فكرة عجيبة لتيل الفرامل

**Dr\Mohamed** · 16-06-2014 07:03 PM

اقترح عليا العفشجي إللي بروحله فكرة غريبة جدا لما لقا التيل أقرب يخلص قاللي أجيب أي تيل خامته كويسة بتاع أي ماركة وهو هيحطه على تيل البرسونا وبالصاروخ هيخليه نفس الحجم وبكده يكون عندنا خامة تيل ممتازة وأداء كويس وعمر أطول وكمان سعر معقول

مش عارف إيه رأيكم في الفكرة دي هل حد عملها أو يعرف حد عمل كده؟ أصل أنا محتار من ناحية العفشجي ده ممتاز في شغله وكمان تقريبا دارس الكلام ده ومن ناحية تانية دايما بقول أنا مش أزكى واحد ما كان إللي قبلي عمل كده

إيه رأيكم؟؟؟؟؟؟

**bestlove2** · 16-06-2014 07:06 PM

والله نفس الفكرة خطرت على بالى من كام يوم ياريت تنفع وتبقى عمليه

**atala** · 16-06-2014 07:45 PM

بصراحة مش عارف بس الفرق بين تيل وتيل مش الحجم بس شكل التيل ومكان تركيبه ( نقاط التركيب) بيختلف من عربية لعربية

**Omar Mahmoud** · 16-06-2014 08:01 PM

بصراحة هي فكرة جامدة بس المشكلة إن في بعض المناطق في التيل ممكن تخليه ميركبش لانها بتكون مختلفة عن بعض

**Dr__Ahmed** · 16-06-2014 08:51 PM

لو متعود على الحركه دى
الراجل ده هيموت من كمية الأسبيستوس اللى بيدخل جسمه من قطع التيل بالصاروخ

**eng.m7md.ali** · 16-06-2014 09:29 PM

اغلب انواع الاتيال الجديدة صديقة للبيئة "مفيهاش سبيسيتوس "

التجربة هتبقى ممتازة بس هل فعلاً هيقدر يشكله زي شكل تيل الجين2؟

لان للاسف اي غلطة في التشكيل هتضر الديسكات

**Abo_Mazen** · 16-06-2014 09:39 PM

بيعملوها في العربيات اللي قطع غيارها نادره...كنت أعرف واحد عند عربيه جيلي..كانت سيدان..بس مش عارف جيلي إيه ..بس هي كانت موديل 2007...وكان عايز يغير تيل..ويقلب السوق في سلقط في ملقط مفيش..في الآخر راح جاب تيل الياريس .وراح المخرطه قيفه وركبه ومشي معاه زي الحلاوه

**ahmedamgad18** · 16-06-2014 10:46 PM

بس بيثبت التيل الجديد على القديم بأه ؟؟ ببرشام ؟؟

**thebilott** · 18-06-2014 04:33 PM

ياعم ولا تتعب نفسك روح هات تيل فرامل ماليزي اصلي زي اللي في التوكيل من شارع احمد عبد العزيز في المعادي من عند واحد اسمه الامير انا جبته بعد دوخه علي التيل وشغال كويس ب 225

**Dr\Mohamed** · 18-06-2014 10:30 PM

المشاركة الأصلية كتبت بواسطة eng f3lix

اغلب انواع الاتيال الجديدة صديقة للبيئة "مفيهاش سبيسيتوس "

التجربة هتبقى ممتازة بس هل فعلاً هيقدر يشكله زي شكل تيل الجين2؟

لان للاسف اي غلطة في التشكيل هتضر الديسكات

أولا الحمد لله على سلامة حضرتك وربنا يعوض عليك إن شاء في حاجة تانية ...... أنا زعلت جدا لما شفت العربية

ممكن أعرف هي الديسكات دي هيا إللي بتمسك التيل؟