ابه أعلى سرعه جبتها بالسيريون

**zozza** · 20-10-2008 10:38 AM

1300 automatic
180 علي طريق شرم الشيخ و كان راكب معايا 3

**معاذ الشرباصى** · 21-10-2008 05:43 PM

اعلى سرعة كانت 180 كم/ساعة على طريق مارينا العلمين

و صراحة الموضوع مدايقنى انها ما جاتش اكتر من كده, خاصة ان ال Rpm كان تقريبا 4.5 او اقل حاجة بسيطة و هى على النقلة الرابعة, و مردتش تزود عن كده :(

العربية 1500 اتوماتيك

**Ahmed-Moustafa** · 21-10-2008 09:58 PM

السلام عليكم و رحمة الله

أنا أعلى حاجة جبتها بالعربية كانت 160 و فى الطرق العادية مش بترضى تجيب أعلى من كدا بس مرة واحدة على طريق العين السخنة جابت 170 بس كانت فى منزل محترم

عربيتى سيريون حمرا (قصدى 1300 إتوماتيك)

**Dr_Smart** · 23-10-2008 03:13 PM

1300 اوتوماتيك

ناس قالت ان اخرها 160 و 170 و 180 و 190

على اي اساس يبقى فيه فرق كبير اوي كده ؟؟؟؟؟

وكمان معاذ بيقول 1500 اوتوماتيك اخرها 180 ... ازاي بقى ال 1300 اوتوماتيك تجيب 180 و 190 ؟

انا مابكدبش حد بس مستغرب

**aliabutaleb** · 23-10-2008 03:22 PM

المشاركة الأصلية كتبت بواسطة alijandroo

140 مزودتش عن كدة

تصحيح
جابت 160 معايا من يومين وبرضة مجربتش أزود

**MoToRiZeR** · 23-10-2008 04:04 PM

المشاركة الأصلية كتبت بواسطة Dr_Smart

1300 اوتوماتيك

ناس قالت ان اخرها 160 و 170 و 180 و 190

على اي اساس يبقى فيه فرق كبير اوي كده ؟؟؟؟؟

وكمان معاذ بيقول 1500 اوتوماتيك اخرها 180 ... ازاي بقى ال 1300 اوتوماتيك تجيب 180 و 190 ؟

انا مابكدبش حد بس مستغرب

انا عن نفسي بقول أكتر حاجة جبتها 160 مش أكتر حاجة تجيبها العربية :)
العربية تجيب أكتر من كدة أكيد خاصة إن انا مكنتش بحرق الغيار لأخره .. يا راجل دنا واحد صاحبي جاب 190 بسبيرانزا 113

**عمرو عمارة** · 23-10-2008 04:22 PM

المشاركة الأصلية كتبت بواسطة Dr_Smart

1300 اوتوماتيك

ناس قالت ان اخرها 160 و 170 و 180 و 190

على اي اساس يبقى فيه فرق كبير اوي كده ؟؟؟؟؟

وكمان معاذ بيقول 1500 اوتوماتيك اخرها 180 ... ازاي بقى ال 1300 اوتوماتيك تجيب 180 و 190 ؟

انا مابكدبش حد بس مستغرب

في عوامل كتير في الموضوع ده يخلي الارقام مش متساوية منها:

- معظم العربيات جديدة ولسة ما فتحتش مواتيرهاا....أنا في أول خمس الاف كم ما كنتش عارف أجيب أكتر من 145كم/س ولما وصلت لـ8000كم قدرت أجيب 170 مستريح ولسة ممكن أسرع تاني

- بعض الملاك قالوا إنهم جابوا بيها 140 أو 150....ولكن خوفهم من السرعة ما خلاهمش يقرصوا أكتر من كدة

- طبيعة سواقة بعض الملاك هادية ( من ضمنهم زوجتي ) فده بيخلي المواتير مخنوقة شوية

**hitham_sh** · 23-10-2008 08:54 PM

اعتقد ان صانع العربيه بيبقى قافل ان السرعه تزيد عن 180 لان السياره مصممه انها تبقى ثابته لحد 180 اكتر من كده مش هتبقى ثابته على الطريق فهو مش من الامان ان سرعتها تزيد عن كده فهوا بيقفل حاجه في الكمبيوتر بتاع العربيه تخلي السرعه لاتزيد عن 180 علشان كده العربيه كانت جايبه معاك يا معاذ 180 سرعه بس الار بي ام مكانش جايب اخرو لان الموتور مقفول عند هذا الحد من السرعه يعني لما توصل سرعة العربيه عند 180 الكمبيوتر بيدي امر للموتر ان عدد لفاتو متزدش عن كده ومهما تدوس بنزين هتحس انك مش بتدوس اصلا والي جاب سرعه اعلى من كده بيبقى جايب ال 180 على طريق مستوي وبعدين يدخل على منزل فالعربيه سرعتها تزيد من غير ما عدد لفات الموتور تزيد هذا والله اعلم

**wael_adel31** · 04-11-2008 03:47 PM

المشاركة الأصلية كتبت بواسطة wael_adel31

190 وشوية سيريون 1300 أوتوماتيك طريق السخنة .
العربية دى فعلا التسارع بتاعها جميل جدا بالنسبة ل 1300 بس لما بعدى جنب عربية تانية بسرعة بحس ان العربية بتتهز جامد ( مش ثابتة أوى )
يمكن ده عشان أنا متعود ان راكب عربية كبيرة ومتجنطة ومتهبطة ( ثقيلة على الأرض يعنى )

أنا بأكد تانى العربية كسرت ال190 وهيا عاملة 5.200 كيلو ولما بجرى بيها على الدائرى بتجيب 170 بسهولة جدا .
ده حتى لما بديها 2 بتجيب لحد 120 والأر بى ام بيكون لسة مفصلش .
بس زى مقولت قبل كده ثباتها مش اللى هوا وربنا يسترها معاكم جميعا