حضرتك معاك بروشور للعربية
عرض للطباعة
حضرتك معاك بروشور للعربية
ممكن حضرتك تقارنها بالفيكنرا سى من وجهة نظرك بما انك ركبت الاتنين لان انا بفكر اشترى فيكترا سى فعايز حد ركب الاتنين يقارن بينهم وشكرا.
زى ما استاذ خالد قال دى فئة و ديه فئة
الفيكترا ثبات و عضم و متانة و تقفيل المانى تحفة
عربية ماسكة نفسها بجد
حتة حديدة
بس لازم تجرب سواقة الايزى ترونك لانه يزهق فى الزحمة
و نصيحة ليك لو هتجيبها اولا تجيب التوب لاين
ثانيا ماتشتريهاش غير لما تعدى على صابر اوبل فى رابعة يكشفلك عليها
اوعى تجيب اى فئة غير التوب لاين
الرابيد بالنسبة لثمنها و اللى موجود دلوقتى معقولة لكن لا تقارن ولا بالفيكترا ولا بالغالية الفانتازيا
هيهه وحشه اوي كده؟؟؟؟
مش عارف ازاي الناس بتقارن الرابيد بالفانتازيا !
ناجي باشا حضرتك ظالم الرابيد جداً بمقارنتك ليها بالفيكترا و الفانتازيا ، هي نازلة فئة اقل و حضرتك لازم تبقى مقتنع انك نزلت لفئة اقل عشان ترتاح نفسيا للعربية و تنظر لامكانتها نظرة صحيحة بالنسبة للفئة بتعتها اعتقد انك هتلاقيها بتتفوق في حاجات كتير بالنسبة لباقي الماركات
موافق حضرتك مليون فى المية
انا متضايق من نفسى انى بعت فانتازيا ماشية 11 الف كيلو و جبت رابيد
انا متضايق من نفسى مش من العربية
العربية مش سيئة للدرجة
بس انا متضايق ان كان معايا فانتازيا و فرط فيها
و الفرق كبير للأسف
ولكن
هى سكودا
موديل 2015
شكل جديد
بتسحب اكتر من الفانتازيا طبعا
و نفس الحجم تقريبا
و كل الاوبشنز اللى محتاجها
خلاص انا حبيتها :shine[1]:
لو عفشة الكروز الخلفية مالتى لينك اجيبها
لكن لو عفشتها تورشن بيم اجيب الرابيد
عشان الرابيد اوسع و شنطة اكبر و توكيل ارحم
الكروز تورشن بيم بس فيها espاقتباس:
المشاركة الأصلية كتبت بواسطة nagy wassef
ممكن حضرتك تقولى اول صيانة وتغير زيت ليها امتى وكيفة الاستلام السيارة لانى هستلم اول فئة الاسبوع القادم وهل ممكن تشغيل التكيف وشكرا
اول صيانة على 7500 كم و المفروض يظهرلك رسالة على الشاشة علشان يفكرك بالصيانة
حسب الكتالوج التيل بيطبع بعد 200كم و الكاوتش التماسك بتاعه فى الارض بيتظبط على 500كم
و الموتور ماتحملش عليه و تعلى الار بى ام لحد ما توصل 1000كم ( انا مشغلتش التكييف غير بعد اول 1000كم )
بالنسبة للاستلام اتاكد بس من نوع الكاوتش و البطارية و ان كل حاجة شغالة و الدواسات موجودة و العدة موجودة
شكرا جدا على الاجابة ومن فضلك هو بيكون نوع الكاوتش اية والبطارية
باختصار
عفشه الكروز الخلفيه متطوره جدا جدا
ومينفعش نقول عليها انها عفشه تورشن
لان setup بيفرق
Sent from my SM-N900 using Forum Runner
ربنا يباركلك فيها
يالنسبة لقطع غيار الرابيد ايه اسعارها لو في امكانية اني اعرفها بعد اذنك
اسف على التاخير
مش عارف ليه مجاش لية ميل يقول ان فى مشاركات جديدة
عامتا انا للاسف مش هقدر افيدك قوى فى موضوع الاسعار ده لانى الحمد لله محتجتش حاجة و الصراحة مش فاضى اسال
بس عامتا عندك مثلا قطع غيار السيراتو اغلى منها بكتير
انا ممكن افيدك فى اى سؤال خاص بالعربية نفسها و استخدامها
ربنا يباركلك فيها ان شاء الله
ايه كماليات الهاى لاين بالتفصيل
تكيف.باور.سنتر.ايموبليزر.ان زار.جنوط سبور.مالتى فانكشن.بلوتوث.باركينج سنسور.اربعة زجاج كهرباء.مؤشرات للبنزين و السخونة علشان اول فئة مافيهاش مؤاشرات ولكن فيها شاشة بيانات.جراب نظارة.اثنين مفتاح فولدينج.شنطة 550لتر.مرايات كهرباء.مثبت سرعة.abs.ebd asr.تكييف بكر.باركينج لايت.. ايرباجز.
