الموضوع: العربيه بتقطع عالسلانسيه

السلام عليكم ورحمه الله وبركاته
www.nilemotors.net/Nile/425140-a.html
دة موضوع قديم ليه كانت البطاريه ماتت خالص وبعدها لقيت العربيه وانا ماشى على الغيار عادى سواء كان اول او تانى او تالت او رابع وممكن بتعمل كانها هتفصل وبتكمل تانى عادى واعتقد بس ممكن يكون احساسى دا غلط ... انها بتعمل الموضوع دة بالذات والعربيه باردة وبالذات لما بكبس بنزين زيادة سنه. ةاعتقد كمان انى بحس زى ما يكون فى فرقعه فى الشكمان بس من عند الماتور قدام اعتقد احساس بس انا مش بركز اوى
المهم كان الزملا قالولى اكشف عالبطاريه والدينامو ممكن يونو السبب
فروحت امبارح كنت فى التجمع الخامس وراجع لحلوان فقولت اعدى على بتاع يطاريات فى حلوان المهم كشف وبصيت على قرايه الجهاز والعربيه كانت مبطله لقيتها فى اول جزء فى حيز ok بعدين المؤشر فضل يقل لغايه لما بقى فى الجزء الاقل مخدتش بالى الراجل شال ايدو ولا ايه لانو كان قالى دور العربيه فدخلت ادور
المهم دورت وبعدها قالى نور العالى وبعدها قالى زود وبعدين قالى البطاريه يعنى ممكن تكمل معاك شويه والدينامو كويس بس البطاريه شغاله
المهم قالى على نصيحه عجيبه معرفش صح ولا ايه
قالى انى بعد ما اعمل مشوار كبير بالعربيه ابطل العربيه بس اسيب النور العالى شغال دقيقتين علشان البطاريه تفضى الشحن الزيادة اللى فيها لان كدة المايه اللى فيها بتتبخر وبتبوظ البطاريه وشاورلى على مايه كدة عالبطاريه من فوق ومن الجنب
وبعدها سالتو البطاريه بكام فقالى الحجم الصح بتاع العربيه ولا اللى راكبه فبقولو هى اللى راكبه دى مش اصلى فقالى لاء دى اصغر من اللى المفروض تركب فقولتلو الحجم بتاع العربيه بكام قالى دى ال 66 السعودى امريكى ب 550
المهم خرجت من عندو كان معايا صاحبى فقالى تعالى نسال عن ابميكانيكى دة ممكن يكون من ايه فالراجل قالى دور كدة اسمع دوارتها فدةرت وهو قعد يزود وبعدها قالى انت اخر مرة غيرت بوجيهات امتى قولتلو مش عارف انا لسه جايب العربيه فقالى طيب يبقى نغير بوجيهات وبعدها نعرف من ايه فصاحبى قالو فكهم كدة وبص بصه ففكهم وقالو هى مبتبانش بالشكل برضو يا استاذ فقفلنا العربيه ومشيت وقولت استنى لما اروح ل استاذ طنانى
انتو رائيكو ايه

اشكرك على.ردك ان شاء الله هجرب واقولكو النتيجه