البيجو ٣٠١ مانيوال ارجو المساعده

**amr_gendy** · 18-06-2014 12:27 AM

عندي صوت بيروح ويجي لما ادوس دبرياج وانقل الغيار لما روحت التوكيل قالي ده صوت عطسه بس معرفوش يحلوها
الصوت تقريبا كان تتسسس بس مش عالي
حد عنده الصوت ده ولا دي مشكله عندي

**abohend** · 18-06-2014 02:05 AM

وراهم يا مان
الضمان عشان الحاجات اللي زي دي
و مفيش حاجة أسمها معرفوش يحلوها
قولهم يبعتوا لبيجو فرنسا يسالوا بدل الطقم بتاعهم تعبان
لما التوكيل مش عارف ...مين اللي هيعرف؟؟؟
متسكتش على حقك و أثبت كل حاجة بالورق عشان لو لا قدر الله في حاجة غلط تعرف تاخد حقك

**amr_gendy** · 18-06-2014 08:00 PM

يعني في حد معاه مانويال يعرفني الموضوع ده عنده ولا دي مشكله عندي انا بس

**fady saher** · 19-06-2014 09:48 PM

معلش ممكن توضح اكتر لاني مفهمتش طبيعة الصوت عالعموم لو هو عضة في المارشدير او تقل في الغيار ده بيروح بمرور الوقت

**عمرو بندق** · 19-06-2014 10:02 PM

أنا عربيتى مانيوال و بسمع صوت النقلات من الأول الى الثانى و المارشدير ... هو دة قصدك ولا أنا فهمت غلط

**taki1k1** · 20-06-2014 12:49 AM

الواضح من كلامك انك بتسمع الصوت مع الدبرياج مش صوت النقلات العادية و دا اللي قلقك لان صوت النقلات كلها انا بسمعها عادي و واضح ان دا العادي

بس انا كان معاي بروتون ويرا 2006 و في مره عملت معايا صوت صفارة مع الدبرياج و مهتمتش بيها اكتر من شهرين و كانت المشكلة في ان الديسك و الاسطوانة اتاكلوا بس الكلام ده كنت عامل فوق 100 الف
فانت اكد عليهم في التوكيل و لو ديسك و اسطوانة ( و ان شاء الله تكون حاجة ابسط ) هما اكيد هيعرفوا و اعتقد ان الديسك و الاسطوانة بتتاكل اكتر لو انت علي طول تحمل علي الدبرياج
و ان شاء اللة تكون حاجة بسيطة و ابقي طمنا

**amr_gendy** · 21-06-2014 12:21 AM

الصوت بيظهر لما ادوس دبرياج وانقل من غيار لغيار بيديني صوت (((( تسسسسسسسس)))) زي بتاع المقطوره لما تدوس فرامل بس علي خفيف مش عالي او زي صوت واحد بيعطس

**HOSSAM99** · 21-06-2014 01:34 AM

المشاركة الأصلية كتبت بواسطة amr_gendy

الصوت بيظهر لما ادوس دبرياج وانقل من غيار لغيار بيديني صوت (((( تسسسسسسسس)))) زي بتاع المقطوره لما تدوس فرامل بس علي خفيف مش عالي او زي صوت واحد بيعطس

طيب الصوت ده بيظهر و حضرتك واقف و بتدوس ديبرياج و هل الصوت ده زي التنفيس و أخبار الديبرياج معاك أيه تقيل و لا خفيف و هل الديبرياج بيخف معاك بعد مشوار طويل بتحس أنه بقي ناعم زياده عن اللزوم و مصدر الصوت بالتقريب منين؟