استفسار من الجميع وياريت الكل يشارك الراي

**Ahmed sahab** · 12-06-2014 07:50 PM

بسم الله والصلا ة والسلا م على رسول الله اما بعد
عايز افتح حساب جارى يعني من الاخر كده عايز بطاقة صرف من ماكينات ومتسحبش بالسالب ( فيزا لا ) بس عايز شوية خدمات يعني وجود ماكينات صرافة فى الجمهورية وسهولة التعامل مع خدمة البنك لو فى فوايد مثلا بس اهم نقطة عندى بقة واللى مهمة جدا عايز يكون فى رسايل بكل حركة سواء ايداع ماكينة او سجب من ماكينة او تحويل اى حركة فى الحساب الجاري ع طول يجي رسالة للواحد والحاجة التانية ومهمة موقع نت يعني حوالات من ع النت او تسديد مخالفات من نت او اى شي من خلال موفع نت خاص بالنك يعني اتمنى الاقي بنك فى مصر زي بنك الراجحي اللى فى السعودية محتار وعايز مساعدة علشان افتح حساب

**amrezzat82** · 12-06-2014 09:13 PM

مع احترامي لك لا تقارن ابدا بأي بنك فى الخليج ببنك فى مصر حتى لو كان اجنبي
مفيش مقارنة خالص - نفسي اشوف اي بنك هنا زي البنك التجاري فى قطر مثلا بس للأسف لسه قدامنا كتير
حتى بعد شراء سوسيته على الأقل سنتين عشان تطبق اي حاجة

افضل الوحشين بالترتيب
hsbc - مميزات سيكيورتي عالي جدا - خدمة عملاء ممتازة و الانترنت بانكنج فري و كروت و كل حاجة - رسايل محمول للتعاملات باشتراك شهري - عيوب - حد ادنى كبير نسبيا مع مصاريف كبيرة نسبيا و خدمة العملاء فى التليفون بتتأخر كتير (آخر تجربة من سنة)

- cib- مميزات الانترنت بانكنج فري و كروت و كل حاجة و حتعرف تاخد حقك بس عايز معافرة و اتصالات و قرف - عيوب - حد ادنى كبير نسبيا بس اقل من ال hs مع مصاريف كبيرة متوسطة و خدمة العملاء فى التليفون بتتأخر جدا و ممكن تكلم كذا واحد و يديك معلومة غلط فى نفس الحاجة - ممكن الموضوع يتحل شوية لو انت فلوسك تعدي ال 500 ألف حتبقى عميل مميز و خدمة العملاء تتحسن نسبيا و تتبعت رسايل محمول على تعاملات الكارت

ألاهلي - ناس كتيرة شكرت فيه و لاسايل محمول ببلاش و انترنت بانكنج بس - زحمة جدا

**qkash.com** · 12-06-2014 11:31 PM

بنوك مصر كلها سيئة لكن انت بتحاول تختار الاقل سوءاً
وخدمة العملاء غير العطلة واللطعة علي التليفون لمدد طويلة قد تصل لربع ساعه بل ايضاً غير مؤهلين وكثير منهم لا يستطيع المساعدة ولازم يسأل المشرف عليه لو سالته سؤال عام بخصوص اي تفاصيل في شروط او معاملات خارجية او مصاريف خدمات بعيدة عن تفاصيل الحساب والمعاملات

جرب "بنك ابوظبي الوطني" من تجربتي اقل البنوك سوءاً في مصر

**salodas** · 13-06-2014 12:53 PM

amrezzat82 جاب من الأخر

**midoabdeen** · 13-06-2014 01:48 PM

البنك الافضل من وجهه نظري بنك مصر

ليه ماكينات منشره فى كل حته اكتر بنك ليه ماكينات سحب فى كل مكان تتخيله حتي كنت بلاقيله مكن فى حتت صحرررراااا

انما البنك اللى يبعتلك رسايل على الحركات هو بنك البنك الاهلي

**Ahmed sahab** · 15-06-2014 07:51 PM

شكرا ليكم جدا يارجالة وربنا يكرمنا ونشوف مصر نص تقدم دول الخليج حتى بس انا ان شاء الله هفتح فى الاهلي بالرغم انى حاسس انه معقد ومقرف بس سمعت ان بنك مصر بيعطى فوائد ع حساب الجاري معقولة دي
اخيرا اشكركم جدا