الموضوع: مشكله فى عداد كهرباء الشقه وفواتير غاليه والعداد بايظ اعمل ايه يا شباب

المشاركة الأصلية كتبت بواسطة مسعود باسم

تسمحلي افيد حضرتك انا محاسب بشركة شمال القاهرة لتوزيع الكهرباء
1- التوجة الي فرع الكهرباء
2- تقديم طلب فحص للعداد
3- في حالة طلب سداد الدفعات المعطلة تقدم للسيد المحاسب مدير عام الفرع وطلب دفع متوسط عن استهلاكاتك السابقة عن كل شهر لم يتم سدادة حتي يتم قبول طلب القحص منك

جزاك الله كل خير يا باشا ربنا يباركلك

قلبي عندك يا احمد باشا
بس متفرحش قوي من تغير العداد ... انا سمعت مجرد سمع ان النظام الجديد. لو العداد بايظ بتدفع غرامة ٢٠٠٠ جنية تمن. عداد جديد لكن مجرد سمع من محصل كهربا ولسه متاكدتش من الموضوع ... بص هو من الاخر الموضوع كلو قرف في قرف ... انا كمان محصل الكهربا. بقالوا ٣ شهور لغايت دلوقتي مشوفتش وشووو .... ووبتاع الميه بقالوا سنة لسه مجاش وكل ما يجي. يقوم رازعني فاتورة تخليني ألف اسبوعين حولين نفسي. واتحسبن عليه بعد كل صلاة .. هههه هو النور بيقطع من شوية.

لا وشاطر يجيلي محصل الكهربا أخر الشهر الوقت الي اي مواطن مصري اصيل. بيقول ياررررب :) جي يقولي هات ...

قلبي وربي معاك يا غالي ... بس متكسلش وربنا يكون في عونك ... ربنا يكون في عونك خاصة في موضوع الايجار شركة الكهربا ما بتساعدش المالك. ابداً. ... المفروض المستاجر مدفعش كهربا. شهر شهرين اقطع كهربا على طول مش تحوشلي خمس ست فواتير وبعد ما المستاجر يسيب الشقة ويمشي تيجي شركة الكهربا تبعت فواتير وتقول معليش اصل في اقساط سابقة والمشكلة التامين مبيغطيش التلفيات. علشان يغطي فواتير متاخرة +. يكون عليه شهر ولا شهرين مكسورة عليه ... لا ويقلك في ازمة سكن ليه مالناس خايفه تأجر. لان مفيش قانون بيحمي المالك ... انتا محتاج تطمن المالك انوا هياخد حقوا تالت ومتلت وبكده هتلاقي الدنيا كلها عاوزة تاجر ويزيد المعروض في السوق وبسبب كتر المعروض في السوق هتلاقي سعر الايجار يقل وتبقى الحياة حلوة .

انتا النهردة علشان تاخود ٣٠٠٠ جنية حقك من المستاجرة هترفع. قضية تكاليفها ١٠٠٠ جنية. واتعاب محامي ٢٠٠٠ جنية علشان بعد ٦ شهور تاخود منها ٣٠٠٠ جنية. (( طيب ده اسمو كلام برضو !! ))