حسام بيه
ممكن تمور العربية و انت على سرعة 40 ( السرعة اللى بيحصل فيها النتشه) و تشوف هتفضل النتشه موجودة و لا لأ
من فضلك جرب و قولى
تحياتى
عرض للطباعة
نصيحتي ليك تجرب الأول تفول تفويلة 95 و تشوف...
لو النتشة راحت يبقى الموضوع له علاقة بالبنزين أو دورته.
لو لسه موجودة جرب برضه الحل بتاع المهندس هاني أنك تمور على السرعة اللى بتحصل عليها المشكلة.
و فى كل الأحوال أعمل زي ما المهندس هاني قالك..........أطلب تقابل مدير خدمة ما بعد البيع أو مدير الصيانة و المفروض أنهم هيهتموا بالمشكلة.
لو كل ده موصلكش لحاجة........أدخل على اللينك ده و أعمل شكوى
Renault.com - Contact
لو حوار موتور سهل كمبيوتر التوكيل يطلع العيب
زى misfiring او حاجة فى الانجيكشن او حرق مش مظبوط فى بستم معين
اما لو لا قدر الله عيب ميكانيكى فى ال CVT مش هيطلع ERROR CODE
علشان كده عايز اتأكد ان العيب مش من الفتيس او حاجة
الموتور ده راكب فى كذا عربية : تيدا و فرسا و قشقاى و جوك و غيرهم كتير و شغال بنزين 92 زى الحلاوة
التانك مكتوب عليه 91 و انت طالع و ده كلام شركة رينو مش فتى من التوكيل
انا عامل فوق ال 7000 كم مع بنزين 92 و مفيش رمشة فى المكنة
لو موضوع بنزين ميظهرش عند سرعة واحدة زى 40 و كمان يبقى واضح جداً و انت ممور العربية و الموتور على اقل rpm
تحياتى
اللي عنده المشكلة دي فعلا في العربية كلهم يكلموا حماية المستهلك ... هتلاقوا اهتمام عجيب من التوكيل خاصة لو كانت الشكوي كتير وهيشكلوا لجنة للفحص والتوكيل هتلاقوه اختلف 180 درجة في المعاملة
جربوا مش هتخسروا
اللى اعرفه فنيا انه العربيات دى المفروض 95 لانه نسبة الانضغاط للموتور اكتر من 10 و ده يستخدم بنزين 95 و سيبك من كلام التوكيلات انها بتشتغل 92 ده علشان يريحونا و بتظهر مشاكل بعد كده مع الاستخدام و لو تفتكر عربيات فولكس فاجن الجيتا و الباسات الموديلات الاولى لها كان لازم 95 و بعد كده قال لك تمشى 92 بعد ما عدلوا طرمبات البنزين انها تقبل 92 لكن الموتور طبعا زى ما هو . جرب مش هاتخسر حاجه و دى اسهل تجربه و لو فعلا 95 هو السبب مش هايظهر حاجه على كمبيوتر الاعطال فى التوكيل و الرجه و النتشه دى ظهرت فى الاسترا و كان حلها 95 . خلينا نشوف