دايهاتسو تيريوس مانيوال و لا اتوماتيك ؟؟ و لا اتوماتيك فول اوبشن؟؟

**wawamoha** · 14-10-2008 03:18 PM

السلام عليكم..
بفضل الله قررت اجيب عربيه . بس مش عارف انه احسن نيسان تيدا و لا تيريوس ؟؟ من حيث استهلاك البنزين و الصيانه و اسعار قطع الغيار و القيمه الل ي بتشيلها السياره ...... الخ
طب لو تيريوس ! محتار بين التلاته دول تيريوس عاده ميزه استهلاك اقل للبنزين و سحب اعلى .. العيوب مش اوتوماتيك ؟؟
و بين الدايهاتسو اوتوماتيك فاضيه .. و الفول اوبشن .. مش عارف فرق الفلوس يستاهل و للا لا ؟؟
كمان ايه ارخص مكن اشتري منه التيريوس المواصفات المصري ؟؟ و هو لو جبت الخليجي ها اطلع من الضمان ؟؟ طيب وده كويس و لا وحش ؟؟ مش فاهم
تقلت عليكم قوي .. بس انتم عارفين ان القرار صعب و جزاكم الله خيرا مقدما

**wawamoha** · 26-10-2008 04:12 AM

هو ما حدش رد عليا ليه ؟؟

**محمد عز** · 26-10-2008 12:09 PM

الحقيقة اكتر واحد ممكن يفيدك
هو انت
ايوا انت اللى تقدر تفيد نفسك

ازاى

بص ياسيدى

اختيار نوع سيارة (سيدان) او ( دفع رباعي)
يعتمد عليك انت

يعنى انا لو مكانك كنت هختار التيدا علشان
صالون واسع
العزل كويس
ناعمه
سيدان
تكييف قوى

طيب مكنتش هختار التيريوس ليه

كفخامه صالون (التيدا احسن)
العزل مش بنفس كفاءة التيدا
العفشه هتكون ناشفه

طب ايه مميزات التيريوس

كشكل من الخارج انا شايف ان التيريوس اشيك وافخم من التيدا
عاليه وتديك رؤيه واضحه على الطريق وفيه كلمة مكنتش عاوز اقولها بتديك هيبه

طيب ايه اللى ممكن يضايقنى فى التيدا
شكلها الخارجى مش حلو (اذواق)

بعد الكلام ده كله ممكن اكون ساعدتك شويا

نقطه اخيرة لو انت الكماليات قلت هتركبها بره
انصحك لا
عمر التركيب بره ما هيبقى زى الاصلى
فافضل حاجة هات الفول اوبشن وريح دماغك