فعلا هو ده الدين الاسلامي الوسطي الحنيف ..الابتسامة المعروفة مش كفاية لازم تكون متبوعه بالعمل .
عرض للطباعة
مش عارف ليه انتو مصرين تدو الموضوع اكبر من حجمه
كلامكم ده كنت ابقى متفق معاه لو كانت الفلوس حتروح عليه مثلا او لو كنا فى حته مقطوعه و ماكنشى فيه بديل تانى غير انى اوصله
يعنى هو كان ممكن ببساطه يخرج ساعه بدرى من الشغل و ياخد تاكسى ب 20 جنيه يوديه و يخلص مصلحته و يروح و هو مستريح - و ده اللى انا اقترحته فى وقتها
بس هو عاوز يريح نفسه - ماشى ريحها بس ماتتعبشى الناس التانيه معاك - خاصه انه فى جميع الاحوال حيخسر الساعه دى سواء فى تأخير زى ماحصل او فى اذن زى ما اقترحت
ولو حناخدها مكسب و خساره - هو اللى خسره فى الموضوع ده
ساعه تأخير + قعدته فى الحر / مقابل انه اخد راحه فى التوصيل + 300 دولار اللى اتبعتوله
بالنسبالى انا
خسرت ساعه تأخير + ارهاق سواقه فى الحر + احتمال تتحسب عليا مخالفه ب 700 جنيه / بدون مقابل
و ارجع تانى الموضوع مش مكسب و خساره قد ماهو زوق و احساس - انتا كان ممكن تحقق هدفك من غير ماتتعب اللى حواليك
و على فكره تانى يوم هو اخد اجازه - ما كان ممكن عمل الحوار ده فى اليوم الاجازه بتاعه !!!
عندك حق ياخالد ........ ساعة هجرة النبي عليه الصلاة والسلام والصحابة من مكة الى المدينة واخى النبي بين المهاجرين والانصار .......... الانصار عرضوا عليهم المشاركة في البيت والمال لدرجة أنهم عرضوا عليهم يختاروا زوجة من زوجاتهم ويطلقها وبتجوزها المهاجر لكن الصحابة ماكنوش تنحين وكانوا اخلاق عاليه أمثال عبد الرحمن بن عوف وقاله كلمه واحدة أرني السوق
ماكنش فيه تناحة كان فيه أخلاق عالية ورفيعة .............
المساعدة تكون لواحد محتاج بجد ويراعي ظروف الناس وتراعي ظروف اللي بتطلب منه مش يكون جلدك تخين وماعندكش دم
الكلام ده عموما مش متعلق بموضوع خالد
بص يباشا .انت متعرفش ظروفه شكلها ايه صح فبلاش هو كسب ايه واستفاد ايه دي محدش عارف الحقيقة ايه ؟ خلي الموضوع من جهتك انته بس ممكن يكون عندو سوء تقدير بس انته نيتك سليمة +عملت خير + اعنت اخوك المسلم + ده صاحبك واكيد مش هينسهالك وياما حصلت معانا حجات زي دي واكتر وبالعكس حضرتك المكبر الموضوع انت عملت خير وربنا مش هينسهالك فالدنيا وفي الاخرة انت بتساعد وخلاص حتى لو جالك على ظهر فرس
باشا معلش انا راي مختلف معاك
انتا بتقول انه مديرك يعني اي تصرف سلبي او ايجابي في ذاكرته وحيأثر عليك بالسلب او بالايجاب
انا شايف انك لازم تروح المشوار وتكون سعيد كمان لان بتخدم مديرك يعني مش واحد من برة
انا شايف انك مكبر الموضوع بصراحة
ببساطة اديك خدت درس ...وطالما الطلب اللي كان عايزك فيه مكنش حرج اوي ممكن تندل عادي ..انما لو الموضوع فعلا حرج وموقف صعب بالنسباله ومحتاجك اكيييييد متتأخرش لأن الأيام دول نداولها بين الناس وهتلاقي نفسك في موقف صعب في يوم من الأيام ومحتاج اي حد يساعدك .. فأعمل لليوم ده
الخلاصه لو يستاهل متستخسرش فيه لكن لو برود اعتذرله واخلع
للاسف لما بتكون بتتجرح تقول لحد لا
بتلاقي المعاملة كده وخسائر فالاخر ليك