انا سمعت من اكتر من شخص موضوع ان الجمعيه فلست و مش بتقبل تامينات و لا بتطلع شيكات تعويضات و انه تم احلال مجلس الاداره
عرض للطباعة
انا سمعت من اكتر من شخص موضوع ان الجمعيه فلست و مش بتقبل تامينات و لا بتطلع شيكات تعويضات و انه تم احلال مجلس الاداره
ايه مصدر الخبر
وبعديين ياريت عشان الناس تخرب بيتهم
واكيد هما تحت مظله شركه تاميين كبيره
ايوه من فضلك تتحقق من الخبر ده
يعنى ايه شركة فجأة تفلس ؟وفلوس الناس اللى متعاملين معاهم
محتاجين رد سريع من م/ احمد يقولنا مصدر كلامه
ياجماعة خضتونا
برجاء تأكيد صحة الخبر من عدمه
أنا كلمت الشركة العالمية دلوقتي و سألتهم قالوا لي ان الشركة واقفة التعاملات الجديدة لمدة 6 أشهر، انما التعويضات شغالة عادي.
شكرا لك ياعلا على الاستفسار الله يطمنك
بس الشركة العالمية دى الجمعية تابعة لها ولا ايه الموضوع
يارات يا جماعة تقولولى أة صحت الخبر دة
علشان أنا ليا فلوس عندهم بس لسة متصرفتش
يا جماعه انا مش بطلع اشاعات انا وصلتنى المعلومه من اكتر من شخص فا قلت يمكن حد عنده معلومه غير الى عندى و انا شخصيا اتمنى عدم صحه الخبر لان انا مأمن تبع الجمعيه ، مصادر الخبر كانت من اكتر من جهه امبارح واحد صاحبى قالى انه فى شركته اشتروا عربيات جديده و كانوا عاوزين يأمنوا عليها و عرفوا ان الشركه وقعت و هاتفلس و فى نفس اليوم واحد صاحبى كلمنى و قالى انقل التامين بتاع عربيتك من الجمعيه علشان لو لاقدر الله حصل حصل لعربيتك حاجه من هتاخد منهم حاجه ، و بالصدفه و انا قاعد فى كافيه واحد كان قاعد جنبنا سمعنا فدخل فى الحوار و حكالنا ان لسه عامل حادثه و ان مراكز الصيانه الى متعاقده مع الجمعيه رفضت انها تصلح له العربيه و قالوله نفس الكلام.
و اخيرا زميلى فى الشغل له شيك من الجمعيه كان المفروض ياخده من الجمعيه اليومين دول وفى الجمعيه قالوله ان الشيك بتاعه تم التوقيع عليه فعلا لكن هيئه الرقابه على التأمين قامت بأحلال مجلس الاداره و بالتالى لازم يصدروا شيك جديد.
يا جماعه ما انا قلت فى موضوع قبل كده الشركة اكتشف فى عمليه سرقه واختلاس من قبل احد اعضاء مجلس الادارة المنتدبين بمبلغ حوالى 140 مليون جنيه
انا اعرف ناس شغاله فى الشركة وقالولى ان الشركة وقفت التعاملات واى تعامل جديد بيحولوه لشركة المهندس للتأمين والمفروض التعويضات شغاله
اصحابى بيقولولى ان الشركة بتقع وناس شغاله بتسيب الشركة وهما عايزين يمشوا ناس والحوار ده
المعلومات اللي عندي متأكد منها تماما لأنها من إبن عمتي اللي شغال في الدلتا للتأمين مدير مالي لفرع مصر الجديدة.
المعلومات اللي إتقالت كلها في الموضوع صحيحة مليون في المية والشركة وقفت كل التعاملات الجديدة نهائيا.وفيه نصب كتير حصل عبارة عن إن العميل اللي عمل حادثة وعاين العربية وبعد التصليح بيطالب بفلوسة بيقولوله إن المعاينة قبل الحادثة متعملتش ومش موجودة في ملف تأمينه وبالتالي ملوش أي حق في صرف فاتورة التصليح.
