السلام عليكم..والله واحشني يا مينززز

مدير الشئون القانونية عندي في الشركة عربيته a7 تيربو هاي لاين..سافرت أنا وهو مشوار كده رفيع لحد إسماعيلية ورجعنا..وإحنا راجعين قولت له معلش سيبلي الطلعة دي

المهم ..

العربية بسم الله ما شاء الله لا قوة إلا بالله في الجري ( وحش بيجري ) آخر ما قدرت أوصل له 224 كم / س علي العداد الديجيتال..تسارعها أفضل بفارق بسيييييط أوي من الباسات بحكم الـ 140 حصان مقابل 125 في الباسات.

الثبات..

من فضلكم..بعد إذنكم..لو سمحتم..لو تكرمتم...بلاش أي حد يدخل يتكلم في حاجة هو مش عارفها ولا جربها ولا ركبها أساساً..ثبات العربية دي اللهم صلي علي النبي عليه..إنت عاوز إيه أكتر من غرزة ضيقة أو واسعة فوق الـ 170 !! والعربية متتهزش شعرة..وعاوز أكتر من 200 علي منحني !!! وعاوز إيه أكتر فواصل كوبري العاشر المعروفة بغبائها علي سرعة 160 !! وكل ده والعربية مكلبشة في الأرض !!!!!!! أومال الناس اللي بتتحفنا وتقولنا ثبات ضايع وثبات معرش إيه

في رأيي المتواضع بعد التجربة..العربية دي لا تقل ثباتاً عن الجيل السابق.no way

والعربية دي عيبها الوحيد..قلة عدد الإيرباج اللي فيها ( 4 ) كونها هاي لاين..مقارنة بالباسات اللي فيها 10 إيرباج في أول فئة !!

تحياتي للجميع