الجين ان 2 ومواصفاتها و عيوبها

**zeko1915** · 18-09-2014 09:27 AM

يا جماعه ايه مشكله العربيه ديه لو سمحت عشان الواحد بيفكر فيها وخايف من موضوع انها ماليزى ومتسحملش السفر ولا تكون حماله قسيه

فعايز رأى الناس فى الججات ديه معلش هتعبكم معايا
1- قطع الغيار موجوده ولا لأ وهل اغلى فعلا من الكورى ؟
2-فى حد بيشتغل فيها ولا لأ عشان بيقولوا مفيش حد بيشتغل فيها وكمان قريت موضوع عن واحد اسموه صفا حسيت ان الورشه عزبت ابوه ومفيش اهتمام بالعملاء
3-استهلاك البنزين
4- العربيه مشكلها كتير ولا فين وفين لام بتشتكى

انا من النوع الى بسافر كتير وعايز عربيه عمليه وتكون الحجات الى ذكرتها فوق ديه فيها كويسه
وكنت محتار بين ديه وبين النسان صنى الشكل القديم بس لما ركبت النيسان حستها ضيقه اوى ومش مريحه كده وبيقولوا بتاكل بنزين كمان فمش عارف تنصحونى بأيه ؟

**zeko1915** · 18-09-2014 09:28 AM

انا ساكن فى القاهره بس بسافر كتير

وبالنسبه للتوكيل بتعها زى التوكلات النصابه ولا ناس محترمه ؟

**ENG.MaRk** · 18-09-2014 10:34 AM

العربية شبابي جدا و سحب و ثبات جامدين و لكن العفشة زبالة علي الطريق عشان سبور ... لو هتسافر بيها كتير هتلاقي ضهرك مقطوم لأنك هتحس بكل تكة في الطريق عشان العفشة سبور ... التقفيل أكتر ممن زبالة و هتلاقي أصوات غريبة طالعة من التابلوه ... العربية مشاكلها مش كتير و بسيطة جدا و لكن لو وديتها التوكيل مش هتتحل و خصوصا لو ليها علاقة بالكهرباء ... محدش خالص بيشتغل في العربية غير كام واحد و مش خبراء كمان ... بصراحة عشان متحسش إني متحامل علي العربية ... أنا بحب أسوقها جدا و لكن عمري ما هشتريها ... النيسان فعلا جميلة و عفشة مريحة أكتر علي الطريق و لا يعيبها غير إن سحبها للبنزين عالي شوية ... لو مش عايز نيسان يبقي أوبترا الشكل القديم ... سحب و ثبات و تكييف ممتاز و وسع و لكن بلا وسائل أمان و لكن في فئة جديدة نازلة ب 122000 و رهيبة بصراحة فيها abs , ebd , 2 airbags يعني سحب و ثبات و كماليات و أمان

**zeko1915** · 18-09-2014 11:19 AM

المشاركة الأصلية كتبت بواسطة eng.mark

العربية شبابي جدا و سحب و ثبات جامدين و لكن العفشة زبالة علي الطريق عشان سبور ... لو هتسافر بيها كتير هتلاقي ضهرك مقطوم لأنك هتحس بكل تكة في الطريق عشان العفشة سبور ... التقفيل أكتر ممن زبالة و هتلاقي أصوات غريبة طالعة من التابلوه ... العربية مشاكلها مش كتير و بسيطة جدا و لكن لو وديتها التوكيل مش هتتحل و خصوصا لو ليها علاقة بالكهرباء ... محدش خالص بيشتغل في العربية غير كام واحد و مش خبراء كمان ... بصراحة عشان متحسش إني متحامل علي العربية ... أنا بحب أسوقها جدا و لكن عمري ما هشتريها ... النيسان فعلا جميلة و عفشة مريحة أكتر علي الطريق و لا يعيبها غير إن سحبها للبنزين عالي شوية ... لو مش عايز نيسان يبقي أوبترا الشكل القديم ... سحب و ثبات و تكييف ممتاز و وسع و لكن بلا وسائل أمان و لكن في فئة جديدة نازلة ب 122000 و رهيبة بصراحة فيها abs , ebd , 2 airbags يعني سحب و ثبات و كماليات و أمان

طب ايه رأيك فى بيجو 301؟

**Omar Mahmoud** · 18-09-2014 02:17 PM

http://www.nilemotors.net/Nile/163312-a.html
http://www.nilemotors.net/Nile/103347-a.html
مبدأيا الكوري قطع غياره ضربت جامد و هي مش هتكون اغلي من الكوري و ده لو حصل هيكون في التوكيل و انت عارف توكيلات مصر كلها زبالة
من ناحية انها حمالة قسية العربية دي بتشتغل تاكسي في استراليا و ماليزبا طبعا و شوية دول في اسيا غير إن بروتون عربياتها بتتباع في إنجلترا و هناك الشرطة بتستخدم بروتون جنب فوكسهول(وبل) و فولفو
التوكيل انا نفسي افهم ليه في ناس مجربتش بتقول رأيها عن نفسي انا شايف التوكيل ده احسن من منصور شيفروليه و اوبل في كل حاجة مفيش مقارنة انت بتقارن ورشة ميكانيكي حمار بحاجة محترمة عن تجربة إنما عز العرب جنب توكيل زي رينو هيبقي وحش شوية..قطع الغيار معمرة ممكن الحاجة اللي مش بتعمر هي التيل،التيل الاصلي خلص في 20000 سواقة بسرعة واستخدام فرامل كتير و العربية اوتو و الفتيس بيفضل علي D في الزحمة
إستهلاك البنزين عالي حاجة بسيطة عن العربيات التانية لو اوتو علشان التنك مش كبير اوي
العربية دي كموتور نفس تقسيمة البومة و اللي اكدلي كدة كنت بغير زيت في توتال اللي بيغير قاللي البروتون موتورها يركبلوا حاجات اللانسر بومة
نيجي للتقفيل التقفيل في موديلات 2006-2007-2008 كان وحش بس ده من ناحية الكماليات و في 2009-2010-2011-2012 اتحسن بنسبة كبيرة اوي و انا عن نفسي كل المشاكل الموجودة هي صوت تزييق خفيف و التكييف شغال لو نزلت في حفر غير كدة مفيش و موديلات 2014 استلمت بيرسونا في 2014 لناس مع ناس اعرفهم و الناس اللي استلموا في 2014 تقريبا مشاكل التقفيل بقت قليلة يعني حاجات عادي و مشاكل التقفيل كلها بتتحل في اول صيانة و نفس الصوت التزييق موجود في الاوبل و ملوش حل
العفشة هي مش بالنشوفية اللي متخيلها يعني تقريبا في نفس مستوي الفيكترا و سافرت بيها كتير و مشيت بيها في مكان اسمه الثورة الخضراء المكان ده في مدقات غبية كنت بمشي فيها علي 40 كيلو و اكتر شوية و عادي مش حاجة جامدة