ياجماعة مافيش معلومات مؤكده عن الموضوع من حد هنا او من العضو اللى معانا بيشتغل فى الشركة دى ....انا كمان لى شيك وعايزة اعرف هايتصرف ولا لا
الموضوع مهم بجد ياريت ماتبخلوش بمعلومة
يعني اتنصب علينا؟
وممكن نعمل ايه في الحاله دي
انا كمان المفروض ليا شيك هلاك كلي يطلع اليومين دول على حسب كلامهم ، انا سلمت العربية من اسبوع بالظبط، و قالولي الشيك بعد 10 ايام، مش فاهم بقى ايه اللي ممكن يحصل، ممكن يقولولي مالكش حاجة عندنا ولا ايه ، و بعدين هما فلسوا امتى بالظبط؟؟
ربنا يطمنك ويارب يسترها مع الجميع
يا جماعة انا سالت مافلستش ولا حاجة هما اكتشفوا ان ابن العضو المنتدب اسمه ماجد ميلاد ، لقوا ان في فلوس كتير في حسابه ملايين يعني ، ف الرقابة الادارية بتحقق في الموضوع و وقفوا توقيع ميلاد و عينوا واحد من هيئة الرقابة ع التأمين لحد ما المشكلة تتحل، و الموضوع ده من يوم الخميس اللي فات بقاله اسبوع ، و اللي سالته قاللي ان كده هيبقى احسن و الامور هتمشي اسرع م الاول، و هما الاسبوع اللي فات ده كانوا واقفين الاصدارات الجديدة ، بس
جرب الخبر دة
تصحيح الأوضاع في العزبة التعاونية للتأمين
http://www.akhbarelyom.org.eg/akhbar...3337/0500.html
الله يطمنك يا توت
انا رايح لهم كمان يومين , ربنا يستر
يارت الناس تشوف اللينك ده علشان تفهم الحياه فيها ايه
اقتباس:
جرب الخبر دة
تصحيح الأوضاع في العزبة التعاونية للتأمين
http://www.akhbarelyom.org.eg/akhbar...3337/0500.html
ma7na kona 3ayzeen nesala7 el 3arabeya w alolna mesh hayedfa3o 7aga now 3shan el borsa wa23a ai kalam howa el wa7ed el mafrood ye3mel eih
هما واقفين الشيكات كمان و بيقولوا قدامهم لحد الاسبوع الجاى
انا لسه مارحتش لظروف خاصة و يمكن اروح خلال يومين ان شاء الله
بس لى اخ تعامل معاهم بس صلح فى مركز تابع لهم فى الازاريطه بعد ان رفضو الاصلاح فى التوكيل , بس طلعو عينه فى استلام ورقة من الشركة للسماح له باستلام السيارة من المركز بعد الانتهاء , وحاولو يدفعوه مبلغ 400 ج ( الاصلاح تكلف 3000 ج فى شوية سمكرة و دوكو) وفاصل معاهم ودفع 200 ج فقط بعد زعيق ورزالة
انا رحت لهم النهارده و عملت بلاغ حادث وطلبت الاصلاح فى التوكيل و الموضوع تم بسهولة و بساطة ( طبعا ) قالو لى ان استلام الشيك بياخد شهرين نظرا لظروف تغيير بعض اعضاء مجلس الادارة
وانا نازل من عندهم لم اجد السيارة مكانها ( كانت واقفة غلط ) اتارى الونش شالها !! رحت خدتها من مكتب مرور التحرير ووجدتها مخبوطة من الامام والاكصدام الامامى مخلوع والكبوت مش بيفتح نتيجة للسحب بالونش صراحة اتنرفزت على الضابط و سيادته قاللى هى كانت كده تلاقى حد خبطهالك !!
رحت التوكيل لتسليم السيارة للاصلاح قاللى لازم تضيف الاشياء الجديدة فى بلاغ الحادث , رجعت الشركة و بلغتهم باللى حصل وببساطه سمحو لى بتعديل البلاغ القديم و اضافة ما استجد و رحت التوكيل وسلمته بلاغ الحادث بعد التعديل
وفى انتظار مرور الخبير للمعاينه بالتوكيل
استاذ ممدوح انساه، مابيردش ع الموبيل و لو قابلته يقولك انك ماتصلتش بيه، يعني ممكن يكون عندك تيهيآت ولا حاجة، بس ده العادي في الجمعية يعني
قصدي تهيؤات
ايوه فعلا هوه بس الحمد لله ربنا يعيننا ومانحتاجش لأى حد فى صرف التعويضات
بالرغم ان الاكصدام عندى متبهدل الا ان مهندس المعاينة رفض اصلاحه فى التوكيل وقال ممكن يتعمل فى اى مركز من التابع للجمعية مع انه عارف زى ما كل الناس عارفة ان الاكصدام الفيبر اصلاحه زى قلته ومابيرجعش زى الاول ولازم يتغير حسب كلام التوكيل
اهه نبقى نغيره بعدين على حسابنا وخلاص وحسبى الله
وانا المهندس اللي بيعاين برضة رفض يعمل نقرة في الكبوت كانت مع الحادثة وغير الاكصدام بس !! الكلام دا في التوكيل وانا حسيت ان اللي بيروح التوكيل بيبقوا قاصدين يطلعوا عينه عشان الخبير اللي بيعاين (هو قاللي انا خبير ماسك شغل الجمعية) المهم قاللي انت جاي لأكتر واحد بيدبح في الفلوس :no4:
المهم سلمتهم الشيك وقالولي شهر واسأل ولا حد مضى أو ختم على صورة الفاتورة انهم استلموها ولا اي حاجة كدة خالص يعني لو رجعت وقالولي مالكشي حاجة عندنا مش هاقدر اعمل اي حاجة
حتي لو افلست في جمعيه في مصر هي الي بتصرف بدل منها
حسب كلام الموظفين بالجمعية ان الجمعة لم تفلس بس فيه تغيير فى مجلس الادارة ودة بيعطل توقيع شيكات التعويضات
وطبعا الهيئة العامة للتأمين تضمن التعويضات لأى شركة تأمين
اعزائى احترسوا من شرط جديد للتامين التكميلى في معظم الشركات و هو دفع 10% من مصاريف الاصلاح عند الوكيل او مراكز الخدمة المعتمدة وده للعربيا ت الجديدة موديلات حديثة اقل من خمس سنوات ويمكن حذف هذا الشرط مقابل دفع 25% من قيمة قسط التأمين