اقتباس المشاركة الأصلية كتبت بواسطة mohammedaladel مشاهدة المشاركة
هقولك على حاجة بشكل عام الميكانيكة وتجار قطع الغيار اللى بيشتغلوا فى الأوروبى غير اللى بيشتغلوا فى الكورى واليابانى
بمعنى إنك لو رحت عند ميكانيكى رينو تغير حاجة بسيطة زى كولنت المياه فى 5 دقائق هياخد 50 جنيه ... لو رحت لميكانيكى بيشتغل فى كله عندنا فى المنيا 20 جنيه بس زى ما قلتلك فيه حاجات مينفعش يعملها غير اللى اشتغل فى العربية مسبقا

نفس الحكاية تجار قطع الغيار ... وقطع الغيار عند معظم التجار متشابهة وكلهم بيبقى عندهم الأصلى والأقل جودة بس الاختلاف فى الأسعار فقط وإن ممكن تلاقى قطعة عند وخلصانة عند التانى لكن بشكل عام المنتج واحد بس المستهلك هو اللى يفرق ويفاصل ويقارن المنتج وسعره ويشترى بأرخص سعر

ومقدرش أنصحك بحد معين عشان بصراحة مفيش واحد فيهم يستاهل إنى أعمله إعلان هنا بغض النظر عن قوانين المنتدى أو أرشح حد ليه ... كلهم استغلاليين وبيكسبوا فوق المقنن سواء صنايعية أو ميكانيكية

لكن أوصيك إنك متشتريش قطع غيار رينو من أى ميكانيكى رينو

ولو خدت العربية إن شاء الله واحتجت حاجة معينة تغيرها إبقى إسأل هنا فى المنتدى ونشوف مع بعض أفضل سعر عند مين وقتها إن شاء الله

ليه ؟

لأن برضه ممكن تاجر تلاقيه بيبيع بعض القطع أرخص من غيره وقطع تانية أغلى

يعنى مثلا سألت واحد فى الحرفيين على كاليبر خلفى فرامل للعربية استيراد 100 جنيه رغم إنه شماط فى قطع غيار تانية كتير
وفى صقر قريش عند واحد أسعاره كويسة فى حاجات كتير لقيته ب 200

حاضر ان شاء الله ربنا يوفقني وأشتري الاول وبعدين يحلها ربنا في كيفيه ازعاج أعضاء قسم الرينو بكثره أسئلتي وساعتها نبقي فعلا نشوف ايه ئل تبقي ممكن العربيه عايزاه وابقي ازعجكم بالمشاركة الفعاله في الموضوع وابقي ازهكم
عامه هوا معاد الكشف تأجل الي الخميس لظروف سفر صاحب السياره او لدلع الوسيط ومحاولته إيجاد مشتري يدفع اكثر بصراحه لا اريد كامل ظن السوء ( نص نص ههه )
وبصراحة مش عارف أقول لحضرتك تيه متشكر جدا لمداخلتك القيمه
تحياتي لحضرتك