هل توجد اعراض لبداية قرب انتهاء عمره الافتراضي و لا مفاجاه
عرض للطباعة
هل توجد اعراض لبداية قرب انتهاء عمره الافتراضي و لا مفاجاه
والله انا كنت كل فترة كدا بلاقى العربية بتقف لوحدها وانا ماشى على السلانسية ولمض الصالون تنور وتظهر رسالة select park ابطل طبعا عشان بتبقى ماشية على D وادور تانى تدور وامشى عادى بس اليومين دول مرة واحدة بطلت ومش راضية تدور خالص وغلبتنى والى يقلك فيوز والى يقلك مارش والى يقلك طرمبة لحد مجبت كهربائى قالى حساس كرنك ودورها وقالى عاوز يتغير وجبت الجديد من التوكيل ب 528 بالضريبة لونة ازرق ومحفور علية كلمة رينو مع ان القديم لونة اسود ونوعة سيمنس ومحفور علية صنع فى فرنسا وانا بقلك كدا عشان تعرف ان الاصلى من ساعة العربية وهى موديل 2006 لسة متغير ..وفى النهاية الحمد لله وربنا مايحط حد فى موقف العطلة دى على الطريق
انا عندى المشكله دى وغيرت الحساس وبرده بقت تعمل نفس المشكله ومبدورش بقيت لما مش بدور احرك السلك بتاع الحساس تدور علطول بقت كده كل كام يوم تعمل كده اروح محرك سلك حساس الكرنك تروح دايره علطول ورحت للميكانيكى واكتر من مره ويقلى الفيشه وثبتها بافيز اعدت بتاع اسبوعين متعملش وعملت نفس المشكله فا بقيت اريح دماغى واهز السلك
و ممكن تغير الفيشة نفسها
او تشوف ميكانيكي تاني
مافيش حل
وانا كانت العربيه بتبطل معايا كل شويه سواء وانا ماشى او واقف
ولما اجى ادور العربيه مش عايزه تدور الا بعد عده محاولات كتيره
وروحت مراكز وكشفت بالكمبيوتر ومظهرش حاجه خالص
الموضوع متحلش الا لما قرفنى جدآ جدآ خلانى كرهت العربيه
فتشت على الضفيره وعلى علبه الفيوزات وفضلت اشك فى كل حاجه
لغايت اما وصلت لحساس الكرنك ومكنتش اعرف مكانه اصلآ لانه مستخبى
ولما فكيت القاعده بتاعة البطاريه شوفته
فكيته خالص نضفته بالبنزين وخليته مرايا
مسكت الفيشه بتاعته نضفتها وجيت اركبها فى الحساس لاقيت القفل بتاعها مكسور
قومت جايب امبوبه امير وغرقتها وقومت حاشرها فى الحساس وعن ابوها ما طلعت تانى مش عايزها تطلع
ومن ساعتها العربيه اتضبطت
ههههههههههههههههههههههههه هههههههه و الله الله ينور عليك
الحساس كان جايب اخرة وبيعلق واول مادارت طلعنا على الورشة وكان معايا ووقفت 3 مرات فى الطريق وكل مرة كان بينزل يهزة تدور ونمشى وبردو كانت فى سلوك فى الضفيرة بردو عاوزة تترمم ملمسة