http://www.nilemotors.net/Nile/428106-a.html
عرض للطباعة
حصل ايه فى مشكلتك ؟ ياريت تطلعنا على التفاصيل
بالنسبة لمشكلتى لازالت العربية فى التوكيل منتظر عمل مقايسة بحجم الاضرار و ساعتها هقدم المقايسة دى للتأمين
التأمين هيبعت مندوب مهندس هيكشف على العربية بالكامل و لو اثبت انه عيب صناعة هنرفع قضية عالتوكيل
اى حاجة غير كده التأمين هيصلح
حمدالله على سلامتك و حسبي الله و نعم الوكيل في اللي بيستهزأ بارواح الناس بالشكل دا !
عربية فشلة
يا باشا حاول توصل لمقر الشركه فى فرنسا و تبلغهم باللى حصل علشان يضغطوا عليهم هنا لانهم هنا اكيد هيلبسوهالك انت
و احمد ربنا انها جات على قد كده انا زميل واحد صاحبى اشتراها و بهد 10 ايام كان راجع بيها من مطروح الطانبوره اتفلقت نصين و واحد من اولاده مات فى الحادثه و هو متبهدل
بيجو الأم بعتتلى ايميل المسئول عن خدمة العملاء و اللى على اتصال مباشر بالشركة الأم
قالولى احنا بعيد عن مشكلتك خد ايميل الشخص ده و هو هيراسلنا بالمشكلة بس انا منتظر اجيب العربية من التوكيل
استاذ احمد الرامى لو فعلا الراجل اللى عمل حادثة ده صديقك ممكن رقم تليفونه؟
بصراحة انا بلوم نفسى لانى رشحت العربية دى لزميلى فى الشغل ،، ولما شفت الموضوع ده كان اشترى الهاى لاين خلاص ،، ربنا يستر و مكنش سبب فى اذيته :(
مش مقياس يا استاذ محمد فى ناس كتير برضه مبسوطين من العربية و ماشافوش فيها مشاكل كبيرة لو انت عايز تخدم صاحبك بجد خليه يكشف على العربية
يعنى روح معاه التوكيل مثلا و خليه يقولهم انك عايز تشتريها و عايز تعمل كشف عليها عشان تطمئن و ان شاء الله مايبقاش فى مشاكل
و خليه يتعامل مع العربية كعربية عائلية مش بتاعة شد و غرز عشان لسه مالهاش ثقة فى السوق المصرى ولا ليها سمعة
اقسم بالله اني قلبي وجعني عليك
مش عارف اقولك ايه يا اخي
حسبنا الله ونعم الوكيل
عيب الصناعه ممكن يكون مقبول في مرايه او عداد او كشاف نور انما يكون الفرامل وبتقول التكييف بيفصل وعضو تاني بيقول الطنبوره اتقسمت نصين
ايه ده
حاجه غريبه بجد من شركه عريقه
حاول متسبش حقك وتستسهل وتحملها للتامين
ربنا معاك