الف مبروك على العربية
الحاجات اللى حضرتك عايز تركبها حاجات بسيطة بس طبعا التوكيل ممكن يرخم على اى حاجة
حضرتك ممكن تجيب حاجة بتتركب فى الولاعة و خلاص
عرض للطباعة
السلام عليكم ورحمة الله وبركاته
انا بعد ما قرأت الموضوع وأغلب التعليقات
أحب اعرفكم أن سعر الرابيد هاى ﻻين 2015 بقه 193500 جنيه انا لسه راجع من التوكيل دلوقتي
فياريت يا معالى الباشا تفيدنى اتكل على الله واشتريها وﻻ ترشحلى حاجه تانيه
وشكرا
متشكر جدا على ردكم
بس انا عايز اشترى عربيه موديل السنه انا زهقت من السيارات المستعمله علشان مش بتكون مضمونه
ايوه أقصد السبيس باك
سقف بانوراما هاى ﻻين
ولعلم حضرتك انا بحب العربيات العاليه علشان المطبات
وتكون عائليه
مثل سيارات الكروس اوفر
يعنى هل السوبارو تستحق كل هذا اﻻنتظار أم لا
وشكرا
شوف حضرتك هى وجهات نظر
بس انا لو مكانك و معايا ثمنها استنه اللى خلفوها :)
معايا رابيد ٢٠١٣ هاى لاين شاريها من سنة تقريبا وكان معايا قبلها فولكس بورا ٢٠٠٢ ولكن لاحظت الفرق اول ما استلمت العربية فى ان عفشة التورشن بيم اللى فى الرابيد ناشفة شويه فارقة كتير عن البورا
ثبات العربية مش وحش لغاية حتى ١٦٠ بس هل لو زودنا عرض الجنوط " جنط ١٦ او ١٧ " هايفرق شويه ولا لا؟
الموتور صوته عالى طبعا
كماليات الرابيد كافية للي معندوش اطفال بس يعيبها للي عنده اطفال عدم وجود تحكم السائق برفع الزجاج الخلفى و غلق الابواب من باب السائق
بس كتقيم عام العربية شيك و ملفته للاسف والتسارع بتاعها اعتقد احسن من اى عربية فى فئتها
برده لو امكن ا. ناجى ايه اللي حضرتك عملته بالضبط بعد ٧٠٠٠ العربية فرق ادئها معاك؟
اللى عملته انى اتعودت عليها :)
لكن ظبت الكاوتش الخلفى على 33 و قدام على 30 و فرقت جدا معايا
و لو محمل ورا 37 و قدام 34
الارقام ديه بعد ترجمة الارقام اللى على غطاء تانك البنزين من مهندس محترف عنده اكتر من 65 سنة يعمل فى مجال الكاوتش
لو غيرت لجنوط اكبر الترزيع هيزيد ثانيا لما تكبر الجنط هتعرض الكاوتش و ده هيزود الاحتكاك و بالتالى استهلاك بنزين اعلى
لولا ان ارتفاعها عاجبنى جدا علشان شوارع المحروسة كنت وطيتها شويتين
او بقى شوية تكنولوجيا و كومبريسور يرفعها وانا جوه البلد و يوطيها وانا على طريق :)
و فى رأيى هى متقدرش تقول عليها عربية جامدة جدا و ﻻ هى عربية وحشة
ممكن تقول عليها عربية ال safe side
اشكرك على الرد
نتمنى من حضرتك لو اضفت اي اكسسوارات او طقمت العربية بطقم دوسات وفرش شيك كدة . .. ياريت تفرجنا وتقولنا عنواين المحلات يبقى كتر خيرك..
م. عبد الرحمن
استاذ زيزو مبروك مقدما
لكن بعد اذنك ماتخدش بنصحتى فقط ارجوك
روح اركب و جرب كل اللى عاجبينك الاول و بعد كده قرر
دى راحة نفسية و ممكن بعد ما تقعد فى واحدة تحس انها عجباك اكتر
و ياريت لو تعمل تيست درايف
ولكن فى رأيى الشخصى افضل السوبارو علشان التالى
Awd
Boxer engine
cross over
و تقفيل انضف
شكلها احلى
وربنا يوفقك فى اختيار الافضل ليك
صورتين على السريع لفرش عملته فى شارع دمشق و دواسات و موكيت للارضية كلها
ما شاء الله الفرش شيك
لو وصلت لاي اكسسوارات ابقه قولنا
وشكرا لاهتمامك
لو قارنها بالسيات ليون حضرتك تفضل ايه ؟ لانی محتار اوی بينهم
لو السيات فتيس دى اس جى مش هشتريها حتى لو موتورها بيطلع 280 حصان
و هذا رأى شخصى
بس فی كلام كتير ان مشكله الفتيس اتحلت وكمان التوكيل عامل عليه ضمان 10 سنوات بشرط الانتظام فی الصيانه فی التوكيل
الحمد لله لأ
بس انا عايش بمبدا ابعد عن الشر و اغنيله
مش هشترى عربية بمئات الالاف و اجرب اشوف الفيتيس هيشتغل ولا هيعطل
و حتى لو الضمان هيصلحها ببلاش انا مش فاضى لوجع الدماغ
يعنى يبقى واحد سايق فيرنا جنبى و مستمتع برعبيته وانا رافع عربيتى على ونش و رايح التوكيل و اقول اصلها هتتصلح ببلاش !!!!
