مافيش ساعه فى العدادات
عرض للطباعة
مافيش ساعه فى العدادات
عندى اقتراح بحل وسط ياريت يكون مفيد،،،،،
احجز موعد عند اى مركز خدمة تابع للوكيل وياريت يكون بيشتغل مع aaa ، وخليهم يكشفوا على العربية ويقولوا رأيهم . لو حاجة بسيطة وتكلفة قليلة اعملها وريح بالك، لو الموضوع هيتكلف كتير وحسيت بصدق في كلامهم. اشترى ضمان aaa وارجع اعمل العربية تبع الضمان وبكدة تكون ضربت عصفورين بحجر ، صلحت عربيتك ودخلتها ضمان لمدة 12 شهر او 20 الف كم ايهما اقرب.
معلش سامحينى من التكرار ، لية ما ترجعش للمعرض البعلك العربية ولو معجبكش كلامهم امشى وخلاص!!!!!!
أنا انهارده مشوار طويل شوية شفت موضوع السخونة لقيت فعلا حسيتها حديدة سخنة شوية جنب دواسة البنزين من فوق شوية
لكن مش لدرجة انها تبوظ عزل الحرارة و انت ماشى و فاتح الشبابيك
العربية لما ركنتها فى الشمس لاقيتها مولعه جدا
فتحت التكييف دقايق و بعدها قفلته و فتحت الشباك لكن ملاحظتش حرارة من ناحيه رجلى
و بإذن الله لما اجربها بليل هتوضح اكتر من كدا و ابلغك بإذن الله
http://nileup.com/up/uploads/nilemotors_14033561111.jpg
الاسهم بتشير الي المواسوره والسخات وباين ان الماسوره متغطيه بفبره بلاستيك ...
الفبره البلاستيك بتبقي سخنه شويه بس لو وصلت للماسوره دي ولمستها هاتلاقيها بتلسع
http://nileup.com/up/uploads/nilemotors_14033565681.jpg
السهمين اللي فوق خالص بيشاوروا علي الماسوره اللي دايما باحسها مولعه
http://nileup.com/up/uploads/nilemotors_14033565681.jpg
السهمين اللي فوق ده المكان اللي دايما طالع منه السخون وده ماسوره الداخل بتاع السخان
http://nileup.com/up/uploads/nilemotors_14033573581.jpg
ده مكان دخول خرطومين الميه السخه لصدر العربيه
نصيحة... ما تفصلش السخن..
ولو الموضوع مضايقك قوي.. بدل ما تتطبب الخراطيم .. ركب محبس على الخرطوم اللي رايح للسربنتينة.. علشان لما ييجي الشتا ممكن تحتاج الدفاية تاني
بالنسبة للسخونية اللي بتيجي من تحت العربية.. دي أساسا جاية من فرن الشكمان اللي مكانه قريب من الكابينة زي ما وضح أحد الزملا الأفاضل .. وطبعا بتزيد مع تشغيل المكيف
أنا كنت بحس بالسخونية دي فعلا أول ما اشتريت العربية... وبعد شوية ما بقيتش أحس بيه.. بالذات لما جه الشتا هنا في جدة ( جو الشتا في جدة عامل زي ما يكون ربيع في القاهرة ) وبقيت أسوق من غير ما المكيف يكون شغال.
رأيي إنك تحاول تشغل المكيف أكتر في الفترة دي واستمتع بالعربية
...
انا لغايه دلوقت ماعملتش فيها حاجه لاني في مرحله التاكد ان ده مش عيب فردي وانه حاجه مشتركه في الموديل ده... لو طلعت حاجه مشتركه يبقي امرها سهل سواء بالتعايش معاها او عزلها عزل كويس... لو طلع عيب فردي يبقي ده مشكله بالنسبالي
السخونه جايه من المنطقه اللي في الصور بس والمواسير الداخليه بتلسع لما العربيه تبقي ماشيه مسافه انا مش عارف ده عيب فردي والا حاجه عاديه
جو جده كويس في الشتا... انا لسه جاي من ابها ودرجه الحراره هناك ربيع صيف وشتا... مش عارف يمكن تغيير الجو هوا اللي عامل مشكله معايا والعيب فيا :)
الفبرة عندى محستهاش سخنة
بس الماسورة هى اللى سخنه شوية اعتقد دا اختلاف درجات حرارة او الجو عندكم سخن شوية و عندنا كان حلو و انا ممشيتش بيها مثلا مسافة زى ما حضرتك مشيت انا لاقيت السخونة دى بعد حوالى 30 كم مشى بس ممكن لو مشيت اكتر تسخن معايا اكتر
المهم دا مش عيب فردى
بإذن الله تظبط معاك مع صيانة الالف اكتر من كدا
الله يبشرك بالخير... انا بقالي يومين باتمشي بيها بالليل 'احساسي بالسخونه قل شويه بس مش عارف علشان الجو والا تعود... بس انا الماسوره دي دايما بتبقي مولعه سخونه....
