قدامى فورد اسكورت .عاوز رايكم

**mohamed9999** · 19-06-2014 11:23 AM

قدامى فورد اسكورت موديل 99 بس محاجه عفشه كامله امامى و طقم شمبر او ممكن عمره كامله بس هو دا اللى محتاجاه فابريكا جوه ورشه بره ايه رايكم تسوى كام

**ENG.MaRk** · 19-06-2014 11:43 AM

ماتسواش مليم أحمر ... الفورد قليلة و تصليحها صعب حتي ولو مش مكلف أحسنلك بلاش تشتري عربية عايزة صيانة و خصوصا إنها عايزة عفشة كاملة و عمرة يعني وجع دماغ

**mohamed9999** · 19-06-2014 12:14 PM

المشاركة الأصلية كتبت بواسطة eng.mark

ماتسواش مليم أحمر ... الفورد قليلة و تصليحها صعب حتي ولو مش مكلف أحسنلك بلاش تشتري عربية عايزة صيانة و خصوصا إنها عايزة عفشة كاملة و عمرة يعني وجع دماغ

انت شايف كده بس اصل سعرها مغرى يعنى معروضه عليا ب21000ج ومفيهاش غير اللى قلتلك عليها وفيها تكييف بس مش شغال واتنين زجاج كهرباء وموديل 99 ورخصه 9شهور

**mohamed9999** · 19-06-2014 02:40 PM

ياناس انا خايف تكون لقطه و تروح منى على سعره دا

**Ramadan Kader** · 20-06-2014 08:55 AM

الموتور الكاربراتير هتلاقيه بحوالي 4500 و عافشه كامله امامي 2مقص حوالي 550ج تيش ميزان 200ج بارات طرف 200ج و لو فيها مساعدين حوالي 900ج بيض مقص 200ج اتنين بليه عجل 200ج مصنعيات 500 تسقيط موتور و 250ج للعفشجي الإجمالي حوالي 7500ج هو ده تمنها اللفعلي أصلا لو حالتها كويسه حوالي 30000 جينه وده بفرض ان ملاقتش حاجه تانيه فيها زي علبه دريكسون ب 750ج او مارش او حساسات

**Ramadan Kader** · 20-06-2014 08:58 AM

بالنسبه لقطع الغيار مو
توافره و مفيش فيها اي مشاكل خالص و الصنيعبه اي حد لان الموتور ال 1300 كاربيراتير بس هي فيها تاكان صغير محتاجه ميكانيكي فورد و دول موجودين كتير و هتااقي العناوين عندي على المنتدى بارقام التليفونات

**mohamede002e** · 20-06-2014 02:35 PM

بص زي ماقال الاخ رمضان لو انت عارف صنايعية الفورد واتعاملت معاهم او ليك خلق للصنايعية عامتا دوس العربية حلوة ولما انت هتشدها علي ايدك اكيد هتريحك لمدة قدام واعمل حسابك في ١٠٠٠٠ جنيه لو هتشد شدة مظبوطة اما بقي لو مالكش خلق للصنايعية وماتعاملتش قبل كدا فنصيحة بلاااااااااش وبلاش فورد عامتا