-
استاذ احمد متشكر جدا على ردك
ضغط عصبى بالشكل ده انتحار فعلاً ، اقسم بالله الموضوع مافارق معى لا مادياً ولا مجموع ، كل اللى شغال بالى البنت نفسها ، انا بعملها قرد لما بكون معها ومبخلهاش تذاكر ، بس تخيل انها تترمى فى حضنك وتبكى وكل اللى بتقوله انا اسفه يا بابا معلش
-
والله خليني اقولك ان كل الكليات ف مصر حاليا متساوية
واللي ربنا عاوزة هو اللي هيكون
-
سمعها قرآن كريم بواسطة سماعة الكمبيوتر بواسطة السماعات الهاند فرى وانشاء الله ربنا يصرف عنها الهموم وتمر ازمة الثانوية العامة التى هى فعلا (عنوية سامة) وربنا يصبركم وانشاء الله يفرج عنك الكروبات**
-
الموضوع مش محتاج شيخ ولا تخش فى الدوامة ديه
المفروض
1- متضغطوش عليهم بتأثركم و بعياطكم
2- زمايلها اللى من سنها و يكونوا واثقين فى نفسهم اكتر و يشجعوها
3- تشوف تجارب ناس اكبر منها بسنة او اتنين و تاخد ثقة منهم فى اللى بتعمله
4- متذاكرش كتير بدون راحة عشان حتسنى اللى بتذاكره
5- تركز على المهم بس - المفروض ده مراجعة مش مذاكرة الا قليل و متذاكرش من الجلدة للجلدة
6- تروح لمدريسين شاطرين و يكونوا فاهمين الا متحانات كويس حتى لو مراجعات نهائية
7- تهدئة أعصاب بمشاهدة شيء تحبه و خروج مدة بسيطة و بسماع بعض آيات
8- تاكل كويس
9- تنام كويس
-
هي دي الثانويه للاسف شد اعصاب واكتئاب واللي هي فيه طبيعي وياما الواحد كان يطلع من الامتحان يعيط عشان نص درجه او درجه وطبيعي الموضوع بيوصل للام والاخت ف يعيطو هما كمان من زعلهم والبنت تتشد اكتر
انت اللي عليك قولها مادم تعبتي ربنا مش هيضيع تعبك ولو هتنقصي ف امتحان صعب ف هو صعب الكل مش عليها بس وحاول تقنعها ان التنسيق هينزل مادام الامتحان صعب وكلم مامتها واختها ان لازم يبقو معاها ويقولولها عدي امتحان او اتنين لسه 3 وميبينوش اي ضيق او زعل
صدقني الكلام عن انها اجتهدت طول السنه واكيد ربنا مش هيضيع تعبها بيطمن اي حد وان شاء الله هيطمنها
ربنا هيوفقها ويكرمها ويفرحكم بيها
-
دي محسودة أكيد
حاول ترقيها الرقية الشرعية بنفسك (بدون شيخ)
تضع يدك اليمنى على جبهتها وتقرأ آيات الرقية (ممكن تنزلها من المواقع الاسلامية)
وهناك اسطوانات للرقية ممكن تسمعها كل يوم قبل النوم
-
لازم تفك مع نفسها هي لو ليها بنت خال بنت خالة بنت عم بنت عمة و تكون قريبة ليها و في نفس سنها او اصغر و اكبر منها بسنة اتنين و تخلوهم يخرجوا مع بعض او يتمشوا على الكورنيش و تكون البنت دية فرفوشة و بتاعت ضحك مش نكدية و انشاء الله المشكلة هتتحل و خدها لشيخ في المسجد يكلمها بالهداوة
انا ابني بادء المرحلة دية من سنة رابعة عياط x عياط قبل الامتحان بيومين خدتة لشيخ اسمة احمد شحاتو الله يباركلة و خليتة يخرج هو و ابن عمتة و ابن خالتة التلاتة مع بعض من ساعتها مبيعيطش الا قبل امتحان العلوم
-
وعليكم السلام ورحمة الله وبركاته
البنت لازم تخرج من المود ده علشان تعرف تذاكر و تعرف تحل
لو حضرتك تعرف توديها مكان فيه هواء او تنزل تشترى لبس جديد او اى حاجه تخليها تنسى المذاكره و الأمتحانات
يا ريت حضرتك و كل اللى فالبيت يحسسوها ان الموضوع سهل و انها مش حرب و فالأخر كل حاجه نصيب
-
خليها تداوم على اذكار الصباح والمساء....وفهمها ان مش مطلوب منها غير انها تعمل اللي عليها ومهما حصل بعد كده لازم نرضى بيه علشان دا قدرنا.
فكرتني ايام مانا كنت في الثانويه واحد صاحبي ابوه قالو والله لو ماجبتش مجموع يدخلك طب لأدوسك بالعربيه...وصاحبي لما حل فقره غلط في سؤال اغمى عليه وأتحجز في المستشفى.
-
انا متشكر جدا يا جماعة على كلامكم وربنا يجزيكم كل خير
البنت الحمد لله ملتزمة دينياً بتصلى من حاولى 5 سنين بشكل منتظم بتقراء قرآن الحمد لله برضه بشكل منتظم ، ومجتهدة من اول الاعدادية بشكل ممتاز ، والحمد لله مفيش حد بيضغط عليها بأى شكل من الاشكال بالعكس ديماً انا ومامتها بنقولها اعملى اللى عليكى وسيبى الباقى على الله وارضى بقدره علشان هو عارف الصح فين اكتر مننا وعارف مصلحتنا فين ، البنت بس صعبان عليها تعبها وشقها السنين اللى فاتت وصعبان عليها تعبى انا كمان ، انا دلوقت بجد كل همى و رجائى من ربنا انها تخرج من الامتحانات وهى كويسه نفسياً وجسدياً ، هى بطبعها فرفوشة جداا وعلى طول مبتسمة خوفى بقى انها تخرج من الزفت ده وهى كائيبة ، ربنا يستر
Content Relevant URLs by
vBSEO 3.6.0 PL2