ال a7 تورشن بيم بس اعتقد فعلا ثابته زي اختها a5 ال مالتي لينك
بس معقول مفيش اي فرق بينهم فالثبات !!
عرض للطباعة
ال a7 تورشن بيم بس اعتقد فعلا ثابته زي اختها a5 ال مالتي لينك
بس معقول مفيش اي فرق بينهم فالثبات !!
انا ليه تعليق فقط علي موضوع الثبات
العربيه يمكن عشان قاعده العجلات اطول من الفنتازيا شويه
بتحس ان بالحركه الرئسيه بتاعت الطربق
العزل معجبنيش خصوصا بالمقارنه ب الجيتا 2008 لاني كنت لسه نازل منها
بس مش معني كده انه سئ
التكييف محترم وكذلك الصوت
الاتساع الداخلي خصوصا للركاب في الخلف ممتاز
استهلاك البنزين جيدجدا علي السرعات
والله انا عارف انه راجل ركيب
وعارف كمان انه خبير ومفيش موضوع بعمله الا لما بتابعه
بس مش معقول لما مالك العربيه يشتكي من نقطه زي الثبات او الفتيس اقوله انت فتاي وبتقول كلام في اي حته
جربت العربيه مرة ولا عشرة مقارنة بمالك العربيه مش مقياس
العوامل والظروف اللي بيتعرض ليها صاحب العربيه هي المقياس
انا مش خبير بس ده ميمنعش اني جربت عربيات كتير برده سواء في مصر ولا بره مصر
وبرغم كده عمري ما حكمت على اي فنيات في العربيه من مره ولا اتنين ... يعني ممكن اقولك العربيه واطيه بس مقدرش اقولك العربيه مش ثابته الا لو جربتها في ظروف مختلفه
على العموم انا مش قصدي اقلل منه ابداً ولا ازعله خالص
لما ياخد غرز مقفوله ع 170 تبقي اكيد ثابته حتي لو مش عربيته و جربها مره واحده .. الراجل كمان بيتكلم عن الثبات بس مش العزل او او او ..
الله ينور عليك انت بكده تكون قفلت باب الفتى فى القصه د وقضى الامر ودمتم للنضال
ايوة يا كبيير
طمنتنا يا بوب
مع احترامي الشديد للجميع بما فيهم صاحب العربية مش كل من أعد ورا دركسيون يفهم يعني إيه ثبات ولا ركوبة و بدون التقليل من اي حد بس ادينا شايفين الناس بتقارن عربيات عاملة ازاي مع بعض يعني لما الاقي واحد بيقارن سيراتو ب كورولا و a7 ولما تلاقي واحد يقول ان الريو ثبات عالي و متقلش عن الاوروبي في حاجة لازم تتشل و انت أعد مكانك يا جدع ده الامجراند طلعت فيها نفس ثبات الألماني عايز إيه اكتر من كده خلاصة الكلام في ناس بتتكلم و هي لا بتفهم و بتعرف و لا جربت أساسا يا راجل ده في ناس تحس من كلامها انه عمره ما أعد ورا دركسيون والله الواحد بيشوف مهازل هنا و مره كمان ان مقصدش أقلل من كل العربيات ديه بس الناس لازم تبقى واقعية و موضوعية و شكرا
بشكركم جميعاً علي ردودكم القيمة..
بالنسبة للعزل في العربية محسيتش بفارق كبير بينها وبين الفانتازيا..لكن الفرق واضح بينها وبين الباسات.
بالنسبة للوسع العربية دي فعلاً ( شِرحة وبِرحة )
بالنسبة لإحساس القيادة بينها وبين الفانتازيا...ميزة الفانتازيا إنها في موضوع نقل الغيار علي rpm 6500 مع صوت المحرك المميز بتاعها بيخليك تحس إن قيادتك impressive علي السرعات العالية وانت بتسمع صوت آخر نفس الموتور في الكيك داون
الـ a7 بتنقل علي rpm 6000 فالإحساس ده أقل شوية..لكن كجري..طبعاً تشيب الفانتازيا .. فعلاً خياااااال.
الـ a7 فيها esp وده قُتل بحثاً ونازل بإختصار تاني إسمه esc :)
بالنسبة للأخ الفاضل اللي قال من مشوار حكمت علي العربية وإني مش حيادي في أي موضوع بعمله..
أولاً تُشكر علي ردك الكريم :)
ثانياً .. هو حضرتك عاوزني أركب العربية أد إيه عشان أحكم عليها أكتر من سواقة لمسافة 140 كيلو بكل ظروف القيادة القاسية اللي ممكن تتخيلها من جري وغرز علي سرعات وفرامل ومناورات.جايز حد زي حضرتك محتاج يركب العربية شهر عشان يعرف يحكم عليها وده مش عيب.أنا حكمت علي العربية بحكم خبرتي اللي لا يستهان بها والفضل والعزة لله.
العربيات اللي عندي وراكبها حالياً ( ليس للإستعراض علي حضرتك ) باسات p7 و bmw 335i f30 و الفيرنا اللي حضرتك بتتريق وتقوللي أعملها تقرير كسوبر كار..دي أنا جايبها للمشاوير الكحرتة والشقا..لأنها تسد في الحاجات دي..مش جايبها عشان أجري بيها وأكل بيها الأسفلت وأعملها تقرير إنها وحش الوحوش..لما بحب أجري بإفتراء .. بروح علي الـ 306 حصان علي طول ودي اللي ممكن أقول عليها سوبر كار.
الخلاصة عشان مخرجش برة نطاق الموضوع أكتر من كده..
العربية دي ثابتة ثبات جميل...واختبرتها في كل الظروف اللي ممكن تخطر علي بال أي حد ( متعمد )
العربية دي عليها موتور كلمة واحدة توصفه ( مفتري )
العربية دي فراملها ممتازة من هنا للسنة الجاية.
العربية دي واسعة بشكل مُفرح عن الموديلات السابقة.
العربية دي تكييفها جميل.
العربية دي كمالياتها والرفاهية اللي فيها والديزاين بتاعها يخلي أي حد يتمني يشتريها.
العربية دي عفشتها كتحمل في النقر والمطبات ممتازة.
وأخيراً لو بطلنا فتي..والله هنتغير.