الموضوع: ياجماعة من الأخر كدة استخدم زادو ولا لأ ؟؟؟

المشاركة الأصلية كتبت بواسطة the lawyer

بصراحة يااستاذ كريم مستغرب جدا من ردك .. معني كلامك ان اي منتج للزيت يقدر يكتب علي العبوة انه معتمد من api وهو مش معتمد يعني لو. ثبت ان زادو او ولف او ولفر غير معتمد من apiوهو كاتب انه معتمد يبقي دا غش وتدليس وخصوصا ان فيه احد الاعضاء كتب انه بحث عن ولفر واتبين انه غير مسجل علي api

لا الله يكرمك متقولنيش كلام مقولتوش
اقرا ردي تاني
بقولك شهادة ال api دي شهادة تقدر تحصل عليها لو منتجك مطابق للمواصفات اللي بيقرها
لكن مش معني ان زيت مش واخد الزيت ده انه مش كويس
ولو كتب انه معتمد وهو مش معتمد يبقي غش وتدليس الا لو خد اعتماد سنة واتنين ومجددش يبقي لازم يكتب انه خد اعتماد لكن الشهادة انتهت صلاحيتها

المشاركة الأصلية كتبت بواسطة ameros

كريم بك اللي بيحدد معايير الجوده هوه المعهد الامريكي مش مصنعي السيارات ثم ان فولكس ومرسيدس وبي ام مش معيار جوده لان في انواع تانيه زي الاودي والبورشيه والرولز وقورد واوبل وفولفو ولو الدنيا اتسابت لكل مصنع يعتمد زيت معين قد يمون بينه وبين شركة انتاج الزيوت اتفاق ضمني فاعتق بالطريقه دي السوق اقتصاديا سينهار ويبقي السؤال المهم ازاي ولفر غير معتمد زي موبل وشل وكلاتكس واسو فين معيار الجوده اللي بيتحدد اصلا لصانع السيارات يعني مثلا منصور فالضمان بيغير موبل وان لكل عربياته بما فيهم الانسيجنيا ودا اللي حصل معايه ولما اقترحت عليهم نوع تاني مرفضوش بس قالولي ان الزيت دا معتمد من جي ام وريكومندد

حسب كلام الوكيل ورد وولفر المانيا وليس مصر انهم ملتزمين بعقد توريد مع الجيش الالماني حتي اخر العام يمنعهم من حاجات كتير جدا من ضمنها عدم التسجيل في API والبيع اونلاين في اوروبا وحاجات تانية كتير مش عارف تفاصيلها لان الرد كان مقتضب جدا زي عادة الالمان وانا واخد علي كدة من شغلي معاهم كمشتريات اجنبية
الزيت واخد موافقات كبار مصنعي السيارات في العالم من جينرال موتورز وفورد ومرسيس ومان وفولكس وغيرهم كتير
وفعلا مرسيدس وبي ام مش كل حاجة لكن ال 3 شركات دول + جينرال موتورز بيطلبو مواصفات معينة غير مواصفات اي شركة تانية ولو شركة زيوت تعبانة متعرفش تغطي مواصفاتهم خاصة BM لانها مش بتنزل لزوجة زيت لكن بتطلب مواصفة زي LL-01 and LL-04 وغيرهم ودول جواهم تفاصيل خاصة للزيت
لان مواتير بي ام فعلا مواتير حامية ومش عارف تعرف المعلومة دي ولا لاء في عربيات بي ام زيروووو بتاكل زيت
ايوة فعلا الزيت فيها بينقص
ولما شركة بتعدي الاختبار ده بتكون عدت 90 % من متطلبات بقية مصانع السيارات في العالم
وانا مش هايفرق معايا وولفر من زادو من شيل
عشان تبقي عارف بس ودي حاجة بقولها قدام الناس كلها
مكسب موزع الزيت من عبوة الزيت ميستاهلش ابدا ان الواحد يضيع سمعته عشان لا هو ولا اكتر منه بكتير لانه مكسب اقل ما يقال عليه انه هايف
ومش هاضحي بموتور واحد من الاعضاء انه يعمل مشكلة واكون انا السبب فيها عشان خاطر غيري يكسب

يا ريت تكون الصورة كاملة وصلت لك والكلام ده عارفة وكيل وولفر لاني قولتلهم يوم ما يكون الزيت ده سيئ هاكون اسوء دعاية ليكم ومش هاخليكم تبيعو عبوة واحدة علي الانترنت
لان مصلحة الاعضاء هي الاهم والابقي عندي
وقد كان والزيت طلع اكثر من محترم ومفيش عضو واحد اشتكي منه لغاية دلوقتي