فايظ البنزين

**أبو يحيى** · 16-06-2014 12:48 AM

السلام عليكم
الأخوة الكرام أولا كل عام وأنتم بخير ( رمضان قرب )
ثانيا عندى مشكلة أرجو أن تفيدونى فيها ألا وهى ريحة البنزين الشديدة عند كل تفويلة
والنهاردة بس فولت التانك على أخره و قلت لنفسى أما أفتش فى الشنطة . رفعت الفرش الموكيت بتاعها
اتفاجئت ببركة بنزين تحت فرش الشنطة ولقيت خرطوم رفيع هو اللى جايب البنزين ده من التنك
فأنا مش عارف هل ده خرطوم فايظ عادى ولا ده موضوع محتاج علاج واذا سديت الخطوم ده غلط
( الخرطوم طوله نصف متر تقريبا يبتدى من أعلى التنك وينتهى أسفل فرش الشنطة )
السيارة لادا 2107 مو 2007 مصرى كاربراتير عادى ومتركب لها طرمبة بنزين كهربا وطرمبة بنزين العربية الأصلية ملغية
شكرا لكم وأسف على الاطالة

**hassanin_lada** · 16-06-2014 03:03 AM

بص انا مافتشتش في المنطقه دي بس لا طبعا كده غلط غالبا الفايظ عندك مخلوع من مكانه

لان دورة البنزين بتروح للكاربرتير والفايظ منه بيرجع تاني علي التانك يستخدم تاني

كده خطر وعندك اهدار للبنزين جامد ياريت تشوفها في اقرب وقت

**exact** · 16-06-2014 01:41 PM

الخرطوم ده اسمه فايض التبخير... ده لأن غالبا الغطا اللي عندك مفيهوش صمام ضغط.... وبيستعيضوا عنه بالخرطوم اللي عندك ده وبيبقى في اخره صمام بيفتخ يطلع بخر اما الضغط يعلا....والصمام ده واضح انه وقع من عندك فبقت بتعمل اللي بتقول عليه

**أبو يحيى** · 16-06-2014 10:23 PM

السلام عليكم
ممكن صورة لتانك البزين الخاص بللادا 2107 ( صورة من فوق ) وشرح كل جزء على حده
وألف شكر على الردود وجزاكم االله خيرا

**أبو يحيى** · 17-06-2014 01:56 AM

السلام عليكم
رحت للميكانيكى قالى اللادا مفيهاش راجع بنزين من الكاربراتير وده عادى هى تصميمها كدة وفعلا دورت بنفسى فلم أجد أى خرطوم بنزين غير اللى رايح من التنك عل الكاربراتير ومفيش خرطوم راجع من الكاربراتيرففعلا اتأكدت ان الماسورة الثانية اللى خارجة من التانك بتاعت فايض البنزين أو معادلت الضغط داخل التانك وقت شفط البنزين بواسطة طرمبة البنزين .
بس السؤال هنا هل يوجد صمام ولا حاجة مثله نهاية خرطوم الفايض ده ولا هو شغله كده ينطر البنزين الزيادة على الأرض كده وخلاص
أرجو من أصحاب اللادا الكرام لو يتعبوا شوية ويبصوا على خرطوم الفايظ ده ويقولوا لى نهايته فيها ايه
أرجوكم لا تبخلوا عليا فى الرد أرجوكم
لأنى بعتب عليكوا لأن المشاهدات كتيرجدا والرد محدش عايز يفيدنى الا القليل
شكرا لسيادتكم

**exact** · 17-06-2014 02:50 AM

اكيد فيه صمام... هو فالسوزوكي حاجة فوم كده ساده طرف الخرطوم

**abokoko** · 14-03-2017 09:12 PM

المشاركة الأصلية كتبت بواسطة exact

الخرطوم ده اسمه فايض التبخير... ده لأن غالبا الغطا اللي عندك مفيهوش صمام ضغط.... وبيستعيضوا عنه بالخرطوم اللي عندك ده وبيبقى في اخره صمام بيفتخ يطلع بخر اما الضغط يعلا....والصمام ده واضح انه وقع من عندك فبقت بتعمل اللي بتقول عليه

الصمام شكله ايه علشان اسال عليه و اشتريه؟؟