حد عنده فكرة عن السيارة سانديرو ستيب واى

**hebo111** · 15-06-2014 03:02 PM

ممكن حد يساعدنى اعرف ايه اخبار السانديرو ستيب واى 2014 ؟؟ ايه عيوبها و مميزاتها ؟؟

**Omar2017** · 15-06-2014 03:22 PM

القديمة جميلة
الجديدة لسة مجربتش على ارض الواقع و امكانيتها عالية

**kgayyar** · 15-06-2014 03:43 PM

المشاركة الأصلية كتبت بواسطة omar2017

القديمة جميلة
الجديدة لسة مجربتش على ارض الواقع و امكانيتها عالية

القديمة و الجديدة نفس الموتور و الفتيس مش فارقة .. الفرق في الشكل و الأوبشنز فقط .. و هي عربية عملية و عالية عن الأرض و ميكانيكا سهلة و قطع غيار متوفرة

**asermohamed** · 16-06-2014 12:52 AM

السلام عليكم
انا حاجز العربية والمفترض اني قربت استلمها
وشوفتها اكثر من مرة وسالت اكثر من مالك ليها
العربية ممتازة مقارنة بسعرها ومواصفاتها والعربية معافاة من الجمارك يعني بتشتري عربية ب 101 الف والمفترض يكون سعرها بالجمارك مش اقل من 120 الف
زي ماقالك الاخوة نفس القديمة من حيث الموتور والفتيس يعني ضامن ان مفيش اي مشاكل لانة متجرب من فترة واثبت كفائتة
بخصوص العربية بوجة عام ممتازة مظهر واوبش وفيها شاشة نفيجيشن تححححححححححفة
بالتوفيق ان شاء الله

**hebo111** · 23-06-2014 11:48 AM

شكرا لاهتمامكوا و رددكوا جميعا .. بس انا عايزة اعرف هى ليه العربية مش موجوده عند اى حد و لا حتى عند الوكيل كل المعارض بتقولى بنسلم على طول .. هل فيها مشكلة معينة ؟ و ياترى اقدر اتفرج عليها عند مين ؟؟ ياريت لو حد يرد عليه بسرعة لو سمحتوا .. و شكرا مرة تانية

**kgayyar** · 23-06-2014 12:50 PM

المشاركة الأصلية كتبت بواسطة hebo111

شكرا لاهتمامكوا و رددكوا جميعا .. بس انا عايزة اعرف هى ليه العربية مش موجوده عند اى حد و لا حتى عند الوكيل كل المعارض بتقولى بنسلم على طول .. هل فيها مشكلة معينة ؟ و ياترى اقدر اتفرج عليها عند مين ؟؟ ياريت لو حد يرد عليه بسرعة لو سمحتوا .. و شكرا مرة تانية

موجودة عند محمد زكي و القصراوي و الله أعلم

**wmn** · 23-06-2014 01:51 PM

مش موجودة عند محمد زكي بالمناسبة، هو غالباً العربية مكانتش بتتباع بقوة ومع الشكل الجديد ابتدى يبقى فيه اقبال عالعربية وده مخليها مش موجودة كتير لأن التوكيل لسه مبيجيبهاش بأعداد كبيرة ... العربية نفسها هي هي نفس موتور اللوغان ومفيهاش حاجة تقلق، بالنسبة للفرجة يا تدوري وانتي وحظك على معرض تكون موجودة عنده واحدة جاية بالصدفة يا تشوفيها عن طريق الإنترنت ...
نصيحة أخيرة من تجربة، لو حتشتري متحجزيش مع أي معرض ولا موزع، احجزي من التوكيل، حيأخرك شوية بس مضمون أكتر وأرخص

**asermohamed** · 24-06-2014 08:00 AM

المشاركة الأصلية كتبت بواسطة hebo111

شكرا لاهتمامكوا و رددكوا جميعا .. بس انا عايزة اعرف هى ليه العربية مش موجوده عند اى حد و لا حتى عند الوكيل كل المعارض بتقولى بنسلم على طول .. هل فيها مشكلة معينة ؟ و ياترى اقدر اتفرج عليها عند مين ؟؟ ياريت لو حد يرد عليه بسرعة لو سمحتوا .. و شكرا مرة تانية

الموضوع بإختصار انة نزل من الاستيب واي عدد قليل جدا واتباع كلة وعليها الان ويتنج ليست كبيرة انا عن نفسي حاجزها من التوكيل من اول شهر خمسة ولسة مستلمتش لحد دلوقتي
للعلم العربية اكثر من رائعة وهي من نوع الكروس اوفر وفيها شاشة تاتش 7 بوصة ونفيجيشن وزي ما قالك الاخ اعلاة احجزي من التوكيل افضل ليكي هتسلمي خلال شهرين الي شهرين ونص بس مضمونة وهي سعرها 100900
بالتوفيق

**raklove** · 24-06-2014 08:20 AM

اها والله الافضل التوكيل
انا حاجزها بقالى شهر ولسه مش استلمت والظاهر انى هلغى الحجز
وبعدين سعرها فى المعارض 106 و 108 كمان

**asermohamed** · 25-06-2014 02:05 AM

المشاركة الأصلية كتبت بواسطة raklove

اها والله الافضل التوكيل
انا حاجزها بقالى شهر ولسه مش استلمت والظاهر انى هلغى الحجز
وبعدين سعرها فى المعارض 106 و 108 كمان

ازيك يا باشا عامل اية ؟ انت المعرض قالك هتسلم امتي لان فية فعلا دفعة دخلت مصر وعلي اول الشهر هتتوزع لوجان /سانديرو /ستيب واي فلو قالك شور علي اول الشهر يبقي هتستلم فعلا وعلي فكرة في احتمال كبير ان كل العربيات الي هتتسلم في اول الشهر الجاي تبقي موديل 2015 وهتغلي حاجة بسيطة