فيه نقطهةمهمه عايز اعلق فيها . انه اللى غاوى عربيه و ماركه معينه مهما كانت العيوب مش ها تأثر معاه و هايشتريها و امثله على كده :
- الالنترا برغم مشاكل الثبات و غيره الا انها اعلى انتشار من اى ماركه و سعر اعادة بيع جيد جدا .
- الباسات و الجيتا الموديلات الجديده و برغم انه اتقال فى الفتيس ال dsg ما يكفى انه يملا كتب الا انه انتشارها عالى و كانها عربيه ب 100 الف و مره كنت بناقش صديق ليه بيشترى جيتا عن عيوب الفتيس و قال لى هاشتريها برضه حتى لو هاغير فتيس كل شهر ههه.
- الرينو ميجان موديلات 2004 و لغاية 2009 و العيوب المشهوره فيها و انتشارها ممتاز
- البيجو 301 برغم مشاكل الفرامل و التوكيل الا انها اكتر من ال 128
- الكورولا الموديل 2013 و قبله برغم مشكلة الفتيس ال mmt الا انها انتشارها عالى و بتتباع مستعمله كسبانه كمان
- الايميجراند . اكتسااااح
حتى النيو سيراتو انتشارها مش علشان خاليه من العيوب و لو كان فيها عيوب كانت هاتنتشر برضه و الدليل الموديل اللى قبله بمشاكله و عفشته و ثباته
انا نفسي لما كنت باشترى الفلوينس كنت عارف انه فيه بعض عربيات فيها مشكله بس ما كانش عندى استعداد اتنازل عن اختيارى
فى الوقت نفسه فيه عربيات ما لهاش مشاكل نهائي الا انها ليس لها انتشار زى السوبارو مثلا و الابيزا . الكلام النظرى حاجه و الاختيار بيكون حاجه تانيه و معادلة العيوب و المميزات مع الراحه النفسيه اللى بتلعب دوركبير حاجه تالته
و شكرا
المفضلات