الصراحة ده اللى فاكره لو فى اوبشن معين انت محتاجه اسألنى وانا اقولك
دايما العربية الأصغر زى الرابيد أو الياريس مش بتبقى ثابتة زى العائلية زى الأكتافيا أو السيفيك عشان بتبقى اقتصادية و معمولة للمشى داخل المدينة بس في بلدنا للأسف أسعار الفئة دى بقى مجنون زى حاجات كتير
انا مع حضرتك
مشكلة الرابيد كمان انها مجهولة مش معروفة
بس بعد استخدام 7000كم ابتدى رأى يختلف شوية للاحسن
ظبت صوت الكاسيت بقى معقول
ظبت ضغط الاطارات و العفشة و الثبات بقى احسن
و ابدتيت اتعود عليها و انسى اداء اللى كانوا معايا قبلها
و بردوا فى رأى هى احسن من حاجات كتير فى السوق بنفس للسعر
بسم الله الرحمن الرحيم
انا طول عمري من ٢٠٠٠ وانا راكب اوكتافيا a4 وفي ٢٠٠٩ ركبت ال a5 والحمد الله من اسبوعين استلمت الرابيد هاي لاين اولا الرابيد ماهي الا امتداد لل a4 ولكن بتقنيه اعلي طبعا عشان احنا ف ٢٠١٥ بس ال a4 تصميم 97 بالرغم من استمرار انتاجها حتي ٢٠٠٩ اولا الرابيد لاتقارن ب اوكتافيا دي فئه ودي فئه قارن الرابيد بال a4 هتلاقي الاختلاف واضح من حيث الرفاهيه واللي هيشتري الرابيد يشتري الهاي لاين عشان الفرق كبير ف الهاي لاين ولو عايز تقارن الاوكتافيا قارنها بموديلات ٢٠٠٥،٢٠١٢ اكن الرابيد لاتقل عن سيارات سكودا او فولكس او سيات من حيث الثبات وانظمة الامان ومن الجانب الداخلي للرابيد فهي ف الهاي لاين لا تقل عن الa7 الفئه الثانيه وافضل من الفئه الاولي بالنسبه للاخ الفاضل اللي بيشتكي من المالتي فنكشن ف الرابيد فعن تجربتي انت بتدوس جامد علي الزراير والمفروض انك تدوس في منتصف الزرار مش من الجنب فالطبيعي هتحس ان الزراير بتتحرك معاك والكاسيت والبلوتوث صوته قوي وعالي بس انت نسيت تعلي الصوت ولو انت راكب فعلا الهاي لاين مكنتش هتلاقي صوت الموتور عالي عشان فيه كفر داخل غطاء الكبود عازل للحراره والصوت ولكن من حيث الاتزان والامان فالرابيد فيها abs,asr,msr,mba ولكن مايؤخذ عليها مقارنة بالa4,a5ان مفهاش وحدات رفع مع السنتر فقط لكن العربيه قويه وصاجها قوي واللي محتار يشتري ايه ف حدود مبلغ ١٦٠ ،١٧٠ ف انا انصح بالرابيد لانها لاتقارن بالبيجو ٣٠١ او الرينو فلوانس او سيتروين وطبعا لاتقارن بالكوري كله
انطباع حضرتك علشان العربية السابقة كانت اوكتافيا a4
لكن انا انطباعى علشان عربيتى السابقة كانت فانتازيا و قبلها فيكترا سى
علما بأن اخى معاه c180 موديل 2014 و بسوقها كتير
لذا مقايس الثبات و التقفيل و الصوت مختلفة عندى شوية
طبعا مستحيل اقارنها بالمرسيدس لكن بالنسبة للسيارات التى ذكرتها اعلاه فأنها سيارة على قدها تماما
