الموضوع: صيانة 2500 بيجو 301

انهاردة كنت في فرع غمرة علشان اعمل صيانة ال 2500 كنت في التوكيل الساعة 9 صباحا و استقبلني المهنس محمد مجدي بصراحة كان معايا في منتهى احترام مبتسم كعادته و سالني عن ملاحظاتي في العربية و كتب كل حاجة كنت قايل عليها و كانت الملاحظات هي:
1-عضة في الفتيس و انا بانقل الغيار
الرد : دي مش مشكلة حاول تستني ثواني بعد ما تدوس دبرياج قبل ما تعشق النقلة بصراحة مكنتش مقنع لكن هو جرب قدامي و وراني الفرق
2-تركيب غطا وحة الكنترول يونيت
الرد :لاسف مش موجود قلت طب ازاي انا ماكد قبل ما اجي انه موجود قالى اخر قطعة طلعت في العربية الى قبل حضرتك بصراحة اتضيقت جدا و رحت داخل على استاذ مجدي منصور مدير قطع الغيار
بصراحة كان محترم جدا و قالى متقلقش احنا بنركبه على حساب الضمان بس هو فعلا مش موجود يومين و تعالى واحنا نركبه لاننا هنبعت نجيبه من ابو رواش قلت امري الى الله و اتفقت معاه اجيله يوم ثاني.
سالت على موضوع التيل و طلبت منه يحط الاسبراي الاحمر زي ما بعض الاعضاء قالوا رفض و قال انهم اكتشفوا انه بينشف التيل و قد يضر الطنابير قلت مانته بتحطه في الفروع الثانية قال ماليش دعوة بالفروع الاخرى دي بتبقى مسئولية المهندس الى استلم
اما بالنسبه للسوفت بتاع العربية قالى العربية مش محتاجة تحديث فسكت لاني مكنتش بشتكي منه .
ما تم عمله بالسيارة تربيط للعفشة كشف على مستوى السوائل بالسيارة غسيل للموتور بالفوم
بصراحة بغض النظر عن الموقف الى حصل في وحدة الكنترول فانا راضي الى حد كبير عن مستوى
الخدمة بس الى كنت عايز اتاكد منه هل موضوع العضة ده طبيعي زي ما هو قال ام لا