top up oil level رينو ميجان 2013

**zizo13277** · 18-06-2014 03:49 PM

السلام عليكم ..معايا رينو ميجان 2013 الموتور الجديد والفتيس CVT وعملت بيها 6500 كم
ظهرت لي النهاردة رسالة "top up oil level"
نزلت قست مستوى الزيت بعد ما العربية بردت لقيته اقل شوية صغيرة من المستوى الادنى
علشان اعرف احرك العربية اشنريت زيت وزودتها وفعلا الرسالة اختفت
دلوقتي انا المفروض اتصرف ازاي مع التوكيل ؟ وهل في حد تاني ظهرله نفس الرسالة في الميجان او الفلوانس فيس لفت 2014 ؟
افيدونا ارجوكم
شكرا

**mac os** · 18-06-2014 04:20 PM

ايوه ياباشا دا عيب ظهر عند بعض ملاك الفلوانس الفيس لفت وملهوش حل لو كان العيب الى عندك هو نفس العيب الى فى الفيس لفت هيتم تغير الموتور روح التوكيل وقولهم عندى مشكله نقص الزيت فى الموتور وهما عارفين الموضوع ده لان دى مش اول حاله

**Adnfalcon** · 18-06-2014 04:26 PM

نقص زيت الموتور ف الفيس ليفت اصبح عيب مكرر و حضرتك دا العيب رقم 5 انا اشوفوا هنا فالمنتدي
روح التوكيل و اعمل معاهم مشكله .. و أوعي يقولك دا عادي ودا الطبيعي والكلام اللي ينرفز دا

**mahmoud_ali** · 18-06-2014 05:32 PM

عليك وعلى التوكيل ومتعديش الموضوع

**yasser100** · 18-06-2014 08:56 PM

للاسف ما كانش المفروض تزود الزيت كنت تتصل بالتوكيل و كانوا هايحضروا يعينوها فى مكانها و يسحبوها بمعرفتهم و بالمشكله زى ما هيه . مش هاتقدر تعمل حاجه دلوقتى . انت مليت الزيت للاخر ؟ لو ما كنتش ماليته ما تقولش لهم انك حطيت زيت لانه لو قلت لهم هاتدخل فى موال تانى خالص و ضمان و مش ضمان . قول لهم باكشف على الزيت لقيته ناقص

**minicooper20** · 19-06-2014 02:36 PM

اسحبلك شويه زيت من ماسوره المقاس و روحلهم بيها اسحب مقدار مزودت بالظبط

**Hany Saad** · 19-06-2014 02:41 PM

مفيش أى مشكلة خالص أنه زود زيت....المشكلة معروفة عند التوكيل و مش بيقاوح و لا بيماطل فيها...يا ريت صاحب الموضوع يحكى المشكلة زى ما حصلت و يقولهم أنه زود زيت...أمال هيمشى بالعربية بدون زيت يعنى!!
التوكيل بس هيتأكد الأول من المشكلة و يبعت لفرنسا ياخد موافقة عليها و يغير موتور دون تحميل أى شىء على العميل
طبعاً أكيد مش حاجة لطيفة أن واحد يغير موتور عربية و هى لسه جديدة و لكن الحمد لله أن التوكيل معترف بالمشكلة و بيغير على طول

تحياتى