الموضوع: بخصوص مرض m s

المشاركة الأصلية كتبت بواسطة طارق _عبد السلام

اسئل الله العظيم رب العرش العظيم ان يشفيك شفاء لا يغادر سقما
بس فضلا حاول تراجع اكثر من طبيب .. انا فى الدوامه دى من اكثر من سنتين . وصرفت كتير جدا جدا
وتم التشخيص لزوجتى بالمرض ده تصلب عصبى متعدد وعلاج كتير واكتر من دكتور مخ واعصاب ومنهم اساتذه كبار جدا يئسوا من الحاله لعدم الاستجابه ورحت لدكتور فى المنصوره وطبعا كنت عامل لها تقريبا اشاعات وتحاليل كتييييييييير جدا طلب اعاده اشاعه الرنين المغناطيسى للتاكيد على حجم النقط البيضاء على المخ وكم اشعه تانيه . المهم قال لى ده مش تصلب متناثر . ودخلت فى تشخيص تانى وهو فيبرو ميالجيا وسنه كامله علاج .. ولا نتيجه تذكر والحاله تذداد اسوء واسوء وبعدين شخص تانى ان الحاله . بانيك اتاك. وعلاج من جديد ومخدرات ووصلنا لنالوفين ( مورفين) ولااااااااااااااا نتيجه ودلوقتى رحنا لدكتور تانى شخص غده درقيه مع مشاكل فى سرعه الترسيب وعلاج بس اخيرا حسينا بتحسن وقله الهجمات لان الهجمه للمرض كانت مميته فعلا وبتوصل لمرتين فى اليوم ومع ذلك والتجسن البسيط مش عارفين هل ده تشخيص مظبوط ولا لا لان لازال الالم فى منتصف الجسم الايسر بالكامل لاينقطع مع صداع فتاك لاينقطع نهائيا ولكن قل عدد الهجمات
معلش انا رغيت كتير بس قلت ممكن التجربه والدوامه اللى انا وزوجتى فيها ممكن تفيد وياااااااااارب يكون التشخيص غلط عندك لانى عارف صعوبه المرض ده انا تقريبا قرأت كل حاجه عنه
ربنا يتم شفاك ويشفى مرضى المسلمين

الف سلامه لزوجه حضرتك
هو مرض اعراضه ممكن تختلف تماما من شخص لأخر
ربنا يخفف عنها و يشفيها