ألف سلامة عليها وربنا يشفيها ويطمنك عليها إن شاء الله.
عندى سؤال. هل المقصود من الكلام ان الأعراض بتحصل فى نوبات أو هجمات بشكل شبه يومى؟
عرض للطباعة
الله يسلم حضرتك وشكرا على الدعاء ولك احسن منه ان شاء الله
الهجمات كانت قليله جدا يعنى ممكن مرتين فى الشهر فى بدايه المرض والهجمه كانت عباره عن الم مميت فى الجانب الايسر بالكامل (كأن سكينه مشرشره بتقطع فى نصف الجسم ) مع انقطاع فى التنفس والحصول على الهواء بصعوبه بالغه ولابد من الحقن وقتها اول هجمه كانت فى وقت متأخر وذهبت بها لمركز القلب عندنا لان الاعراض شبه جلطه وفى مركز القلب قالوا كله تمام اعرضها على طبيب مخ واعصاب وكانت الساعه 3 صباحا رحت بها على طوارىء المنصوره عملوا الازم وقالوا لازم طبيب مخ واعصاب ومن يومها بدأت الدوامه اكثر من 20 طبيب تقريبا جميع التخصصات من قلب واوعيه دمويه وباطنه وصدر وامراض روماتيزميه لمخ واعصاب وعصبيه ونفسيه لعيون وانف واذن مسيبتش حد لعلاج بالقرآن دواااااااااااااااااااامه كبيره مع ازدياد النوبات على فترات وبدأت تتقارب وآخر طبيب كنت استمريت معاه فتره طويله حسيت منه باليأس . وده الوحيد من اطباء المخ والاعصاب اللى استبعد مرض الام اس لان الالتهابات والنقط البيضاء على المخ قال لى ليست بالحجم الكبير وكان التشخيص فيبروميالجيا وعلاج لفتره بدون اى تقدم وبعدين قال احنا فى مرحله البانيك اتاك .. وفتره وبعدين حسيت انه يأس وطلب منى عرضها على طبيب قلب تانى رحت لدكتور خلانى اعمل اشاعات وتحاليل تانى وبعدين قال فيه التهاب فى الغده الدرقيه نعالجه الاول وطبعا مشاكل فى المعده والقولون بسبب كره العلاج وبعدين حقن طويله المفعول للروماتيزم بسبب زياده سرعه الترسيب وده لسه ماشيين معاه والحمد لله الهجمات بقت قليله عن الاول لكن مع تواجد الم فى نصف الجسم كأنه وخز دائم مع صداع والاتنين لاينقطعوا لكن انقطاع التنفس مع شده الالم (بالظبط ووصفها ووصف الاطباء كأنها خروج الروح) عدد النوبات اصبح قليلا ويتزامن مع التوتر والقلق الشديد
والله الشافى ان شاء الله والحمد لله على كل شىء
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام - و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية هو وزوجة اخانا ومرضى المسلمين عاجلا غير اجلا ياأرحم الراحمين اللهم اشفه . اللهم اشفه . اللهم اشفه . . اللهم امين .
وارد اوى ان يكون فى مشكلتين مع بعض، واحدة عضوية وواحدة نفسية.
تشخيص الفايبرومايالجيا بعيد شوية عن الوصف ده
إنما المشاكل المناعية او الروماتيزمية أقرب وممكن تتلخبط مع الMS، بجوار وجود نوبات Panic
لو فيه أى حاجة اقدر أساعد بيها، قول لى على طول
ربنا مع حضرتك إن شاء الله
السلام عليكم ورحمه الله وبركاته
الحمد لله ولاحول ولا قوه الا بالله ولله الامر من قبل ومن بعد
ربنا يشفيك ويكرمك ويحميك من كل سوء
جزاكم الله خيرا يا أحلى و أجمل شباب والله كل كلامكم على راسي من فوق و جزاكم الله خيرا على الدعاء جعله الله فى ميزان حسناتكم و أظلكم فى ظل عرشه يوم لا ظل الا ظله .
دكتور خالد انا مجربتش اعمل علاج طبيعى قبل كده .
اللهم اكتب الشفاء لكل مرضي المسلمين