انا المشكله حاليا عايز عربيه زي عربيتي اجربها بنفسي علشان لو لاقيتها زيها هاعزلها وهاتعامل عادي ولو لاقيتها مختلفه يبقي الحق اشتري الضمان وادخلها صيانه لان المعرض مديني فرصه 3 ايام كمان
با باشا انا عندي نفس الموضوع من ساعة ما اشتريت العربية وهي دلوقتي ماشية 2000 كم و فعلا الحرارة دي مش بتظهر الا مع المسافات الطويلة..و لم قرأت موضوعك النهاردة جربت كده وانا واقف كمان و دورت العربية فترة طويلة شوية من غير ما اتحرك و لقيت البلستكة اللي جنب دواسة البنزين سخنة و الماسورة اللي جواها بتلسع..السؤال هو بقي ما هو الحل من غير لعب في العريبة خالص و هل المفروض نسيب هوايه التكييف مفتوحة واحنا ماشيين ولا نقفلها و التكييف مطفي...و العزل ده بيتم ازاي و التوكيل بيعرف ازاي هل محتاجة عزل ولا لأ... ونصيحتي ليك اشتري الضمان علي الاقل سنة محدش يعرف ممكن تحس فيها بحاجة تانية خلال سنة..بس في المجمل هي عربية رائعة و ممتعة..و ربنا يباركلك فيها
طالما الحراره دي في كل العربيات يبقي اللي مابيحبش يلعب في العربيه واللي معاهخليجي احسن حل ليه العزل عند اي سروجي محترم يعزل المواسير بعازل حراري...السروجي مش هايفك كتير يادوب هايفك الجزء البلاستيك اللي جنب دواسه البنزين والجزء الاخر المقابل ليه من الناحيه التانيه هايلاقي السخان ومواسير الميه السخه هايغلفهم كويس وشكرا
بالنسبه لسيارات الوكيل يبقي السؤال الاول عن التكلفه ومقارنتها بتكلفه الخارج لو الفرق بسيط اعملها في التوكيل لو الفرق كبير لعملها بره لانها مش بتخرج من الضمان زيها زي تركيب فرش جلد مثلا
هوايات التكييف مالهاش دعوه سواء مفتوحه او مقفوله
الف مبروووك
ياريت ياباشا تقولنا علي الموقف مع حابر عبد الشهيد لاتي حاجز من.عنده
للاسف انا لسة شايف الموضوع بتاعك دة انهاردة بس .....
انا معرفش انت اتصرفت ازاى انا معايا 2014 من شهر 3 وكان موضوع السخونية دة كل مسأل علية حد يحسسنى انى جاى من كوكب تانى يقولى يا عم العربية زى الفل ....
انا بردة عربيتى خليجى وانا مشترى ضمان aaa ورحت علشان موضوع السخونية دة فى المركز الرئيس بتاع aaa تقاطع الاوتوستراد مع الدائرى وقابلت المهندس وشاف وقالى لا لا عادى مفيهاش حاجة ... وانا قلتلة يا عم الحاج حط ايك كدة جوة الفتحة دى هتتلسع .... ويقولى عادى كل السيراتوا كدة تعالى معايا وورانى عربيات فئات اقل من بتاعتى وفئات اعلى من بتاعتى ... قلى شوفت كلهم فيهم فتحة وكلهم بيسخنوا ..... قلتلة يا حاج دى الكنسولة بتاعتة الفتيس بتكون سخنة هى كمان ... وهو يقولى عادى كل السيراتوا كدة ..... لا حول ولا قوة الا بالله ..... المهم جه واحد شاب محترم طلع نائب المدير معاة 2 لا سيلكى ..... حكتلوا الموضوع قالى ... كل السيراتوا كدة وكلة بيسخن ..... متقلقش وفعلا تعايشت مع الموضوع العربية زى ماهى بس انا بقيت مش باخد بالى معرفش اتعةدت على كدة ولا نسيت اصلا
بس يا ريت لو عزلت السخونة دى قلى عزلتها ازاى .........وشكرا
بسيطه خالص...حضرتك تفك الفبر البﻻستيك دي هتﻻقي وراها ماسوره صغيره...هاتجيب شريط عازل دبل فيس بيبقي زي المطاط وتلفه عليها وتقطع حتت صغيره تلزقها علي اي حته مشتبه انها تطلع سخونه وفي اﻻخر تجيب فرخ عازل وتحطه علي الحاجات دي وتركب الفبره تاني وشكرا
علي فكر السخونه قلت لواحدها بعد فتره قبل العزل