ولا تستاهل 170 الف بتاتا
و عامتا ربنا يحافظلك عليها و تستمتع بيها طالما عجباك
بالنسبالى انا مضتر افضل بيها علشان لو بعتها هخسر فيها كتير
أنا كمهندس ابدى اعجابى الشديد بالرابيد، عملت معاينة للهاى لاين يوم الخميس و عندما ترفع الكبوت تتيقن على الفور دقة التنسيق الداخلى و بساطته مع جودة الخامات. من الداخل الكراسى مريحة و المسافة للركاب الخلفيين ممتازة و الشنطة واسعة جدا، و خامات الدهان ممتازة و الفوانيس الأمامية و البودى عموما شيك جدا. العيب الرئيسى فى التصميم هو الفوانيس الخلفية شكلها عرة جدا بصراحة عاملة زى الصينى و احد الموديلات غير المنتشرة للادا مش فاكر اسمه دلوقت (اللى كانوا عاملينه مشترك مع دايو).
فى رأيى هذه سيارة معمرة جدا و تدوب 2 -3 كورى و هندسيا افضل من الفلوانس و ان كانت الفلوانس اجمل بكثير من الداخل، و طبعا 301 تعبانة جدا بالمفارنة بالرابيد. التنافس ممكن يبقى مع الشارك و الكورولا اول فئة.
الشارك طبعا هائلة فى موضوع الثبات و الشاسيه الجبار بس يعيبها الآتى: 1- الأكصدام الأمامى لا يوفر حماية كافية للسيارة من الأمام، 2- الشنطة صغبرة 3- البويات طبقة رقيقة و العربية مع الشغل بتاع مصر و الأحتكاكات العادية بتاعت الركن و زحمة الإشارات يتلاقيها اتبهدلت
يهنى لو عايز عربية عائلية معمرة يبقى رابيد و لو عايز شد و شقاوة يبقى شارك و ما فيش حاجة كاملة
ياباشا اولا الف مبروك ع العربية وربنا يكفيك شرها وحاول الاستمتاع بيها
بس انا ليا تساؤلين مستغربهم واتمنى اجابة وافية عليهم
الاول المبلغ 166 الف ج كنت ممكن تجيب رينو او كورولا او استرا سيدان العربيات دي احسن بمرااااحل من الرابيد فأتمنى تقولي حضرتك بنيت اختيارك ع اي اساس ؟؟
الثاني ممكن حضرتك تقولي بما ان حضرتك ركبت عربيتين الفيكترا سي والفانتزيا تقولي ايهما اروع وايهما اثبت معاك ع الطريق وايهما اكثر راحة فالصالون دون النظر لحوار قطع الغيار والتوكيل
الله يبارك فيك
انا بحب العربيات اللى تبع شركة المانى
البديل الاسترا بس انا اخترت الشنطة الاكبرمع طريقة الهاتش باك فى فتح الشنطة
و كانت ارخص من الانجوى و اوبشنز اكتر بس طبعا ثبات الاوبل كان هيبقى احسن من الرابيد
و ابعد عن توكيل منصور اللى كرهنى فى عيشتى
بالنسبة للفانتازيا باختصار دى احسن عربية انا اشتريتها فى حياتى
السلام عليكم
انا اشتريت العربية دي ( بعد لانسر 2007 ) حسيت ب نقلة حضارية
بس نفسي اركبلها usb & aux مش عارف مين ممكن يعملي الموضوع ده ,,, و ده يعمل حاجة في الضمان ولا لا ؟؟