انا جايب عربية علشان تنفعنى و تنجز ولا علشان لما تبوظ استمتع بتصليحها مجانا؟؟؟؟؟
دى وجهة نظرى
و لو الفتيس مش فيه مشكلة تقلق كان عمل الضمان عشر سنين ليه؟
ده وجهة نظرى الشخصية انا جايب زيرو علشان اريح دماغى مش افضل بدعى ربنا ان الفتيس يكون شغال
انا امشى فى السيف سايد من الاول
و العربيات كتير
شوف رابيد سبيس باك
ربنا يحافظ على الفتيس علشان اصحابها يستمتعوا بيها
بس انا بكتب رأيى الشخصى
بالنسبالى امشى جنب الحيط احسن
اقولك.....امشى جوا الحيط احسن واحسن
معنديش استعداد اجازف بتعب سنين علشان موتور توربو
انا مش داخل سباق
و ياريت محدش من ملاك العربيات اللى فيها دى اس جى يزعل منى
طريقة تفكير كل واحد غير التانى
و ربنا يحافظ على عربياتنا كلها
و لولا اختلاف الازواق لبارت السلع
طبعا رای يحترم.انا الليون عجبانی عشان استهلاك البنزين واعتقد ان التربو يعطی البور ويقلل البنزين . ياريت لو تعرفنی بتستهلك كام كيلو فی الصفيحه؟معلش مشكله البنزين عملتلی عقده بسب الريو .غير ان الليون شبابيه اكتر من الداخل
الموضوع برغم قدمه نسبيا و لكن ,
التوكيل فعلا بيستهبل فى سعر العربيه , العربيه عربيه عاديه جدا فى فئتها و زيها زى الياريس و انا شوفتها و اتفرجت عليها , العربيه لا يمكن تقارن او حتى تدخل فى سعر فئات تانيه زى الاسترا او الكورولا او الفلوينس او الفورد فوكس و ما عليش و لا حتى الكروز .
العربيه دى كل خامتها الداخليه بلاستيك فى بلاستيك و مش بالكوالتى ابدا المناسب للسعر و كانت بتنزل تجميع هندى و مش عارف دلوقتى بتتجمع فين .
المشكله مش العافشه التورشن بيم , شوف عربيات زى الفلوينس و الكورولا الجديده و الجيتا برضه تورشن بيم , بس اتفرج على ثباتهم على سرعات 180 و النعومه فى المطبات و النقر و الملفات , حتى الكروز و الاسترا تورشن بيم بس متعدل . المشكله انه العفشه مش مصروف عليها و مسترخصين فيها جامد لانها عربيه مش نازله لسعر 193000 جنيه ابدا زى التوكيل ما بيبيعها .
ايه اللى يخللى مشترى يترك الكورولا الفئه التانيه او الفلوينس الفئه التالته او الاسترا او الفورد فوكاس بتكنولوجيتها و يروح يشترى رابيد من سعر 170 ل 193 الف ؟ عايز سبب مقنع واحد .
مش معنى انه العربيه وحشه لا سمح الله , لكن حرام نعطى التوكيلات فرصه انه يسحبنا بمزاجه للدرجه دى , ما ينزلها فى فئتها علشان تنجح و تنتشر و يكون لها قطع غيار و حركة بيع و شرا مستعمل عليها زى الياريس و البيجو 301 .
و على فكره زيها زى البيجو 301 برضه مش هانضحك على نفسنا و نصدق انها احسن و بالعكس الشكل الخارجى ل 301 احلى و عربيه انجح من الرابيد و ما حدش ما عليش يقول لى اصل فيها مشاكل , فيها مشاكل لانها منتشره انتشار كبير جدا و مسمعه و ما حدش يعرف لو الرابيد كانت انتشرت انتشارها ايه اللى هايظهر فيها , انا اتفرجت عليهم كلهم علشان اشترى عربيه لمراتى .
تحياتى و ربنا يمتعك بها :)
اتفق معك فى انها اقل من الأسترا و الكورولا و الفلوانس كمان، بس كمان افضل بمراحل من الياريس و 301. لو فارناها بأختها التؤام السيات التوليدو هنلاقى التوليدو احسن و ارخص
الفئة دى تايهة شوية و كان ممكن يبقى فيها بجدارة اللينبا و كانت افضلهم بس التوكيل اللطبف يطل يجيبها
حضرتك شفت البيجو من جوا؟؟؟؟
دى فرنا من جوا.
دى حتى مافيهاش مجموعة زاير الازاز الكهرباء
شنطة اصغر
صالون اضيق
تكييف تعبان فى الحر زى قلته
نتشات ببن النقلات
مشكلة فى الطنابير
و اعادة بيع ايه اللى احسن؟
هى بتتباع علشان رخيصة
و رخيصة و رديئة
و لا ليها علاقة بالبيجو اساسا
دا ال 208 اغلى منها بحوالى اربعين الف تفتكر ليه!!!!!
وواضح ان حضرتك متعرفش معلومات كتير عن الرابيد
حضرتك كاتب فى موضوع تانى ان الرابيد هندى و هى تشيكى سعادتك
هو حضرتك بتجيب المعلومات دى منين؟
http://en.m.wikipedia.org/wiki/%C5%A0koda_Rapid_(2011
معاوماتى سعادتك من هنا . اقرا الموضوع كويس و حضرتك هاتعرف العربيه منين . الهاتشباك للرابيد من اوروبا و السيدان من الهند و الصين و ده على مستوى العالم و مصنع الهند كان بيصنع الاوكتافيا و السوبر بى و بعدين وقفوهم بعد فتره قصيره و المصنع مستمر على الرابيد فقط :) .
حتى لو هيه افضل من ال 301 ﻻ يمكن باى شكل توصل للسعر ده . انا اعتراضى على السعر مش على العربيه نفسها .
The "Rapid" name was previously used in the 1930s for the.Rapid (Type 901).and in the 1980s for the rear-engine.Rapid.coupé. Today, the Rapid is used for several.small family cars:.liftback and hatchback from Europe, sedan from India and China