الموضوع: ملاك الصنى 2014 ادخلو دافعو عن العربية بجد

يا جماعة ملاحظ ان فى موامرة على النيسان الصنى
مش عارف اية سببها

هل يمكن بسبب الاقبال الكبير على النيسان السنة دى

معلومة صغيرة

النيسان اعلى مبيعات فى 2014

اعلى من الهيونداى الكيا واى حاجة تانية

بموديلاتها ال 3 الصنى الجوك القشقاى

طيب نيجى بقى للنيسان كشركة

انا عارف والله انها مش معمولة فى اليابان


بس مكونتها يابانى الى يقولك غير كدا قولة كل فشااااااار

لكن انا بشترى اسم مهما كان حتى لو بيتعمل فى الصين او الهند

لكن هوا اسم وماركة قديمة ومحترمة وبيتم تصنعها تحت ايد خبراء من اليابان

بلاحظ ان فى حوالى 14 15 عضو كل يوم بيدخلو يقولو نفس الكلام ونفس الهجوم الغير مبرر على السيارة !

هنفترض ان العربية فيها كل المشاكل الى انتو بتقولو عليها دى هل الناس عبيطة ؟

ولا لازم يدخلو على نايل موتورز الاول مثلا قبل ما يشتروها هههههههههههه

العربية محققة اعلى نسبة مبيعات المشاكل الى فيها عادية جدا اية يعنى تيل فرامل ؟ هوا دا الى مزعلك اوى

معلش روح اركب بى ام ركبت الصنى لية ؟؟

انا معاية العربية والحمد لله مقتنع بيها

اة انا معاكم ان فى فقر فى التابلوة

الصاج ضعيف

بعض العيوب الطفيفة فى التقفيل

ودا كلة عادى على سعر العربية على فكرة هاتلى عربية فى الفئة دى بالسعر دا !


على فكرة معاية كيا كارينز بس مش بحب اركبها بحس انها عربية عواجيز

انا وانا رايح اجبها اعدو يقنعونى انى اخد التيوتا اليارس الجديدة بكااااااام بقى ب 160 الف

معلش مدفعش فى اليارس دى المبلغ دا ! ليييييييييية منا اروح اركب بى ام احسنلى بقى

ارتفاع اسعار العربيات الغير طبيعى دا امر غير مقبول بالمرة بالنسبالى

يعنى اية اروح اجيب البومة الى من 2002 ب 140 الف جنية !!

منا اروح اجيب واحدة مستعملة ب 70 الف ولا حاجة

واليارس الى معروف انها هلس التيوتا اروح ادفع فيها 160 الف جنية ! طيب لييييييييية

هل انا لما احب ابعها بعد سنتين مثلا هتجبلى كام ؟ 120 110

ابقى كسبت انا اية

هنيجى للشكل بقى بما انى شاب واكيد احب اركب عربية حلوة شبابية محبش اركب عربية احس انها مش شبابية

انا مش هكدب مكنتش فى الاول مقتنع بالصنى خالص

لكن بجد والله يا جماعة العربية على الحقيقة حاجة وفى الصور حاجة تانية

شكلها على الطبيعة افضل بكتير

هيا جنط مع الاسبويلر والزينون واتفرج عليها

فرقا اية هيا عن الالنترا 2010 ؟ ولا اى حاجة بالعكس اعتقد الصنى معمولة بخطوط احدث

عربية واسعة جدا اعدتها مريحة جدا جدا

تكيفها جميل

سحب البنزين فوق الممتاز

مش عاجبك التابلوة ؟ طيب تعالة على نفسك بما انك راكب عربية 2014 وانزل هات كاسيت سونى بشاشة تاتش واتفرج على العربية هتبقى عاملة ازاى

احنا مشكلتنا هنا ان احنا شعب ظيات

بيحب يتكلم كتير تبقى واقف مع واحد مشفش شكل العربية من جوا اصلا ويقولك دى عربية زفت دى فيها وفيها وفيها هههههههههه يا عم الحج الى يسمعك يقول الواد مسبش عربية فى مصر مركبهاش

انا وانا بجيب العربية كنت محتار بين ال بيجو 301 والاكسنت 2014 والصنى 2014

وبجد يا جماعة محدش بيشكر كل عربية من ال 3 دول جابوهالى الارض لا دا دى فيها وفيها ودى فيها وفيها ودى فيها وفيها

ياااااااااة على كدا كل العربيات الجديدة زفت بقى !

وتلاقى الى بيتكلم راكب سيراتو الشكل القديم ههههههههه دايو بس على كبير

رغم انى كنت بحب شكلها جدا بس من كتر الى سمعتو عنها كرهتها عن السيراتو اتحدث

بجد يا جماعة عايزين كملاك للصنى الجديدة ندافع عنها شوية مش معقولة هنسيب 6 ولا 7 من الواضح انهم بيصحو من النوم علشان يدخلو المنتدى يشتمو فى العربية يسوئو سمعة العربية بالشكل دا

يا حبيبى انت وهوا مفيش حد اهبل والله العظيم كل الناس الى اشترتها ودفعت فيها فلوس دول مش هبل ولا عمر حد سمع عن كمية المشااااااااكل الغير طبيعية دى غير هنا فى المنتدى وبس

وفى النهاية احب اقول لكل ملاك الصنى الجيدة ادخلو دافعو عن عربيتكم

ومش معنى ان كام عربية من الدفعة الاولى ظهر فيها مشاكل يبقى كل الدفعات ظهر فيها مشاكل

انا معاية 2014 اهة وزى الفل مشوفتش منها الهوا عكس الكلام الى بسمعة هنا

انا اكتر حاجة مدايقانى فيها هيا الكاوتش الصينى الزبالة مش اكتر

المشاركة الأصلية كتبت بواسطة karim tolba

ماشى حضرتك موضوع الشكل دا اذواق عموما فى الاول والاخر


بس انا هموت وافهم شكلها مش عاجبكم للدرجة دى لييييية


علشان مش زى الالنترا الجديدة يعنى ولا السيراتو الجيدة :d


انا شايفها عادية يعنى زيها زى السراتو القديمة والالنترا القديمة بردو


اة شكلها من ورا مش قد كدا بس بالاسبويلر بتبقى حلوة


من قدام شايف ان شكلها جميل


بالنسبة للشكل القديم مش وحش بس تحس ان خطوطة قديمة بردو خلاص


يدى اكتر على الدايو بس على كبير


دا غير الفرق الكبير جدا بقى بين طالون الشكل القديم والجديد من حيث الاتساع والاوبشن

ال صني الجديدة زي السيراتو القديمة؟ لا يا راجل ده السيراتو القديمة ديه فلته في التصميم شكلها عالمي الصراحة.
المهم الصني طبعا برقبة ال صيني كله و أن كنت أنا مش بحبها بردو لكن مهما كان عيوبها مش كتير بالنسبة لتمنها. كفاية انها أرخص من ال ريو و الياريس و البيجو 301.