل الاحتياط وده شء كويس
كان عندك كمبيوتر والبروسيسور بتاعه بيخرف فقمت مغير الكيس كله

اسبابها الرئيسية
1- عيب صناعة
2- سخونة البوردة الخاصة بالميكاترونكس بسبب مشاكل في دورة التبريد (الزيت)


الاعراض انت حكيت عنها


مفيش داعي تقلق نفسك ده امر عادي وواضح انه سؤ حظ ليس اكثر
استمتع بسبارتك واخيرا
الف الف مبروك ربنا يبارك لك فيها ويديك خيرها ويكفيك شرها

اقتباس:

---

المشاركة الأصلية كتبت بواسطة mo7a_mo7a

السلام عليكم ورحمة الله وبركاته

حضرتك اللي انت اشتكيت منه ده مشكلة معرفة لوحدة الميكاترونكس
دي عبارة عن المخ اللي بيتحكم في الفتيس
وكلمة معرفة دي مش معناها انها بتتكرر كتير لكن في سوابق ليها

وهم غيروا الفالف بادي كله علي سبيل الاحتياط وده شء كويس
كان عندك كمبيوتر والبروسيسور بتاعه بيخرف فقمت مغير الكيس كله

اسبابها الرئيسية
1- عيب صناعة
2- سخونة البوردة الخاصة بالميكاترونكس بسبب مشاكل في دورة التبريد (الزيت)


الاعراض انت حكيت عنها


مفيش داعي تقلق نفسك ده امر عادي وواضح انه سؤ حظ ليس اكثر
استمتع بسبارتك واخيرا
الف الف مبروك ربنا يبارك لك فيها ويديك خيرها ويكفيك شرها

---

أولا شكرا جزيلا لاهتمامك و شرحك .. و الله يبارك فيك
ثانيا لو عيب صناعة اديهم غيرو الجزء اللي فيه العيب بس لو كانت مشكلة في دورة التبريد هل تغيير الفالف بودي هيحل مشكلة سخونة البوردة .. و لا كدا ما عالجناش السبب الرئيسي و ممكن تتكرر تاني

لو المشكلة في دورة الزيت كانوا عرفوا والزيت كان نزل محروق وكان تغيير الزيت ووحدة التبريد حيبقي اسهل وارخص


متقلقش شكها عيب صناعة

انسى القصة واعتبر نفسك راكب عربية جديدة لاول مرة

ربنا يبارك لك فيها

استفسار تاني لوحوش سكودا بخصوص الفتيس ..
انا بحس ان النقلة الواحدة بتفرق من الاوتوماتيك و المانيوال و بتبان اوي في الاول ..
يعني لو الفتيس على الاول اوتوماتيك و رحت محوله مانوال بحس ان العربية اتكلبشت جامد و كأن الاول في الاوتوماتيك ليه ترس و الاول في المانيوال ليه ترس تاني اصغر
هل دا طبيعي و لا في مشكلة ..
و لو طبيعي ليه بيحصل كدا

اقتباس:

---

المشاركة الأصلية كتبت بواسطة kgayyar

استفسار تاني لوحوش سكودا بخصوص الفتيس ..
انا بحس ان النقلة الواحدة بتفرق من الاوتوماتيك و المانيوال و بتبان اوي في الاول ..
يعني لو الفتيس على الاول اوتوماتيك و رحت محوله مانوال بحس ان العربية اتكلبشت جامد و كأن الاول في الاوتوماتيك ليه ترس و الاول في المانيوال ليه ترس تاني اصغر
هل دا طبيعي و لا في مشكلة ..
و لو طبيعي ليه بيحصل كدا

---

جرب علي الثالث مثلا وشوف في اختلاف في الأداء. ولا لَا

اقتباس:

---

المشاركة الأصلية كتبت بواسطة moratoz

جرب علي الثالث مثلا وشوف في اختلاف في الأداء. ولا لَا

---

هي واضحة جدا في الاول .. في التاني على خفيف .. و اعتقد مش ظاهرة في التالت و اللي بعده

اقتباس:

---

المشاركة الأصلية كتبت بواسطة kgayyar

هي واضحة جدا في الاول .. في التاني على خفيف .. و اعتقد مش ظاهرة في التالت و اللي بعده

---

اعتقد ان كده يبقي طبيعي وعموما هجري بكره وأقولك

الله ينور يا وحوش

اقتباس:

---

المشاركة الأصلية كتبت بواسطة Moratoz

اعتقد ان كده يبقي طبيعي وعموما هجري بكره وأقولك

---

تسلم يا باشا