قدامي عربية بيجو 405 موديل 2003 فبريكة برة و جوة رحت باور و سنتر و تكييف و إزاز أمامي كهرباءشفتها إليكم العيوب التي وجدتها :-
1- التكييف يعمل بكفاءة و لكن المروحة لا تعمل إلا علي أقصي درجة يعني لو خففت السرعة سنة صغيرة تفصل ، و كمان العربية لما بيشتغل التكييف و هي ماشية علي الهادي العربية بتبطل و تقيلة فل الدوارة
2- السنتر : الرقبة الخاصة بالمسوجر ( الحتة اللي بنرفعه و نزله منها ) مش موجودة في كل الأبواب بس السنتر شغال تمام
3- لون العربية سماوي بس العتب لونه تقريبا عاطي علي لبني ( العتب من الناحيتين )
4- السيارة كاربراتير بتمشي ببنزين 80
5- الصالون بحالته بس العدادات عبارة عن ( درجة حرارة - سرعة - ساعة - بنزين )
6- راديو كاسيت بفلاشة
7- الفوانيس الخلفية الباغة بتاعتها من جوة عايزة تتظبط ( تربيط أن تغيير )و الباغة بتاعة لمبة الاستوب ملزوقة
8- مكن الازاز الأمامي شغال بس حاسس إنه ضعيف
9- فيه صدادة في باب السواق عشان الباب ما يفتحش علي الآخر و يتكسر الصدادة دي موجودة بس مكسورة ( بتطلع مع الباب )
10- أسمع إن موديلات فوق 2000 ماتورها لونه إسود بس هو لونة فضي
11- الفردة اللي ورا شمال مش موجودة في السنتر في المكان بتاعها يعني حدفه لورا شوية و حاسس إنها بتحك في الرفرف اللي وراها من جوة
12- يد الفتيس مقلوبة يعني الغيارات راحية مشوار و شكلها مش راجعة تااااني هههههههههه
13- الشنطة لما رفعت الأرضية حاسيت إنها من ناحية الشمال ورا منسمة ( مفتوحة علي خفيف أوي )
14- عداد السرعة شغال بس فيه رعشة
دي حالة السيارة و مطلوب فيها 50 و رخصتها سنتين و حاشتري بتوكيل إن شاء الله
أنا رايح يوم الاثنين أخلص أفيدوني أفادكم الله ، لأني إن شاء الله ناوي أقعد لكم علي باب المنتدي بالعربية لو لقيت فيها حاجة و حأجمع تمنها من الأعضاء لو اتخبطت في عربة تعبانة ههههههههه
و جزاكم الله خيرا
المفضلات