ارجو الأفادة مشكلة واقع فيها بقالي 6 ايام بلف حوالين نفسي

**gemygoldn** · 14-06-2014 04:29 AM

السلام عليكم ورحمة الله وبركاته
وكل عام وانتم بخير ويعود الايام عليكو وعلينا وعلي امه محمد بالخير
المشكلة اللي عندي بدأت بالتكيف كان الكمبروسر بيشتغل عالطلول من غير ما اشغل تكييف حسب كلام بتاع التكيف المهم غيرنا الكمبروسر بواحد جديد ومن هنا بدأت المشكلة مع العربية
انا عربيتي فيكترا 2000 كان حرارة العربية 80 / توصل 85 لو مشغل تكيف والعربية نار متزدش عن 85 دلوقتي وبعد تصليح التكيف اولا العربية تسخن بسرعة والمروحة مش بتشتغل العربية توصل بسرعة جدا ل 92 تبتدي المروحة تشتغل تنزل لغاية 90 بس وممكن حرارة العربية توصل لغاية 99 وعربيتي مكنش حرارتها كده ابدا حتي لو مع التكيف المهم لفيت لفة حلو علي بعض الناس وعملنا تشيك اخدنا الهوا اللي في العربية ولسة زي ماهيا بصينا علي الفيش وعلي الكتاوت برضو زي ماهي لغاية لما أتفجأت بحاجة غريبة عند فصل كابل البطارية وتركيبه مرة اخري اول ما أدور العربية المروحة تشتغل وده كان الطبيعي بتاع عربيتي والحراراة تبقي طبيعية وهيا ديه عربيتي او ما اشغل تكيف كل البرمجة الخاصة بالمراوح والحرار تتلغبط والعربية توصل ل 99 و 100 بتكيف او من غير تكييف في الحالتين العربية بتوصل لــ 100 أنا تعبت ملقتش حد غيركم ارجع ليه ياريت تفدوني يارب

**Gelgel2004** · 14-06-2014 04:57 AM

الاول بتاع التكييف اشتغل فى الضفيرة او لعب فى اى حاجه تانيه غير تغيير الكباس ؟
مكن ترجعه له و تفهم منه عمل ايه
او تروح كوول اير
م ايمن 26202455
و بلغه من طرف نايل موتورز

**hamo81** · 14-06-2014 09:25 AM

أعتقد المشكلة من كارت التحكم الخاص بالتكييف
لأنه عمل معايا نفس المشكلة وأتحلت بأني غيرت كارت التحكم بواحد أستيراد من الحرفين والحمد لله الدنيا أتظبطت

**harphosh** · 14-06-2014 09:45 AM

المشكلة تنحصر فى أحد جزئين
الأول السويتش الموجود على ماسورة التكييف وده الفيشة العريضة السوداء لأن يوجد واحد تانى فيشته أرفع شوية
الثانى سويتش المراوح وده الموجود بالرادياتير بالقرب من طرمبة الباور وهو فيه 2 سويتش خليك فى الأعلى ناحية كوعة المياه ولونه رمادى بص علىالسويتشات دى وراجع عملها بإذن الله تكون المشكلة فيهم