استفسار عن استهلاك بنزين هوندا سيتي

**kfarouk** · 13-06-2014 11:45 PM

السلام عليكم
انا الحمد لله اشتريت هوندا سيتي ٢٠١٣ من ١٠ ايام تقريبا العربية جميلة و الحمد لله بس حاسس انها استهلاكها عالي قوي في البنزين يعني تقريبا بتعمل ١٠ كيلو في اللتر فهل ده طبيعي علما بان فولتها مرتين من ساعة ما جبيتها و مااتحشرتشً في الزحمة قوي يعني و بشغل التكييف على ٢
و شكرًا للجميع

**gehadkilany** · 14-06-2014 05:54 AM

متابعة

**jalal** · 14-06-2014 10:07 AM

الاستهلاك بيقل ويوصل لمعدل العربية الطبيعي بعد 5000 كيلو متر وصوت العربية يهدى وكله يبقى تمام كمان عندك النمط الاقتصادي من 80 كم / ساعة الى 110كم / ساعة الاستهلاك بيكون حوالي 6.7 لتر لكل 100 كم والف مبروك وربنا يديك خيرها ويكفيك شرها واختيار موفق ان شاء الله

**SAMEH_FOUAD** · 14-06-2014 10:37 AM

تمام كدة زى ماقالك الاستاذ jalal

**moustafadaly** · 16-06-2014 03:01 AM

عندي العربيه عامله حاليا 1500 كم تقريبا و لها نفس معدلات الاستهلاك يالضبط و برضو عندي نفس السؤال عن ال النظام الاقتصادي؟؟ هو مع نفسه و لا انا بضبط حاجه و لا ايه؟
سؤال ؟ هل عزل الكوتش مريحك لاني بحس العربيه خشنه خصوصا مع الجري؟
بالتوفيق

**MRG256** · 16-06-2014 11:04 AM

السلام عليكم..
مبروك عليكم العربية بجد عربية رائعة جداً تستحق كل قرش اتدفع فيها.. ربنا يحفظكم من شر الطريق ومن شر كل سوء.
لمبة الـ eco بتظهر لوحدها لما تكون طبيعة سواقتك اقتصادية

انت مبتظبطش حاجة غير سواقتك بس وتختفي لما تدوس جامد

وممكن تلاحظ ايضاً المؤشر اللي مكون من 20 شرطة (l/km) في اسفل عداد الكيلومترات وهو مبين لحظي لاستهلاك العربية للبنزين وتقريبا لما بيكون على 6 او اقل اللمبة تنور.
عزل الكاوتش كويس جداً ميتسمعش غير على الطرق غير المستوية او غير الممهدة كويس
تأكد من أن ضغط الهوا زي ما هوه مكتوب على القايم 32 psi للكاوتش الأمامي و 30 psi للكاوتش الخلفي.

**moustafadaly** · 16-06-2014 12:01 PM

المشاركة الأصلية كتبت بواسطة mrg256

السلام عليكم..
مبروك عليكم العربية بجد عربية رائعة جداً تستحق كل قرش اتدفع فيها.. ربنا يحفظكم من شر الطريق ومن شر كل سوء.
لمبة الـ eco بتظهر لوحدها لما تكون طبيعة سواقتك اقتصادية

انت مبتظبطش حاجة غير سواقتك بس وتختفي لما تدوس جامد

وممكن تلاحظ ايضاً المؤشر اللي مكون من 20 شرطة (l/km) في اسفل عداد الكيلومترات وهو مبين لحظي لاستهلاك العربية للبنزين وتقريبا لما بيكون على 6 او اقل اللمبة تنور.
عزل الكاوتش كويس جداً ميتسمعش غير على الطرق غير المستوية او غير الممهدة كويس
تأكد من أن ضغط الهوا زي ما هوه مكتوب على القايم 32 psi للكاوتش الأمامي و 30 psi للكاوتش الخلفي.

ربنا يبارك لحضرتك و هضبط الكاوتش و ارجعلكم .

**Migo123** · 16-06-2014 12:29 PM

هو انا عندي سؤال بخصوص بخصوص ثبات العربية ... بعد ال 120 بحس انها ريشة في هوا ... انا شاري العربية مستعملة وعدادها تقريبا 7000 ك دلوقتي ... فمش عارف هو ده الطبيعي بتاع العربية ولا عندي حاجة مش مظبوطة

**MRG256** · 16-06-2014 02:24 PM

لأ في حاجة مش مظبوطة
أنا جربت لحد 140 وكان الثبات جميل
زميل ليا عنده شارك ساقها لمسافة حوالي 40 كيلومتر على طريق معظمه مفتوح بس للأمانة انا مش فاكر اذا كنا عدينا 120 ولا لأ
بس اشاد بالثبات الصراحة