انا بقولك عربية عوامل امانها صفر و الدليل http://www.nilemotors.net/Nile/425098-a.html
عرض للطباعة
انا بقولك عربية عوامل امانها صفر و الدليل http://www.nilemotors.net/Nile/425098-a.html
انت مين يعنى ؟ فهمنا بس
انت ركبتها تعرفها ولا لازم نعد نفتى وخلاص
الموضوع الى انت جايبة دا لعربية عملت حادثة والايرباج مفتحش ماشى بس دى فيها حاجة مش كل العربيات كدا يعنى نصيب صاحب العربية دى انها كانت فيها عيب عادى يعنى ممكن تحصل مع اى حد
عوامل امان صفر ههههههههههههه كلمة متطلعش غير من واحد بيحب يفتى فى اى كلام وخلاص
حرام عليك دا حتى الموضوع الى انت جايبة بص على الكبينة هتلقيها زى الفل مفهاش خدش رغم شكل العربية المفزع من برا
العربية ممتازة يا جماعة وعوامل الامان بتعتها احسن حاجة فيها
والموديلات بتاعت 2014 الحمد لله مفهاش اى مشاكل
مكنتش اعرف ان هوا الى عمل الحادثة اسف
لا حقك يا باشا انا لو مكانك اكيد هعمل كدا
بس صدقنى الى حصل معاك دا قداء وقدر وعربيتك نفسها كانت معيوبة
لاكن باقى العربيات عادى الايرباج بيفتح
حظك جية كدا بقى معلش
مش عارف انا وصلت لهنا ووقف قرايةاقتباس:
بس مكونتها يابانى الى يقولك غير كدا قولة كل فشااااااار
لكن انا بشترى اسم مهما كان حتى لو بيتعمل فى الصين او الهند
يمكن حضرتك تفتكرني من اللي بيهاجموا ... بس خش شوف مشاركاتي هتعرف اني مبدخلش بقالي كتير جدا هنا
والحمد لله ناس كتير عارفاني هنا وقابلت ناس كتير
نخش بقي في الموضوع
حضرتك عندك معلومة مؤكدة ان العربية مكوناتها ياباني ؟
لو معندكش معلومة .... فحضرتك ممكن توجه الكلام ده لنفسك
معلومة بقي لحضرتك
العربية مافيهاش حاجة ياباني تماما سوي الفتيس ... هو ده الحاجة الوحيدة الياباني اللي فيها
غير كدة كله هندي
عارف حضرتك مشكلة الفرامل اللي حصلت ده ؟ .... كلها بسبب المورد الهندي بتاع الطنابير أستهبل وممشيش علي مقاييس الجودة واستعمل مواد مختلفة عن الموصوي بيها من نيسان اليابان وأتقفل المصنع ده لمدة شهر
الكلام ده من مهندس صاحبي (أخويا) في التوكيل ... مش صيانة ... تجميع
من كلامه بقي ... العربية نازلة تنافس جدا بسعرها ... مش بأي حاجة تانية وبصراحة الوكيل هنا زكي عشان حطها بالأسعار ده
كلام حضرتك بالنسبة لأسم مش ماركة كلام تمام جدا .... بدليل ان ال bm بتتجمع في مصر بنفس جودة ألمانيا ... Bm عامله مراقبة جودة عالية جدا في مصانعها ... ده سمعتها
انما نيسان مش عاملة كدة بدليل ان في موردين بيعملوا اللي علي مزاجهم وعملوا طنابير معفنة
ممكن نيسان عاملة جودة مع عربيات تانية هي مهتمة بيها ... انما صني والكلام ده بتاع دول العالم التالت مش مهم قوي بالنسبالها ..... شركة كبيرة زي نيسان بترمي تكنولوجيا قديمة جدا في عربيات صغيرة وتعملها تصميم وتديه لشركات صغيرة تصنعهالها وتبيع
كل الشركات بتعمل كدة
زي فيات برضه .... أعلي تكنولوجيا بتحطها في فيراري ... تقدم تقوم حطاها في ألفا ... شوية وتحطها في فيات الحديث ... شوية ويعملوا شوية عربيات مالهاش لازمة بالنسبة لشركة كبيرة وتسوقها لدول فقيرة زي مصر
اية يعنى حوار التيل الى مزعلكم اوى دا ما تروح تشوف البيجو ال 301 والعيوب الفظيعة الى فيها
انا اللي كنت في العربية يا باشا انا اللي عايزو ان منبقاش اقل من اي دولة بره يعني منخدش على قفنا لا مؤاخذة و احنا متكيفين الناس دي فكرنا جهلة ولا ايه العربية كلها عيوب انا كنت راكب قبليها في مصر دايو ماتيز ٨٠٠ cc احسن منها مليون مرة و الله اعلم ما مدى هذه العيوب في السيارات الاخرى وخصوصا موضوع الايرباج مش هاعرف هو شغال ولا لأ غير عند الحادث لاقدر الله وعموما انا قلت راي بكل شفافية عن هذه السيارة
ما ينفعش نقول كلام بدون اى دليل او مرجع
انا بقول لحضرتك كن متعصبا لسياراتك كم تحب و لكن بلاش تنشر معلومات وهمية
مستحيل شركة نيسان تحقق اعلى مبيعات فى مصر فى حاجة حتى لو عجل .
