اقتباس:
المشاركة الأصلية كتبت بواسطة Goodle
يا ريت يا جماعة تشرحولنا إيه احسن توقيت لاستخدام المرايات (كلة مراية على حدة)
استخدام المراايات بيكون بشكل مستمر
لو انت سايق والطريق مفيش مشاكل وماشى على طول ما بين اللحظه والثانيه بتبص على مرايا الصالون تشوف وضع الشارع وراك هل فيه عربيات مسرعه وراك ممكن تاخد اى جمب يسمح وتعديه
يعنى مرايا الصالون بتكون بستمرار نظره عامه على شكل الشارع وراك لانها بتوضح مساحه اكبر من مرايات الجنب والصوره فيها حقيقيه
اما مرايات اليمين والشمال بتوضح لك شكل الشارع خلف سيارتك وجمبها من الاتجاهين اليمين والشمال بتكون مظبط المرايا فى وضع الرؤيا الصح
دول لا غنى عنهم استخدامهم لما تكون طالع من ركنه لما تحب تدخل ملف او تدخل شارع يمين او شمال او تحب تنقل من حاره الى حاره اخرى سوا ء يمين او شمال لازم تبص على المرايات فى الاتجاه اللى عاوز تمشى فيه وتشوف وراك اقرب سياره تبعد عنك بمسافه مناسبه ولا لاء
عشان متكسرش على حد كده مره واحده ولازم تاخذ بالك ان الابعاد فى مرايا اليمين والشمال غير حقيقيه
يعنى العربيه اللى بتكون جمبك اقرب فى الحقيقه من المسافه اللى ظاهره على المرايا
ولو انت ماسك اقصى الشمال مثلا يبقى مش هتستخدم مرايا الجنب الشمال هيبقى استخدامك لمرايا الجنب اليمين ومرايا الصالون
والعكس لو ماسك اقصى اليمين
وبشكل عام طول مانت ماشى بتبص على كل المرايات خطفه سريعه كده بالتعود