**eng.m7md.ali** · 19-09-2014 03:08 AM

المشاركة الأصلية كتبت بواسطة ENG.MaRk

العربية شبابي جدا و سحب و ثبات جامدين و لكن العفشة زبالة علي الطريق عشان سبور ... لو هتسافر بيها كتير هتلاقي ضهرك مقطوم لأنك هتحس بكل تكة في الطريق عشان العفشة سبور ... التقفيل أكتر ممن زبالة و هتلاقي أصوات غريبة طالعة من التابلوه ... العربية مشاكلها مش كتير و بسيطة جدا و لكن لو وديتها التوكيل مش هتتحل و خصوصا لو ليها علاقة بالكهرباء ... محدش خالص بيشتغل في العربية غير كام واحد و مش خبراء كمان ... بصراحة عشان متحسش إني متحامل علي العربية ... أنا بحب أسوقها جدا و لكن عمري ما هشتريها ... النيسان فعلا جميلة و عفشة مريحة أكتر علي الطريق و لا يعيبها غير إن سحبها للبنزين عالي شوية ... لو مش عايز نيسان يبقي أوبترا الشكل القديم ... سحب و ثبات و تكييف ممتاز و وسع و لكن بلا وسائل أمان و لكن في فئة جديدة نازلة ب 122000 و رهيبة بصراحة فيها abs , ebd , 2 airbags يعني سحب و ثبات و كماليات و أمان

متأكد انك ركبتها او تعرفها اصلاً؟

اصل بصراحة كلمة زبالة اللي بتتقال عالعفشة دي كبيرة اوي وكمان كلمة تقفيل زبالة دي اكيد مش هتبقى ازبل من النيو صني او الصني القديمة

ما علينا

الاوبترا مفيهاش غير ايرباج .. مفيهاش abs ولا ebd

**mrwanakl** · 19-09-2014 04:27 PM

يا ريت يا جماعة يكون اللى بيتكلم لإما معاه العربية أو ركبها و باعها علشان ما يضلش العضو اللى بيسأل

**MOODEE_848** · 20-09-2014 03:43 AM

متابع

**Sameyes** · 22-09-2014 12:47 PM

أنا زي حضرتك كده بالظبط بفكر فيها بشدة أو اكاد اكون مبفكرش في غيرها أساساً ليه:
١- أنا ساكن في حلوان وكل شوارع حلوان زي الزفت ويمكن أكتر فمحتاج عفشة ناشفة تستحمل الزفت.
٢- وعلشان الشوارع زفت وعلشان كل مشاويري على الاوتوستراد فمحتاج ماتور ١٦٠٠ ويكون قوي علشان تكسير الشوارع بيحمل على الماتور، ولو في تكييف كمان هيكون الحمل أكبر ،غير إني على الاوتوستراد محتاج حاجة سحبها كويس علشان أعرف أفك من الزحمة في المطالع وسط النقل (على فكرة مبقاش في جري كتير على الاوتوستراد وأنا مش بحب الجري أساساً) بس أنا قصدي يكون الماتور يسعفك وقت الزنقة ميكنش بطة.
٣- أنا عندي اسرة فمحتاج وسائل آمان زي الفرامل (abs - ebd) وآير باج وثبات على الطريق.
٤- السعر ثم السعر ملقتش عربية فيها كل الكماليات دي بالسعر ده غير اللوجان بس العفشة مختلفة والماتور مختلف.
على العموم خلينا نسمع آراء أكتر وربنا يسهل.

**amrmahamad** · 22-09-2014 04:53 PM

بصي انا معايا جين تو2010 اتومتاتيك
وموش عاوز اقولك اني اتعلمت فيها
هيه كمتانة رائعه
ثبات مفيش اجمل من كده
شكل ميتقارنشي شبابي قوي
لكن بصراحه
بنزين عالي جدا استهلاكه واللي يقولك غير كده يبقي بيضللك
قطع غيار الاصليه اسعارها نار نار نار وموش في كل حته
اعادة البيع صعب
التوكيل عز العرب معاملة عاديىة بس لو حتغير حاجه في الضمان حتقعد علي الاقل 3 اشهر
عصام وصفا معاملنهم فوق الوصف بسي فيه اشتغالات يعني يعملك خصم كبير وهو اساسا مظبطك اسعار قطع غيار وكمان مصنعيه مقدرشي اقارنلك التوكيل او عصام وصفا باي توكيل تاني علشان انا متعاملتش غير مع دول
بصراتحة رايي النيسان افضل