من 30 سنة نيسان لم تحقق اى مركز متقدم فى مصر بتاتا
ال 5 سنوات الماضية رقم واحد الكوري و رقم 2 الياباني ( تويوتا و متسوبيشي)
وال 5 سنوات القادمة حيكون رقم واحد الصيني (اللى على ابوه )
دا نقاش دار بيني و بين ملاك صني و اعضاء النتدى تبادلنا فيه وجهات النظر ... ممكن تراجع لو ترغب http://www.nilemotors.net/Nile/405141-a.html
انا واحد من اللي ب يهاجموا العربية
تحب تسمع وجهه نظر علشان الكل يستفيد
أولا لما الهجوم يجي من مالك للعربية لازم يحترم لاني مش بقولك أصل جربت عربية واحد ولا سمعت من واحد
الهجوم مش عرضه التشويه لا ده علشان اللي لسه هشتريها يبقي عارف مميزات وعيوب
مفيش عربية ملهاش عيوب وكل واحد باختيار ما يناسبه
انا لما فكرة اشتري العربيه كنت عارف ان فيها عيب فرامل بس عارف انها زيرو وضمان وتحت اسم نيسان واكيد مكنتش عاوز ارمي 125 الف
وكنت متقبل العيب ولحد هنا الموضوع ماشي
أما تلاقي الشركة غير مهتمة تماما بالعميل وان الشكاوي بتجري انت وراها وتتصل 20 مره علشان حد يعبر ك ومبيحصلش تبقي شركة زبالهههههههههه
ولما تتكشف أن نيسان مصر ملهاش ولا مركز خدمه تابع ليها مباشره وأنها مراكز خدمة معتمدة لازم ترجع للشركة وحليني
لما مراكز الخدمة الاتحاد الوطني يكون أداءها أقل من ورش ميكانيكية يبقي ايه
لما عربيه لسه زيرو وتروح التوكيل 5 مرات علشان نفس المشكلة اللي هي الفرامل يبقي ايه
من الاخر العربيه ثباتها وحش ومش بتاعت جري واللي يقولك والله جبت بيها 160 قوله جربت تتحط في موقف طارئ محتاج ثبات علي 100 كم حتي انا جربت وأقولك ضايعة
نقطه كمان مدي رضاء الواحد عن العربية معتمد هو كان راكب ايه يعني اللي كان راكب أوروبي حتي لو اوبل 2002 أو رينو 2006 أو 406 أو 307 هيبقي كأره نفسه
العربية كان ممكن تكون اختيار ممتاز كسارة مدينة بس محتاجة دعم من الوكيل وده مش موجود ومحتاجه تعديل في بعض خامات المكون المحلي
وصدقني القرار اللي انا وكل المحيطين بي مش بعد شراء الصني لا بمقاطعة النيسان تماما
انا راكب عربيات ميجان 2007 ولوجان 2010 و تريوس 2009 i30 2009 و ميجان 2014
ومتعامل مباشره مع أغلب توكيلات مصر وعمري واقسم بالله ما شوفت أداءه اسؤء من نيسان مصر
لدرجه أن إدارة نيسان الشرق الأوسط تنفي تبعية نيسان مصر لها يعني اللي عاوز حقه يخدوا بالزراع وده اللي انا عملته وغيرت التيل عافيه
علي فكره انا ملاحظ ان شكاوي السياره معظمها من الملاك ...وفعلا لما مالك السياره يشتكي و تتكرر الشكوي بسيب عدم اهتمام التوكيل يبقي لابد من وقفه
محدش يشكر فى الرينو لان الرينو ديه مش عربيه ولا توكيل دول نصابين بجرافته انت تعرف ان توكيل رينو بيجيب قطع غيار من السوق وبيبعها على اساس ان هي اصلى والعايز يتأكد من كلامى يبعتلى الايميل بتاعه وانا ابعتله فاتوره صادره من الوشاحى الى الشركه العالميه المصريه عندى الاصل بتاعها عشان يتأكد .......الموضوع الاحضرتكو بتتكلمو فيه اهم حاجه يخلينا نبص للامام مش نعد نتخانق غلى نوع العربيه وكل واحد يعاير التانى بعيب عربيتو كل العربيات البتنزل مصر معيوبه احنا معانا سكودا a7 الجديده تخيلو ان العربيه فيها عيب فتيس وحتى الان بقلنا شهر نور الدين الشريف بيقول لسه قطعة الغيار مجتش ..... مش مهم العيب المهم ان الوكيل يعرف ان الناس مش مغفله وفى رقيب يجيب للناس حقوقها