الموضوع: صيانة 40 الف للماروتي

المشاركة الأصلية كتبت بواسطة waelgam2005

دلوقتي ياجماعه انا عربيتي علي اعتاب 40 الف كيلو وعاوز ابتدي في صيانة الاربعين لانه خلاص فاضل بتاع الف او الفين كيلو واللي ناوي اعمله كالتالي
هنظف الكاربتير بالاسبراي وبعدها هغير زيت وفلتر وهغير طقم الكهربا كله
فلتر الهوا كنت مغيره علي عشرين الف يعني دلوقتي عمل عشرين اغيره ولا اسيبه؟
هربط العفشه وقواعد الماتور وهظبط زوايا وهرصص الكاوتش
هغير زيت الفرامل لانه بقاله اكتر من سنتين اهو وهرجلش علي التيل
هشحم عصاية الفتيس وكنت مغير زيت الفتيس في صيانة العشرين الف اغيره تاني في الاربعين ولا اسيبه ؟
وعندي مشكله في دواسه الدبرياج فيها صوت احتكاك جامد اوي لما بدوس عليه وخصوصا بعد ما بمشي بالعربيه لمده عشرة دقايق لكن اول مابدورها وامشي بيها شويه مبتعملش حاجه ياريت حد ينصحني برضه علاج المشكله دي ايه بليه ولا حاجه تانية؟
هل فيه حاجه تانيه المفروض اعملها وانا ناسيها مع العلم ان عربيتي 2012

فلتر الهوا ... يتغيير لآنه بيتغير على 15 أو 20 ألف كيلو بالكتير
زيت الفتيس لسه بدرى عليه طالما معداش عليه سنتين أو 40 ألف كيلو أيهما أقرب
بالنسبة لمياه التبريد لو بتستخدم مياه خضرا أو لو لسه عندك مياه الفبريكة يبقى تتغير لآنها بتتغير كل 40 ألف كيلو أو سنتين أيهما أقرب ( وأفضل مياه هى موبيل الجركن بيعمل 75 أو 85 )
بالنسبة للدبرياج حتلاقى السلك بتاعه محتاج يتشحم
ومتنساش سير الكاتينة وسير الدينمو تشيك عليهم ( لو مكنتش غيرتهم قبل كده ) وتغيرهم لو فيهم تآكل

المشاركة الأصلية كتبت بواسطة waelgam2005

بالنسبة لفتر الهوا اوك تمام هغيره لانه فعلا بقاله كدا عشرين الف
بالنسبة لمياة التبريد انا لسه مغيره من شهرين بمية موبيل الجركن كان ب 80 جنيه ونظفت الدورة
الدبرياج ده بقى اللى مديقانى بس معلش القى السلك ده فين ناحية الدواسة ولا فين وهل اعمله انا ولا لازم ميكانيكى
سير الكاتينة وسير الدينمو مغيرتهمش قبل كدا ومشيكتش عليهم قبل كدا علشان اشيك عليهم اروح لميكانيكى ولا فين ؟
والف شكر لحضرتك

سلك الدبرياج أنا مش عارف مكانه بالظبط الأفضل تروح لميكانيكى يشحم ليك السلك ويبص على السيور

المشاركة الأصلية كتبت بواسطة waelgam2005

دلوقتى فيه حاجه لحظتها وانا بنظف الكاربتير الاول بعد ما فكيت العمه لقيت المكان اللى بيترش فى الاسبراى ده اللى فى الكاربتير اسود ومهبب عامل زى ما يكون شكمان مش كاربتير هوا ده طبيعى انه يبقى كدا ولا ايه ؟ انا نظفته بالاسبراى ورجع زى الاول
الحاجة التانية السوستة اللى انا بزود منها من الحوض فيه واير كدا عند المكان اللى بزود منه المهم انا حاسس ان الواير ده مرخى شوية هوا الطبيعى انه يبقى مرخى كدا ولا لازم يبقى الواير مشدود من غير ما احركة بايدى؟
الحاجة الاخيرة انا كنت حاطط بوجيهات قديمة شوية قبل عملية التنظيف بس كنت شايف شكلها قبل ما احطها وبعد ما حطتها ونظفت بالاسبراى وطلعتها لقيت الجزء اللى عنده السن ده كله محروق واسود فهل ده طبيعى برضه نتيجة التنظيف ولا مش طبيعى
وشكرا ليكم

كل اللي بتقوله طبيعي ماعدا واير البنزين مفهمتش مرخي ازاي...
تحياتي

Sent from my mobile using Forum Runner