عيوب و مشاكل التقفيل في الآنوس 2088 !

**محمود نجيب** · 14-10-2008 04:52 PM

قرأنا أكثر من مرة علي صفحات المنتدي أن أكثر ما يعيب السيارة الآنوس 2007 و 2008 هو التقفيل الذي لم يعد متقنا مثل الموديلات الأقدم من نفس السيارة و أن الشركة كل ما يهمها هو بـيع المخزون من الآنوس لتبدأ مرحلة جديدة مع سيارات شيفورلية .

فما هي عيوب التقفيل الذي يشار اليها من الذين ركبوا الموديلات الحديثة خصوصا 2007 و 2008 ؟

و هل تستحق أن نغير رأينا بخصوص شراء و إقـتــناء السيارة حتي و إن كنا من المعجبين بهذه السيارة السهلة الصيانة ، والرخيصة في أسعار قطع الغيار ، و الجيدة عند اعادة البيع ، والتي تصلح لمتوسطي الدخل ؟

بإختصار ما هو المقصود بعيوب التـقـفـيل ؟ وهل هي موجودة فعلا في الآنوس 2008 ؟

**shanodaa** · 14-10-2008 11:53 PM

انا مستلم لانوس في شهر مايو
السياره لانوس كامله
الثبات ممتاز جدا
التقفيل اكثر من ممتاز
كهرباء السياره عندي مشكله في علبه الفييوز تقريبا كل الفيوز بتسخن جامد لان الجز البلاستيك في الفيوز شبه سايح وبتعطل عنده الفيوجات
الفرامل ميه ميه بس في رجرجه بسيطه سئلت فيها قالو من الطانبيير
السياره عامله 9000 كيلو
غير كده انا بستخدمها استخدام قاسي وبتستحمل
نوع الوقود بنزيين 80 بعد تليين السياره علي 2500 كيلو علي بنزيين 92
يعني 7000 كيلو مع بنزيين 80 بلا مشاكل
السياره ممتازه في العزل وصوت الماتور مش مسموع في الداخل
وطبعا النور بتاع السياره العالي تحس انه ضعيف مش قوي
التكييف ممتاز
استهلاك البنزيين 280 كيلو علي السريع
250 كيلو كوكتيل
داخل البلد اكثر من 200 كيلو

**kero25** · 15-10-2008 06:28 PM

انا معايا لانوس 2 كاملة موديل 2000 بس ركبيت مين يومين معى واحد صحبى لسة جايب موديل 2008 هاف اوبشن لا بجد حسيت انة فى فرق فى تقفيل العربية ونوعيية البلاستيك المستخدم فى تقفيل العربية خاصة بتاع الباب حسيت انة اقل
ويمكن يكون زى بتاع الفرنا وطبعا مش اد كدا
حسيت ان الحمد لله بتاع ال2000 احسن واقوى منة
ويمكن اكون متحيز لعربيتى بردة مش عارف

**محمود نجيب** · 19-10-2008 01:56 PM

أين بقية الأعضاء الذين اقتنوا لآنوس جديدة ؟
نحن بحاجة الي مشاركاتكم فلا تبخلوا علينا بكتابة بعض الأحرف علي لوحة المفاتيح .

و الموقع لتبادل الخبرات و ليس للحصول عليها فقط !

و بقدر ما تفيد غيرك سيوفقك الله الي معلومات تنفعك يوما ما ....

**badblood** · 19-10-2008 02:51 PM

المشاركة الأصلية كتبت بواسطة shanodaa

انا مستلم لانوس في شهر مايو
السياره لانوس كامله
الثبات ممتاز جدا
التقفيل اكثر من ممتاز
كهرباء السياره عندي مشكله في علبه الفييوز تقريبا كل الفيوز بتسخن جامد لان الجز البلاستيك في الفيوز شبه سايح وبتعطل عنده الفيوجات
الفرامل ميه ميه بس في رجرجه بسيطه سئلت فيها قالو من الطانبيير
السياره عامله 9000 كيلو
غير كده انا بستخدمها استخدام قاسي وبتستحمل
نوع الوقود بنزيين 80 بعد تليين السياره علي 2500 كيلو علي بنزيين 92
يعني 7000 كيلو مع بنزيين 80 بلا مشاكل
السياره ممتازه في العزل وصوت الماتور مش مسموع في الداخل
وطبعا النور بتاع السياره العالي تحس انه ضعيف مش قوي
التكييف ممتاز
استهلاك البنزيين 280 كيلو علي السريع
250 كيلو كوكتيل
داخل البلد اكثر من 200 كيلو

موضوع الفيوز ده منتشر لان الفيوز مش كويس حاول تدور على فيوزات كويسه وبلاش العلبة ام 2 جنية

**badblood** · 19-10-2008 02:52 PM

واكيد التقفيل مش زي برة خاااااااااالص

**moso** · 21-10-2008 01:00 AM

استلمت فى سبتمبر لانوس كاملة زى الفل ماعدا تقفيل الأرضية و لما رحت التوكيل ظبطوهاوبقى التقفيل تمام

**SamerBassiouny** · 21-10-2008 09:22 AM

فعلا تقفيل مو 2008 مش تمام خصوصا منطقه ما تحت عجله القياده

الفيبر فيها ضعيف و كمان مش ماسك كويس

بس على فكره دى كلها مشاكل ثانويه مع الحفاظ عليها سوف لا تظهر إن شاء الله

**amirhamed** · 23-10-2008 07:38 PM

العربيه حلوة ومشاكلها عاديه زي مشاكل اي عربيه تجميع محلي.

**menabigboss** · 25-10-2008 01:51 PM

معي لانوس 2007 ......
اللي خلاني هاغيرها ..
1-.ان العربية فعلا خفيفة بعد 110كم/س(بالرغم ان العربية فبريكة ومظبوطة جدا من ناحية الزوايا و الكاوتش وكلة بحالة المصنع)، وممكن تعـــوم لاقدر الله في حالة اي فرامل مفاجئة.......ومفيهاش ABS وما اجمل ال ABS
2-كما ان الصالون ضيق بالنسبة لاسرتي...
3- وصوت الموتور وانت فاتح الشباك يعتبر علي بالنسبة للانوس موديلات ما قبل
2002
4-الباور تقيل مقارنة بالنوبيرا...
5- النور العالي لا يكشف الطريق كما هو متوقع منة والواطي احسن منة.
6-العربية مش فخمة من الداخل مقارنة بالفيات سيينا ويمكن الاسبرانزا>,والرينو كليو..
المميزات:
1- استهلاك بنزين اكثر من رائع
2- عملية
3- شكل ظريف
4- قطع غيار متوفرة ورخيصة
5- Re-sell العربية جيد وعليها اقبال في السوق.