الموضوع: اضاءه السياره

ياجماعه السلام عليكم . العربيه بتاعتى اوبل استرا موديل 2000 1200 سى سى
اولا: النور عندى اصفر فى حل غير تركيب الزينون ان اركب لمبات نورها ابيض ونوعها اسمه ايه وينفع اركب لمبات اكتر من 100 وات عشان النور مش عاجبنى وكان الكهربائى رفع النور على اعلى حاجه لمستوى النور ده كده صح ولا غلط ،
ثانيا: مواعيد تغيير كوتش العربيه لحسن الراجل بتاع الكويتش قالى على 50000 كيلو ده صح ولا خطأ
ثالثا: سير الدينمو والتكييف ان بقالى سنه ونصف بالعربيه وماغيرتهوش السير بتغير على كام كيلومتر.
رابعا: انا كنت مركب مساعدين امامى جديد من سنه ونصف والعفشجى قالى فى مساعد واحد خفيف لازم اغيرهم دلوقتى ولا امشى بيهم شويه ، انا سألت عليهم فى الحرفيين بيتباعو 550 كامليين استراد بالبطاحات والسوست يعنى مقفولين، بس انا كنت عايز المساعدين بس.
خامسا : العربيه متركب فيها كشافين شبوره بس مش شغاليين الكهربائى كان عايز يشغلهم مع النور الصغير وان ماردتش فى مفتاح عندى فى الاسترا للنور العالى والواطى وفى زرار لكشافات الشبوره بس يتم ربطه بالشبوره ازاى. العربيه نزله من غير الكشافات الشبوره.
تحياتى لاخى فادى، وطنطاى، واحمد فهمى ،وعاشور، ووليد، وكل المهندسين والاعضاء المحترمين

مفيش احسن من الجديد ياباشا فى العفشه بالذات بتحس ان العربيه جديده وبلاش تضيع فلوسك على الفاضى فى الاستيراد .

الاستيراد حلو فى الصاج وحاجه المكنه مرش دينموا فوانيس اكصدمات انما العفشه لازم جديد وبالتوفيث ان شاء الله