الموضوع: فضفضة وطلب نصيحة

حالة نفسيه ، حاول انك تقعد تكلمها وتهديها
قولها حالتك دي مش في صالحك ، انتي حتي لو مذاكرة مش هتفتكري ولا تقدري تجاوبي ، مجهودك كله تضيعيه بسبب توتر او خوف من مستقبل لايعلمه غير الله..
لازم تحس بالامان والثقة وان ربنا لا يمكن يضيع مجهودها .. وقولها كلنا وقت الامتحانات حسينا ان المنهج نسيناه ومش فاكرين اوله من اخره .. فا اللي بنتك بتتعرض له محتاج صبر و طوله بال منكم عليها وقعده حلوه تفند فيها كل قلقها ومخاوفها..

المشاركة الأصلية كتبت بواسطة J A G U A R

البنت دى محسوده والله اعلم
هاتلها شيخ يشوف مالها

ان شاء الله

المشاركة الأصلية كتبت بواسطة kemoztanta

حالة نفسيه ، حاول انك تقعد تكلمها وتهديها
قولها حالتك دي مش في صالحك ، انتي حتي لو مذاكرة مش هتفتكري ولا تقدري تجاوبي ، مجهودك كله تضيعيه بسبب توتر او خوف من مستقبل لايعلمه غير الله..
لازم تحس بالامان والثقة وان ربنا لا يمكن يضيع مجهودها .. وقولها كلنا وقت الامتحانات حسينا ان المنهج نسيناه ومش فاكرين اوله من اخره .. فا اللي بنتك بتتعرض له محتاج صبر و طوله بال منكم عليها وقعده حلوه تفند فيها كل قلقها ومخاوفها..

والله قولت كل الكلام اللى ممكن تتخيله لدرجة انى قولتلها متروحيش الامتحانات ومش مستنى منك حاجة المهم انتى تكونى كويسه

المشاركة الأصلية كتبت بواسطة cdkareem

والله قولت كل الكلام اللى ممكن تتخيله لدرجة انى قولتلها متروحيش الامتحانات ومش مستنى منك حاجة المهم انتى تكونى كويسه

انا كنت اعرف ناس تروح اسكندرية فسحة يوم وقت الامتحانات واستغرب اوي !!
وبعدين عرفت انهم بيشيلوا الضغط النفسي عن ولادهم ودا يمكن كان سبب في تفوقهم ودخولهم كليات طب وهندسة
.. اعتقد ممكن تخلي شيخ يكلمها ويهدىء من روعها.. ربنا معاك .. الموضوع مش سهل وفي وقت صعب

والله يا جماعة كنت بفكر فى كده من يوم الاربعاء قولت تخلص امتحانات الاحصاء بتاع يوم الخميس واخدهم ونروح حتى دريم بارك يوم الجمعة منها قريبه منى ومش هيتعبوا من المشوار ، لكن طلع عندها مراجعة النهاردة الساعه 3 العصر وبعد كده عندها مراجعة تانى الساعه 7 المغرب

بجد انا مش عارف المسؤولين فى مصر بيفكرو ازى ، السنة دى مكنش فيه دراسه من اول ترم والترم التانى مكملش شهرين وبرضه محدش راح المدرسة ، يبقى ولاد ***** يجيبوا امتحان معقول مش بقول ضعيف ، لكن دول فى الانجليزى مفكرين العيال ابوهم بيل كلينتون وامهم هيلارى ، ده انا مسكت ورقة الاسئلة بتاع الانجيلزى معرفتش فيهم غير 3 كلمات منهم واحدة مراتى قالتى انى ترجمتها غلط كمان ، انا حسبت المصاريف بتاعتها السنة دى بس من غير مصاريف المدرسة 27300 جنيه دروس وكتب ( بحكم ان سايب الفلوس فى البيت وهما بيخدو وبيكتبو فى اجندة علشان ابقى عارف ) لكن بعد امتحان 3 مواد لو جابت 60% يبقى قشطة