رجرجه الفتيس (كلاكيت تانى مره)

**mirra** · 28-06-2014 01:20 AM

شكرا على الرد و الافاده.

**Zing0** · 28-06-2014 10:46 AM

طيب لو على كلام الأستاذ حسانين
يبقى تشوف محمد طلبه إللى فى الوراق هيجيبلك من الآخر - عامل بيه موضوع أفضل صنايعى لادا
بدل ما كل شوية الصنايعى بتاعك يجرب فيك

و الله أنا بروحله من حلوان للوراق لأن الصنايعية عندنا (إللى جربتهم من حلوان لحد المعادى) - نصابين و كفتجية و .... كفايه علشان هبدأ أشتم من كتر إللى شفته منهم

**mirra** · 29-06-2014 05:09 AM

المشاركة الأصلية كتبت بواسطة zing0

طيب لو على كلام الأستاذ حسانين
يبقى تشوف محمد طلبه إللى فى الوراق هيجيبلك من الآخر - عامل بيه موضوع أفضل صنايعى لادا
بدل ما كل شوية الصنايعى بتاعك يجرب فيك

و الله أنا بروحله من حلوان للوراق لأن الصنايعية عندنا (إللى جربتهم من حلوان لحد المعادى) - نصابين و كفتجية و .... كفايه علشان هبدأ أشتم من كتر إللى شفته منهم

المشكله يا باشا انى من طنطا و المشوار حيكون تقيل عليا اوى من طنطا للوراق.

**mirra** · 03-07-2014 06:58 PM

روحت النهارده للميكانيكى الساعه تلاته الضهر و لما اشتكيتله ان مشكله الرجرجه ما اتحلتشى قالى لازم اشوف على الطبيعه..قولتله مش حيبان دلوقتى لان العربيه لسه بارده ...ممكن الف كام لفه و ارجعلك...قالى ماشى..لسوء الحظ ان الشوارع كانت رايقه و مش زحمه!!! قعدت الف بالعربيه يجى نص ساعه و لم يظهر عيب رجرجه الفتيس و لما تعبت من كتر اللف رجعتله لقيته طلع البيت يريح شويه...الشاهد فى الموضوع ان المشكله دى مش بتظهر الا مع الزحمه الشديده و سخونه العربيه لكن لما الشوارع بتكون سالكه و فى حاله عاديه و الموتور فايق مش بتظهر...حد عنده تفسيرات يا رجاله؟؟؟؟ انا بقول ان ده طبيعى مع الادا لانها مش مصممه للاجواء الحاره بتاعتنا و كمان الزحمه عندنا تخنق اى عربيه...بس برضه ياريت اسمع منكم...و كل عام و انتم بخير.

**hobabmb2010** · 11-07-2014 06:16 AM

باشا انت كاتب الحل في السؤال
مشكلة الرجرجة في الفتيس سببها السخونية والسخونية فقط
اي حد يقولك اي حاجة تانية قولو سانك يو فيري ماتش
لتجنب الرجرجة اطلع على التاني او لما ترجرج منك وانت على الاول اديها التاني
وشوف حل لسخونية العربية

**mirra** · 11-07-2014 02:54 PM

المشاركة الأصلية كتبت بواسطة hobabmb2010

باشا انت كاتب الحل في السؤال
مشكلة الرجرجة في الفتيس سببها السخونية والسخونية فقط
اي حد يقولك اي حاجة تانية قولو سانك يو فيري ماتش
لتجنب الرجرجة اطلع على التاني او لما ترجرج منك وانت على الاول اديها التاني
وشوف حل لسخونية العربية

شكرا لحضرتك...بس انا عندى السخونيه مش فظيعه اوى علما بانى بحط مياه خضرا موبيل و ترموستات الكوعه موجود..بس انا برضه متأكد ان كلامك صح ميه فى الميه...يا ترى اغير ترموستات الكوعه بواحد تانى على 90 بدل 92 و لا اشيله خالص و لا ايه؟؟؟

**mirra** · 20-07-2014 03:03 AM

الميكانيكى اكدلى ان عندى مشكله فى طقم الدبرياج اللى لسه مركبه من فتره بسيطه و ماعملشى 1000 كم!!! هو كان ماركه فاليو تركى من المركز الروسى العالمى بالتوفيقيه و كان ب 400 جنيه زائد 200 جنيه تركيب يعنى 600 جنيه شاكب راكب غير بهدله العربيه...عليه العوض و منه العوض...رايح يوم الاتنين الصبح للميكانيكى تانى عشان يحل الفتيس و يشوف المشكله فى الاسطوانه و لا الديسك و لا ايه..عليه العوض و منه العوض..يا ترى فيه انواع طقم دبرياج افضل فى السوق و ياريت لو طنطا لان ما عنديش وقت اسافر القاهره فى الصيام.